ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ 'ମନ୍ କି ବାତ୍ ’ ର ୧୨୯ତମ ଅଧ୍ୟାୟର ଝଲକ ସେୟାର କରିଛନ୍ତି।

ଏକ୍ସରେ ଏକାଧିକ ପୋଷ୍ଟରେ ଶ୍ରୀ ମୋଦୀ କହିଛନ୍ତି:

"୧୪୦ କୋଟି ଭାରତୀୟଙ୍କ ଶକ୍ତି ଏବଂ ଦକ୍ଷତା ପାଇଁ ଧନ୍ୟବାଦ, ଆମ ଦେଶ ୨୦୨୫ରେ ବିଭିନ୍ନ କ୍ଷେତ୍ରରେ ଅନେକ କିଛି ହାସଲ କରିଛି।"

"ବିକଶିତ ଭାରତ ଯୁବ ନେତୃତ୍ୱ ବାର୍ତ୍ତାଳାପ ରାଷ୍ଟ୍ର ନିର୍ମାଣ ଦିଗରେ ଯୋଗଦାନ ପାଇଁ ଏକ ମହାନ ମଞ୍ଚ। ମୁଁ ୧୨ ଜାନୁଆରୀ ୨୦୨୬ରେ ଏହି କାର୍ଯ୍ୟକ୍ରମରେ ଯୋଗଦେବାକୁ ଏବଂ ଆମର ଯୁବ ଶକ୍ତିର ଅନ୍ତର୍ଦୃଷ୍ଟି ଏବଂ ସଫଳତା ଶୁଣିବା ପାଇଁ ଅପେକ୍ଷା କରିଛି ।’’

"ସ୍ମାର୍ଟ ଇଣ୍ଡିଆ ହାକାଥନ ଆମର ଯୁବକ ଏବଂ ଉଦ୍ଭାବକମାନଙ୍କୁ ପ୍ରମୁଖ ଜାତୀୟ ଏବଂ ସାମାଜିକ ଆହ୍ୱାନର ସମାଧାନ ପ୍ରଦାନ କରିବା ପାଇଁ ଏକ ମଞ୍ଚ ପ୍ରଦାନ କରିଥାଏ।"

"ଭାରତର ଯୁବକମାନେ ସ୍ଥିରତା ପ୍ରତି ବହୁତ ଉତ୍ସାହ ଦେଖାଉଛନ୍ତି। ଏହି ପରିପ୍ରେକ୍ଷୀରେ, ସମାଜରେ ଏକ ସକାରାତ୍ମକ ପରିବର୍ତ୍ତନ ଆଣିବା ପାଇଁ ସୌର ଶକ୍ତିର ଲାଭ ଉଠାଇବା ପାଇଁ ମଣିପୁରର ମୋଇରାଙ୍ଗଥେମ୍ ସେଠଙ୍କୁ ପ୍ରଶଂସା କରିଥିଲେ।"

"ଆସନ୍ତା ମାସରେ, ଆମେ ପାର୍ବତୀ ଗିରିଜୀଙ୍କ ଜନ୍ମ ଶତବାର୍ଷିକୀ ପାଳନ କରିବୁ, ଯିଏକି ଆମ ସ୍ୱାଧୀନତା ଆନ୍ଦୋଳନରେ ଯୋଗଦାନ କରିଥିଲେ ଏବଂ ଗରିବ ତଥା ଅବହେଳିତଙ୍କ ଉତଥାନ ଉପରେ ମଧ୍ୟ ଧ୍ୟାନ ଦେଇଥିଲେ। ଆଜିର #MannKiBaat ସମୟରେ ତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ।’’

"ରାନ୍ ଡାକୁଛି!

କଚ୍ଛକୁ ଆସନ୍ତୁ ଏବଂ ରନ୍‍ ଉତ୍ସବର ଆନନ୍ଦ ନିଅନ୍ତୁ।

ଆମେ ଲୋକ ପରମ୍ପରାର ତାଳ, ସ୍ଥାନୀୟ କାରିଗରିର ଉଜ୍ଜ୍ୱଳତା ଏବଂ କଚ୍ଛର କାଳଜୟୀ ସୌନ୍ଦର୍ଯ୍ୟର ସାକ୍ଷୀ ।’’

"ଦୁବାଇରେ ଏକ ପ୍ରଶଂସନୀୟ ପ୍ରୟାସ ଉପରେ ଆଲୋକପାତ କରାଯାଇଛି ଯାହା ପ୍ରବାସୀ ଭାରତୀୟଙ୍କ ମଧ୍ୟରେ ସୁନ୍ଦର କନ୍ନଡ ଭାଷାକୁ ଲୋକପ୍ରିୟ କରିବାକୁ ଚେଷ୍ଟା କରୁଛି।"

"ନରସାପୁରମରେ ଏହି ପ୍ରୟାସ ସ୍ଥାନୀୟ ଲେସ୍ ଶିଳ୍ପକୁ ପୁନର୍ଜୀବିତ କରିଛି ଏବଂ ଏହିପରି ଅନେକ ଲୋକଙ୍କୁ ସଶକ୍ତ କରିଛି।"

"ଫିଜିରେ ତାମିଲ ଲୋକପ୍ରିୟତା ହାସଲ କରୁଥିବାର ଦେଖି ଖୁସି ଲାଗୁଛି, ଯେଉଁ ଦେଶ ସହିତ ଆମର ଦୃଢ଼ ସାଂସ୍କୃତିକ ସମ୍ପର୍କ ରହିଛି।"

"କାଶୀ ର ଲୋକମାନଙ୍କ ମଧ୍ୟରେ ତାମିଲ ଲୋକପ୍ରିୟ ହେବା ଦେଖି ଖୁସି ଲାଗୁଛି, ଯାହା କାଶୀ ତାମିଲ ସଙ୍ଗମ ସମୟରେ ସ୍ପଷ୍ଟ ଭାବେ ଦେଖିବାକୁ ମିଳିଥିଲା।"

"ବାରମୁଳାର ଜେହାନପୋରାରେ ଥିବା ବୌଦ୍ଧ ସଂକଳନ ଜମ୍ମୁ ଏବଂ କାଶ୍ମୀରର ପ୍ରାଚୀନ ଏବଂ ସମୃଦ୍ଧ ସାଂସ୍କୃତିକ ପରିଚୟକୁ ପ୍ରକାଶ କରେ। ଏଠାରେ ବୌଦ୍ଧ ସ୍ତୂପଗୁଡ଼ିକ କିପରି ଆବିଷ୍କୃତ ହୋଇଥିଲା ତାହାର କାହାଣୀ ମଧ୍ୟ ଆକର୍ଷଣୀୟ!"

"ଭାରତରୁ ହଜାର ହଜାର କିଲୋମିଟର ଦୂର ଫିଜି ହେଉ, କିମ୍ବା ଆମର ନିଜ କାଶୀ, ତାମିଲ ଭାଷାକୁ ପ୍ରୋତ୍ସାହିତ କରିବା ପାଇଁ ନିଆଯାଉଥିବା ପ୍ରଶଂସନୀୟ ପଦକ୍ଷେପ ହୃଦୟସ୍ପର୍ଶୀ। ମୁଁ ଖୁସି ଯେ ଆଜି ଦେଶର ଅନେକ ସ୍ଥାନରେ, ବିଶ୍ୱର ଏହି ସର୍ବପୁରାତନ ଭାଷା ପ୍ରତି ଆଗ୍ରହ ବୃଦ୍ଧି ପାଉଛି।"

"ଆଇସିଏମ୍ଆର (ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ)ର ଏକ ସାମ୍ପ୍ରତିକ ରିପୋର୍ଟ ଦର୍ଶାଉଛି ଯେ ଆଣ୍ଟିବାୟୋଟିକ୍ ନିମୋନିଆ ଏବଂ ୟୁଟିଆଇ ଭଳି ରୋଗର ଚିକିତ୍ସାରେ ପ୍ରଭାବହୀନ ପ୍ରମାଣିତ ହେଉଛି। ଏହାର ଏକ ପ୍ରମୁଖ କାରଣ ହେଉଛି ସେମାନଙ୍କର ଅନିୟମିତ ବ୍ୟବହାର। ତେଣୁ, ମୁଁ ସମସ୍ତଙ୍କୁ ଡାକ୍ତରଙ୍କ ପରାମର୍ଶ ବିନା ଆଣ୍ଟିବାୟୋଟିକ୍ ଗ୍ରହଣ କରିବାରୁ ନିବୃତ୍ତ ରହିବାକୁ ଅନୁରୋଧ କରୁଛି।"

‘‘ମଣିପୁରର ପାରମ୍ପରିକ ହସ୍ତଶିଳ୍ପକୁ ଲୋକପ୍ରିୟ କରିବା ଏବଂ ଅନ୍ୟମାନଙ୍କ ଜୀବନକୁ ସଶକ୍ତ କରିବା ଦିଗରେ ତାଙ୍କକାର୍ଯ୍ୟ ପାଇଁ ମଣିପୁରର ଚୁରାଚାନ୍ଦପୁରର ମାର୍ଗାରେଟ ରାମଥରସିମଙ୍କ ପାଇଁ ଗର୍ବିତ ।’’

‘‘ମଣିପୁରର ସେନାପତି ଜିଲ୍ଲାର କେ. ଚୋଖୋନ୍ କ୍ରିଚେନା ଫୁଲ ଚାଷ କ୍ଷେତ୍ରରେ ଅସାଧାରଣ କାର୍ଯ୍ୟ କରିଛନ୍ତି ଏବଂ ଅନେକ କୃଷକଙ୍କ ଜୀବନକୁ ମଧ୍ୟ ପରିବର୍ତ୍ତନ କରିଛନ୍ତି ।’’

HS