রোদ ত্রান্সপোর্ত অমসুং হাইৱে মন্ত্রালয়
এন.ঐচ.এ.আই.না নেস্নেল হায়ৱেশিংদা মোবাইল নেৎৱর্ক কনেক্তিবিতী ফগৎহন্নবা অথুবা মতমদা থবক লৌখৎনবা খঙহনখ্রে
प्रविष्टि तिथि:
06 JAN 2026 2:19PM by PIB Imphal
নেস্নেল হায়ৱেকী মফম কয়াদা মোবাইল নেটৱার্ক কনেক্তিবিতীগী মরু ওইবা ৱাফমশিং খঙদোক্তুনা, এন.ঐচ.এ.আই.না দিপার্তমেন্ত ওফ তেলিকোম্ম্যুনিকেসন (দি.ও.তি.) অমসুং তেলিকোম রেগুলেতরী ওথোরিতী ওফ ইন্দিয়া (ত্রাই) গী মতেং লৌদুনা তেলিকোম সর্ভিস প্রোভাইদরশিং (তি.এস.পি.) পব্লিক সেফতী ইমপ্লিকেসনশিং অমসুং নেস্নেল হায়ৱে নেৎৱার্ককী স্ত্রেতেজিক ওইবা মরুওইবা অদু পল্লদুনা, এন.ঐচ.এ.আই.না লৈবাক শিনবা থুংনা লৈবা নেস্নেল হায়ৱে কোরিদোরশিংদা মোবাইল নেৎৱার্ক কনেক্তিবিতী ফগৎহন্নবা খোঙজেল য়াংনা অমসুং কোওর্দিনেৎ তৌদুনা থবক পায়খৎনবা হায়খ্রে।
এন.ঐচ.এ.আই.না পায়খৎলিবা মপুং মতীক চাবা এসেসমেন্ত অমগী শরুক অমা ওইনা, নেস্নেল হায়ৱে নেৎৱার্ক শিনবা থুংনা কিলোমীতর 1,750 রোম কুপশিল্লিবা মফম 424 অসি মোবাইল নেৎৱার্ক কনেক্তিবিতী ফংদবনা মরম ওইদুনা শাথীনা শোকহল্লবা মফমশিং ওইনা মশক খঙদোকখ্রে। হায়রিবা মফমশিং অসিগী অকুপ্পা মরোলশিং অসি দরকার ওইবা থবকশিং লৌখৎনবা তেলিকম্ম্যুনিকেসন দিপার্তমেন্ত অমসুং ত্রাইগা লোয়ননা ফোর্মেল ওইনা পাউদমখ্রে।
নেস্নেল হায়ৱে কোরিদোরশিংনা অরাপ্পা অমসুং খুঙ্গংগী মফমশিংদা চৎলিবা মরম্না, সেক্সনশিং অসিদা থাজবা য়াবা মোবাইল নেৎৱার্ক কভরেজ লৈতবনা নেস্নেল হায়ৱে ওপরেসনশিং, ইমর্জেন্সী রেস্পোন্স মেকানিজম অমসুং তেক্নোলোজী-ইনেবল পব্লিক সর্ভিসশিং ফংহনবদা অকায়বা পীরি।
মসিগী মথক্তা, জিও-মেপ তৌরবা খুদোংথীবা থোকপা য়াবা মফমশিংদা, লম্বী থোংদা শা-ষনগী খোঙচৎ অমসুং অতোপ্পা মশক খঙদোক্লবা খুদোংথীবশিং য়াওনা প্রোএক্তিব এস.এম.এস. নৎত্রগা ফ্লাশ এস.এম.এস. এলর্তশিং শন্দোক্নবা তেলিকোম ওপরেতরশিংদা তঙাই ফদবা লমজিং-লমতাকশিং পীনবা এন.ঐচ.এ.আই.না ত্রাইদা হায়জখ্রে। হায়রিবা এলর্তশিং অসি লম্বীদা চৎলিবা মীওইশিং অসি অসিগুম্বা মফমশিংদা মমাংদা য়ৌহন্নবা পান্দম থম্লি। মসিনা মতম চানা চেকশিন থৌরাং লৌবা অমসুং হেন্না সেফ ওইবা ঙমহল্লি। খুদোংথীবা থোকপা য়াবা মফমশিংগী লিস্ত অমা ত্রাইদা পীখ্রে।
মোবাইল নেৎৱার্ক কনেক্তিবিতীগী অৱাৎপা কোকহন্নবা অমসুং নেস্নেল হায়ৱেজদা সেক্যুরিতী হেঙ্গৎহন্নবা থবক পায়খৎপগা লোইননা, নেস্নেল হায়ৱেজ নেৎৱার্ক অসি ফিজিকেল ওইনা ফজনা কনেক্ত তৌবতা নত্তনা দিজিতেলগী মওংদা মপাঙ্গল হাপচিনহনবদসু মরী লৈনবা স্তেকহোল্দর পুম্নমক্কা লোয়ননা থবক তৌমিন্নবগীদমক এন.ঐচ.এ.আই.না অমুক্কা হন্না থাজবা পীরি। মসিগী থবকশিং অসি লৈবাক শীনবা থুংনা লৈরিবা নাগরিকশিংগীদমক সেফ, ইফিসিএন্ত অমসুং য়ুজর-সেন্ত্রিক নেস্নেল হায়ৱে ইনফ্রাস্ত্রকচর ফংহন্নবা এনঐচএআইগী পাক চাউবা পান্দমগা চুনৈ।
***
(रिलीज़ आईडी: 2211774)
आगंतुक पटल : 14