নমো বুদ্ধায়।

কেন্দ্রগী মন্ত্রী-মন্দলদগী ঐগী মরুপশিং, গজেন্দ্র সিংহ শেখাৱতজী, কিরেন রিজিজুজী, রামদাস অথাৱালেজী, রাও ইন্দ্রজিৎজী, দিল্লীগী মুখ্য মন্ত্রীনা মাগী হান্নদগী লেপখিবা থবক অমা লৈবদগী চৎখ্রে, দিল্লীগী মন্ত্রী পুম্নমক, দিল্লীগী লেফতনেন্ত গভর্নর, শ্রী সক্সেনাজী, এক্সিলেন্সীশিং, দিপ্লোমেতিক কম্ম্যুনিতীগী ইকাই খুম্নরবা মেম্বরশিং, বুদ্ধিস্ত স্কোলরশিং, ধম্মগী তুং ইল্লিবা মীওইশিং, নুপী অমসুং নুপাশিং।

চহি চামগা কুন-মঙা ঙাইরবা মতুংদা, ভারতকী হেরিতেজ অদু হল্লকখ্রে, ভারতকী লিগেসি অদু হল্লকখ্রে। ঙসিদগী, ভারতকী মীয়াম্না ভগবান বুদ্ধগী অশেংবা রেলিকশিং অসি উবা ফংলগনি অমসুং মহাক্কী য়াইফ-মঙ্গোলশিং ফংলগনি। য়াইফরবা থৌরম অসিদা, মফম অসিদা লৈরিবা মীথুংলেন পুম্নমকপু ঐহাক্না নুঙাইবা ফোংদোকচরি অমসুং য়াইফ পাউজেল পীজরি। মসিগী অশেংবা থৌরম অসিদা, বদ্ধগী চৎনবীগা মরী লৈনবা লম্বোইবশিং অমসুং ধর্মগী ওজাশিংসু ঐখোয়দা য়াইফ-মঙ্গোল পীনবগীদমক লেংশিল্লি। ঐনা ময়াম পুম্নমক্কী মফমদা ইকায় খুম্নবা উৎচরি। অদোম্না লাকপীবা অসিনা থৌরম অসিবু অনৌবা অৱাংবা পনখৈ তম্না পুখৎলি অমসুং অনৌবা ইনর্জী পীরি। 2026কী অঙনবা শরুক্তা, মসিগী অফবা কুমহৈ অসি তশেংনা ইথিল পীবা অমনি। 2026তা ঐহাক্কী অহানবা মীয়ামগী ওইবা প্রোগ্রাম অসি ভগবান বুদ্ধগী মখুৎতা হৌরকপা অসিসু ঐহাক্কী নুংঙাইবা অমনি। ভগবান বুদ্ধগী য়াইফ-পাউজেলগা লোয়ননা 2026 অসি মালেম অসিদা শান্তি, চাউখৎপা অমসুং অমত্তা ওইনা লৈমিন্নবগী অনৌবা মতম অমা ওইরকপা ওইরসনু হায়না ঐহাক্না থৌনিজরি।

মরুপশিং,

মসিগী এক্সপোজিসন অসি হৌদোকখিবা মফম অসিমক অখন্নবা অমনি। কিলা রাই পিথোরাগী মফম অসি ভারতকী মতিক-ময়াই লৈরবা পুৱারীগী লমদম অমনি। চহি লিশিং অমগী মমাংদা, মতম অদুগী লৈঙাকপশিংনা পুৱারী ওইরবা লানবন অসিগী অকোইবদা মপাঙ্গল কনবা অমসুং শাফবা ফক্লাংশিংনা কোইশিনবা শহর অমা শেমগৎখি। ঙসিদি, পুৱারী ওইরবা শহরগী কমপ্লেক্স অসিদা, ঐখোয়না ঐখোয়গী পুৱারীদা স্পিরিচুএল অমসুং শেংলবা পন্দুপ অমা হাপচিল্লি।

মরুপশিং,

ঐহাক মফম অসিদা লাকদ্রিঙৈ মমাংদা, পুৱারী ওইরবা একজিবিসন অসিবু কুপ্না য়েংশিনখি। ঐখোয়গী মরক্তা ভগবান বুদ্ধগী অশেংবা রেলিকশিং অসি লৈবনা ঐখোয় পুম্নমকপু নুংঙাইবা পোকহল্লি। মখোয়না ভারত থাদোকখিবা অমসুং তুংদা হল্লকখিবা অসি মখোয় মশামক্না য়াম্না মরু ওইবা পাউতাক অমনি। মসিদগী ঐখোয়না তম্বা য়াবা ৱাফমদি, মীখা পোনবগী থৌওং অসি রাজনিতী অমসুং শেন্মিৎলোনগী ওইবা থৌওং খক্তা নত্তে, মসিনা ঐখোয়গী হেরিতেজসু মাংহল্লি। ভগবান বুদ্ধগী অশেংবা রেলিকশিংদা মসি চপ মান্ননা থোকখি। মীখা পোল্লিঙৈ মতমগী মনুংদা, মখোয় অসি ভারত্তগী লৌথোকখি অমসুং চাউরাক্না চহি 125 রোম লৈবাক অসিগী মপান্দা লৈখি। মখোয়বু পুখিবা মীওইশিং অমসুং মখোয়গী মচা-মশুশিংগীদমক্তদি, মসি শুপ্নগী অরিবা পোৎলমশিং খক্তমক ওইরম্মি। মসিনা মরম ওইদুনা মখোয়না অশেংবা রেলিকশিং অসিবু ইন্তর্নেস্নেল মার্কেৎতা নিলাম তৌনবা হোৎনখি। অদুবু ভারতকী ওইনদি, মসিগী অশেংবা রেলিকশিং অসি ঐখোয়গী ইকাই খুম্নরবা ঈশ্বরগী শরুক অমনি, ঐখোয়গী সভ্যতাগা তৎন-থানবা য়াদ্রবা শরুক অমনি। মরম অদুনা, ভারতনা মখোয়গী পব্লিক ওক্সন অদু অয়াবা পীখিদে। ঙসি, ঐহাক্না গোদরেজ গ্রুপকী মফমদসু ঐহাক্কী থাগৎপা ফোংদোকচরি। মখোয়না ভগবান বুদ্ধগা মরী লৈনবা অশেংবা রেলিকশিং অসি মহাক্কী কর্মাগী লমদম, মহাক্কী কন্তেমপ্লেসনগী লমদম, মহাক্কী মহাবোধিগী লমদম, অমসুং মহাক্কী মহাপরিনির্ভানগী লমদমদা হল্লকপা ঙমহনবদা তেংবাং পীরকখি।

মরুপশিং,

ভগবান বুদ্ধগী লৌশিং অমসুং মহাক্না তাকপীবা লম্বী অসি মীওইবা খুদিংমক্কীনি অমসুং মতমগী মতুং ইন্না হোংবা লৈতে। ঐখোয়না হৌখিবা থা খরসিদা অসিগুম্বা ৱাখল্লোন অসি হন্না হন্না থেংনখি। হৌখিবা থা খরদা ভগবান বুদ্ধগী লাইনিং লাইশোলশিং চৎখিবা মফম খুদিংমক্তা, থাজবা অমসুং ইকায়খুম্নবাগী ঈচেলশিং থোরকখি। থাইলেন্দদা, অসিগুম্বা অশেংবা রেলিকশিং অসি তোঙান তোঙানবা মফমশিংদা থম্লি। থা অমদগী তাদনা, ভক্ত মিল্লিয়ন মরি হেন্না দর্শনগীদমক্তা লাকখি। ভিয়েতনামদা, মীয়ামগী ৱাখল্লোন অসি মপাঙ্গল কনবা মরম্না একজিবিসনগী মতম শাংদোকহনখি, অমসুং সহর নিপানদা, মীওই মিল্লিয়ন তরাগী ময়ানা রেলিকশিংগী মফমদা ইকায় খুম্নবা উৎখি। মঙ্গোলিয়াদা, মীওই লিশিং কয়া অমনা গান্দন মোনাস্তরীগী মপান্দা পুং কয়া লেপখি, অমসুং মীওই কয়া অমনা ভারতকী মীহুৎশিংবু ইকায় খুম্নবা উৎখি মরমদি মখোয়শিং অসি বুদ্ধগী লমদমদগীনি। রুসিয়াগী কাল্মিকিয়া লমদমদা, চয়োল অমগী মনুংদা, মফম অদুগী মীশিংদগী শরুক তঙ্খাই হেন্না ওইরিবা, ভক্ত লিশিং অমগা য়াইখৈ হেনবনা অশেংবা রেলিকশিং অদু উখি। তোঙান-তোঙানবা লৈবাকশিংদা পাংথোকপা থৌরমশিং অসিদা, মীচম প্রজাশিং নৎত্রগা সরকারগী মকোক ওইবশিং, পুম্নমক্না মান্নবা ইকাই খুম্নবা উৎপদা অমত্তা ওইখি। ভগবান বুদ্ধ অসি মীপুম খুদিংমক্কীনি। ভগবান বুদ্ধনা পুম্নমকপু শম্নহল্লি।

মরুপশিং,

ভগবান বুদ্ধনা ঐগী পুন্সিদা য়াম্না মরুওইবা মফম অমা কনবদা ঐহাক য়াম্না নুংঙাইবা ফাওই। ঐগী পোক্নফম মফম, ভাদনগর অসি বুদ্ধিস্ত লর্নিংগী মরুওইবা মফম অমনি। ভগবান বুদ্ধনা মহাক্কী অহানবা সরমন পীখিবা সরনাথ অসি ঙসি ঐগী করমভূমি ওইরে। ঐহাক সরকারগী থৌদাংশিংদগী লাপ্না লৈরিঙৈদসু, ঐহাক বুদ্ধগী মফমশিংদা তীর্থ য়াত্রি ওইনা চৎখি। প্রধান মন্ত্রী ওইনা, ঐহাক্না মালেম শীনবা থুংনা লৈরিবা বদ্ধগী তীর্থগী মফমশিং চৎপগী খুদোংচাবা ফংজখি। নেপালগী লুম্বিনিদা লৈবা মায়া দেবীগী অশেংবা লাইশঙদা খুরুমজবা অসি মশামক্না অখন্নবা এক্সপরিয়েন্স অমনি। জাপানগী তো-জি লাইশঙ অমসুং কিনকাকু-জিদা, বুদ্ধগী পাউজেল অসি মতমগী ঙমখৈদগী হেন্দোকই হায়না ঐনা ফাওখি। ঐহাক্না চাইনাগী সিয়ানদা লৈবা বিগ ৱাইল্দ গুজ পাগোদাদা চৎখি। মফম অসিদগীবুদিস্ত স্ক্রিপচরশিং অসি এসিয়া শিনবা থুংনা শন্দোকখি অমসুং মফম অসিদা ভারতকী থৌদাং অসি হৌজিক ফাওবা নীংশিংদুনা লৈরি। মঙ্গোলিয়াগী গন্দন মোনাস্তরীদা, ঐহাক্না বুদ্ধগী লিগেসীগা লোয়ননা মীওইশিংগী অচেৎপা ইমোস্নেল কনেক্সন অদু উবা ফংখি। শ্রী লঙ্কাগী অনুরাধপুরাদা জয় শ্রী মহাবোধি উবা অসি নিংথৌ অশোক, ভিক্খু মহিন্দা অমসুং সঙ্ঘমিত্রানা থাদোরকপা চৎনবীগা মরী লৈনবা এক্সপরিয়েন্স অমনি। থাইলেন্দদা লৈবা ৱাৎ ফো অমসুং সিঙ্গাপুরদা লৈবা বুদ্ধ টুথ রেলিক তেম্পলদা ঐহাক্না চৎপদা ভগবান বুদ্ধনা তম্বীরম্বশিং অদুগী ইথিল অদু ঐহাক্না হেন্না খঙবা ঙমখি।

মরুপশিং,

ঐহাক্না চৎখিবা মফম খুদিংমক্তা, মফম অদুগী মীয়ামগী মরক্তা ভগবান বুদ্ধগী লিগেসীগী খুদম অমা পুরক্নবা ঐহাক্না হোৎনখি। মরম অসিনা ঐহাক্না চাইনা, জাপান, কোরিয়া, অমসুং মোঙ্গোলিয়াদা বোধি পাম্বী মচাশিং পুদুনা চৎখি। এতোমিক বোমনা মাং-তাকহনখিবা শহর হিরোশিমাগী বোতানিকেল গার্দেনদা বোদী ত্রী অমা লৈরকপা মতমদা মীওইবা খুন্নাইদা পীবা অচৌবা পাউজেল অদু অদোম্না খন্থবিয়ু।

মরুপশিং,

ভগবান বুদ্ধগী শেয়র হেরিতেজ অসিনা ভারত অসি রাজনিতী, দিপ্লোমেসী অমসুং শেন্মিৎলোনগী খুত্থাংদা শম্নদবতা নত্তনা হেন্না চেৎপা মরীগী খুত্থাংদা শম্নরি হায়বসি তাক্লি। ঐখোয় ৱাখল অমসুং পুক্নিংগী, থাজবা অমসুং স্পিরিচুএলগা মরী লৈনৈ।

মরুপশিং,

ভারত অসি ভগবান বুদ্ধগী অশেংবা লৈহাওশিং ঙাক্তুনা থম্বতা নত্তনা মহাক্কী চৎনবীগী হিংলিবা কেরিয়রসু ওইরি। পিপরহৱা, বৈশালী, দেবনী মোরি অমসুং নাগার্জুনাকোন্দা ফংখিবা ভগবান বুদ্ধগী লৈহাওশিং অসি বুদ্ধগী পাউজেলগী হিংলিবা মমিশিংনি। ভারতনা সাইন্স অমসুং স্পিরিচুএলিতী অনিমক্কী খুত্থাংদা মওং খুদিংমক্তা মসিগী রেলিক্সশিং অসিবু ঙাক-শেন্দুনা লাক্লি।

মরুপশিং,

Iভারতনা মালেম শীনবা থুংনা লৈরিবা বৌদ্ধ হেরিতেজ সাইতশিং চাউখৎহনবদা মতেং পাংনবা লেপ্পা লৈতনা হোৎনরি। নেপালদা থোকখিবা য়ুহার হাবদা অরিবা স্তুপাশিং মাং-তাকহনখিবা মতমদা, ভারতনা মখোয়বু অমুক হন্না শেমগৎনবা মতেং পাংখি। বগান, ম্যান্মারদা থোকখিবা য়ুহার হাবগী মতুংদা, ভারতনা পেগোদা 11 হেন্না ঙাক-শেন্দুনা থম্নবা থবক পায়খৎখি। অসিগুম্বা খুদম কয়া অমা লৈ। ভারতকী মনুংদসু, বদ্ধগী চৎনবীগা মরী লৈনবা মফমশিং অমসুং লৈহৌরিবশিং থিজিনবা অমসুং ঙাক-শেন্দুনা থম্বগী থবক লেপ্তনা চত্থরি। ঐহাক্কী পোক্নফম গুজরাতকী ভাদনগর অসি বদ্ধ চৎনবীগী মরুওইবা মফম অমনি হায়না ঐহাক্না মমাংদা হায়খি। ঐহাক্না চীফ মিনিস্তর ওইনা লৈরিঙৈ মতমদা, মফম অদুদা বদ্ধ ধর্মগা মরী লৈনবা অরিবা পোৎলম লিশিং কয়া অমা ফংখি। ঙসিদি, ঐখোয়গী সরকারনা মখোয়শিং অসি ঙাক-শেন্দুনা থম্নবা অমসুং হৌজিক্কী মীরোলশিং অসি মখোয়শিং অসিগা শম্নহন্নবা মীৎয়েং থম্লি। চহি 2500 রোমগী পুৱারীগী এক্সপরিয়েন্স অমা পীবা অঙকপা এক্সপরিয়েন্সেল ম্যুজিয়ম অমা মফম অসিদা শাগৎলি। থা খরগী মমাংদা, বদ্ধগী মতমগী মরু ওইবা বদ্ধগী মফম অমা জম্মু অমসুং কাশ্মীরগী বারামুল্লাদা ফংখি। হৌজিক মসিগী ঙাকশেলগী থবক অসি খুমাং চাউশিল্লে।

মরুপশিং,

হৌখিবা চহি 10-11 অসিদা, ভারতনা বদ্ধগী মফমশিংবু মোদর্নিতীগা শম্নহন্নবা হোৎনখি। বোধগয়াদা কনভেন্সন সেন্তর অমসুং মেদিতেসন অমসুং এক্সপরিয়েন্স সেন্তর অমা লিংখৎলে। সরনাথতা, ধামেক স্তুপাদা লাইৎ অমসুং সাউন্দ শো অমসুং বুদ্ধ থীম পার্ক অমা শেমখ্রে। শ্রাভাস্তি, কপিলবস্তু অমসুং কুশিনগরদা মোদর্ন ফেসিলিতীশিং শেমগৎলে। তেলঙ্গনাগী নালগোন্দাদা, দিজিতেল এক্সপরিয়েন্স সেন্তর অমা লিংখৎখ্রে। সঞ্চি, নাগার্জুন সাগর অমসুং অমরাৱতীদা লাইরবশিংগীদমক্তা অনৌবা ফেসিলিতীশিং শেমগৎখ্রে। ঙসিদি, লৈবাক অসিদা বদ্ধ সর্কিৎ অমা শেমগৎলি। মসিনা ভারতকী বদ্ধ তীর্থগী মফম পুম্নমক্কী মরক্তা হেন্না ফবা কনেক্তিবিতী অমা লৈহল্লগনি। মসিনা মালেম পুম্বদগী লাকপা ভক্তশিং অমসুং তীর্থয়াত্রীশিংদা থাজবা অমসুং স্পিরিচুএলিতিগী অচেৎপা এক্সপরিয়েন্স অমা ফংহল্লগনি।

মরুপশিং,

ঐখোয়গী হোৎনবা অসিদি বদ্ধকী হেরিতেজ অসি মহৌশাগী ওইবা মওংদা তুংগী মীরোনশিংদা য়ৌহন্নবনি। গ্লোবেল বদ্ধ সম্মিত অমসুং বৈশাখ অমসুং অশাধা পুর্নিমাগুম্বা ইন্তর্নেস্নেল থৌরমশিং অসি অসিগুম্বা ৱাখল্লোন অসিনা লমজিংলি। ময়াম পুম্নমক্না খঙনরবনি মদুদি ভগবান বুদ্ধগী অভিধম্ম, মহাক্কী ৱাহৈশিং, অমসুং মহাক্কী পাউতাকশিং অসি তশেংবদি পালি লোলদা ওইরম্মি। ঐখোয়না পলিবু মীপুম খুদিংমক্তা য়ৌহন্নবা হোৎনরি। মরম অসিনা, পালি অসি ক্লাসিকেল লেঙ্গুয়েজ অমগী থাক পীখ্রে। মসিনা ধম্ম অসিবু মশাগী অশেংবা মশকশিংদা হেন্না লায়না খঙবা অমসুং শন্দোক্না তাকপদা মতেং পাংগনি অমসুং বদ্ধগী চৎনবীগা মরী লৈনবা রিসর্চপু মপাঙ্গল কনখৎহনগনি।

মরুপশিং,

ভগবান বুদ্ধগী পুন্সিগী ফিলোসোফিনা মালেমদা অনৌবা লম্বী অমা উৎতুনা ঙমখৈ অমসুং জিওগ্রাফিকেল রিজনশিংদগী হেন্দোকখি। “ভবতু সাব্ব মঙ্গলম, রকখন্তু সাব্ব দেৱতা, সাব্ব বুদ্ধনুভবনে সাদা সুত্তী ভবন্তু তে”, মসি মালেম পুম্বগী য়াইফনবা লাইশোননি। ভগবান বুদ্ধনা মীওইবা জাতিবু এক্সত্রিমিজমদগী কননবা হোৎনখি অমসুং মহাক্কী তুং ইল্লিবশিংদা হায়খি: “অত্ত দিপো ভাভা ভিক্কাভে! পেরিক্স্য ভিক্সাভো গ্রাহ্যম, মাদভাচো না তু গৌরাভত”। মসিগী ৱাহন্থোক্তি, লম্বোইবশিং, অদোমগী মশাগী মঙাল ওইবিয়ু। ঐহাক্কী ৱাহৈশিং অসিসু য়েংশিনগদবনি অমসুং লৌগদবনি, ঐহাকপু ইকায় খুম্নবা উৎপদগী তৌবদি তৌগনু।

মরুপশিং,

বুদ্ধগী পাউজেল অসি মতম খুদিংগী অমসুং চহি খুদিংগী মরী লৈনৈ। ঐখোয়গী মশাগী মঙাল ওইরকপা অসি মশাগী ইকাই খুম্নবা অমসুং মশা-মরোমদোম লেপচবগী য়ুম্ফমনি – “অত্ত দীপো ভাবা”।

মরুপশিং,

ভগবান বুদ্ধনা মালেমদা য়ান্দবা অমসুং খুদুম চনবগী মহুত্তা পুন্না চৎমিন্নবগী লম্বী তাকখি অমসুং মসি মতম পুম্নমক্তা ভারতকী মরুওইবা ৱাংঙুলোল ওইদুনা লাক্লি। ঐখোয়না ৱাখল্লোনগী মপাঙ্গল অমসুং পুক্নিংগী ইহুলশিং, মতম পুম্নমক্তা মীওইবা খুন্নাইগী য়াইফনবগীদমক মালেমগী য়াইফনবগী লম্বীদা চংশিল্লি। অসিগুম্বা থৌওং অসিগা লোইননা ভারতনা 21শুবা চহিচাগী মালেম অসিদা মতেং পাংলি। মরম অসিনা ঐখোয়না হায়রি মদুদি হৌজিক অসি লানগী মতম নত্তে, বুদ্ধগী মতমনি। ভারতকী থৌদাং অসি ময়েক শেংলে। মীওইবা খুন্নাইগী য়েক্নবশিংগী মায়োক্তা পাঙ্গল অসি মথৌ তাই। অদুবু য়ান্নদবা লৈবা মতমদা ৱারী শানবা অমসুং শান্তি লৈবা হায়বসি তঙাইফদে।

মরুপশিং,

ভারতনা সরবজন হিতায়া, সরবজন সুখায়াদা অচেৎপা থাজবা থম্লি। মসিদি ভগবান বুদ্ধনা ঐখোয়দা তাকপীরম্বনি। ঐহাক্না থাজৈ মদুদি মসিগী একজিবিসন অসিদা লাকপা মীপুম খুদিংমকসু মসিগী ইথিল অসিগা মরী লৈনগনি।

মরুপশিং,

ভগবান বুদ্ধগী লাইনিং লাইশোলশিং অসি ভারতকী হেরিতেজনি। চহি চা অমা ঙাইরবা মতুংদা, মখোয় লৈবাক অসিদা হল্লকখি। মরম অদুনা, লৈবাক শীনবা থুংনা লৈরিবা মীওইশিংদা ঐনা হায়জরি মদুদি ভগবান বুদ্ধগী ৱাখল্লোনগা মরী লৈনবীয়ু, অমসুং য়ামদ্রবদা অমুক্তি মফম অসিদা লাকপীয়ু। ঐহাক্না স্কুলগী মহৈরোয়শিং, কোলেজগী মহৈরোয়শিং, নহা ওইরিবা মরুপশিং, অমসুং ইচানুপীশিংবু মসিগী এক্সপো অসি য়েংনবা হায়জরি। মসিগী একজিবিসন অসি ঐখোয়গী মমাংঙৈগী শক্নাইরবশিংগা ঐখোয়গী তুংলমচৎকী মঙলানশিংগা শম্নহন্নবা অচৌবা মেদিয়ম অমনি। লৈবাক শীনবা থুংনা লৈরিবা মীয়াম্বু ঐনা মসিগী একজিবিসন অসিদা শরুক য়ানবা আপিল তৌজরি। মসিগী আপিল অসিগা লোইননা, থৌরম অসি মাই পাক্না পাংথোক্নবা ঐহাক্না অমুক্কা হন্না ময়াম পুম্নমকপু য়াইফ-পাউজেল পীজরি। হন্না-হন্না থাগৎচরি!

নমো বুদ্ধায়!

***