প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অনৌবা কোরিদোর অহুম - ১দা অয়াবা পীখ্রে। মখোয়শিং অদুদি ১. আর.কে. আশ্রম মার্গতগী ইন্দ্রপ্রস্থ ফাওবা (কিলোমিতর ৯.৯১৩), ২. এরোসিতীদগী আই.জি.দি. এয়রপোর্ত তি-১ ফাওবা (কিলোমিতর ২.২৬৩) ৩. তুঘলকাবাদতগী কালিন্দী কুঞ্জ ফাওবা (কিলোমিতর ৩.৯) দিল্লী মেত্রোগী ফেজ ৫গী প্রোজেক্তকী শরুক অমা ওইদুনা কিলোমিতর ১৬.০৭৬ শাবা অসিনা নেস্নেল কেপিতেলগী মনুংদা কনেক্তিবিতী হেঙ্গৎহনগনি। দিল্লী মেত্রোগী ফেজ V (A) প্রোজেক্ত অসিগী অপুনবা প্রোজেক্তকী শেনফম অসি লুপা করোর ১,২০১৪.৯১ নি। মসি ভারত সরকার, দিল্লী সরকার অমসুং ইন্তরনেস্নেল ফন্দিং এজেন্সীশিংদগী পুথোক্কনি।

সেন্ত্রেল ভিস্তা কোরিদোর অসিনা কার্তব্য ভবন পুম্নমক্তা কনেক্তিবিতী ফংহল্লগনি। মসিনা লমদম অসিদা লৈরিবা ওফিস চৎপা মীওইশিং অমসুং ভিজিটরশিংদা য়ুম য়ুমদগী কনেক্তিবিতী ফংহল্লগনি। মসিগী কনেক্তিবিতী অসিগা লোইননা ওফিস চৎপা মীওই ৬০,০০০ অমসুং নোংমদা লাকপা মীওই লাখ ২ হেনবনা কান্নবা ফংগনি। করিদোরশিং অসিনা পোলুসন অমসুং ফোসিল ফ্যুল শিজিন্নবা হন্থহল্লগনি। মসিনা ইজ ওফ লিভিং হেনগৎহল্লগনি।

অকুপ্পা মরোল:

আর.কে. আশ্রম মার্গ - ইন্দ্রপ্রস্থ সেক্সন অসি বোতানিকেল গার্দেন-আর.কে. আশ্রম মার্গ কোরিদোরগী এক্সতেন্সন ওইগনি। মসিনা সেন্ত্রেল ভিস্তা এরিয়াদা মেত্রো কনেক্তিবিতী ফংহল্লগনি, মসি হৌজিক অমুক হন্না শেমগৎলি। এয়রোসিতী-আই.জি.দি. এয়রপোর্ত তর্মিনেল ১ অমসুং তুঘ্লাকাবাদ-কালিন্দী কুঞ্জ সেক্সনশিং অসি এয়রোসিতী-তুঘ্লাকাবাদ কোরিদোরগী এক্সতেন্সন অমা ওইগনি অমসুং তুগ্লাকাবাদ, সেকেত, কালিন্দী কুঞ্জ অসিনচিংবা লমশিংদা লৈবাক্কী কোনুংগী খা থংবা শরুকশিংগা লোইননা এয়রপোর্ত অসিগী কনেক্তিবিতী হেনগৎহল্লগনি। হায়রিবা এক্সতেন্সনশিং অসিদা স্তেসন ১৩ য়াওগনি। হায়রিবা স্তেসন ১০ অসিগী মনুংদা অন্দরগ্রাউন্দ ওইগনি অমসুং স্তেসন ৩ অসি এলিভেৎ তৌগনি।

লোইশিল্লবা মতুংদা, কোরিদোর-১ হায়বদি আর.কে আশ্রম মার্গদগী ইন্দ্রপ্রস্থ (কিলোমিতর ৯১৩) ফাওবা অসিনা নোংচুপ, অৱাং অমসুং ওল্দ দিল্লীবু সেন্ত্রেল দিল্লীগা শম্নহনগনি অমসুং অতোপ্পা কোরিদোর অনি হায়বদি এয়রোসিতিদগী আই.জি.দি. এয়রপোর্ত-১ (কিলোমিতর ২৬৩) অমসুং তুঘ্লাকাবাদদগী কালিন্দী কুঞ্জ (কিলোমিতর ৩) ফাওবা কোরিদোরশিংনা খা দিল্লীবু দোমেস্তিক এয়রপোর্ত তর্মিনেল-১গা সকেত, ছত্তরপুর অসিনচিংবা লম্বীদা শম্নহনগনি। মসিনা নেস্নেল কেপিতেলগী মনুংদা কনেক্তিবিতী য়াম্না হেনগৎহনগনি।

ফেজ 5 (এ) প্রোজেক্তকী মেত্রো এক্সতেন্সনশিং অসিনা দিল্লী মেত্রো নেটৱর্ক অসি সেন্ত্রেল দিল্লী অমসুং দোমেস্তিক এয়রপোর্ততা পাকথোক চাউথোকহল্লগনি। মসিনা শেন্মিৎলোন হেন্না চাউখৎহল্লগনি। মজেন্তা লাইন অমসুং গোল্দন লাইন শাংদোকপনা লম্বী চিনবশিং হন্থহল্লগনি। মসিনা মোতোর ভেহিকলশিংনা থোকহনবা পোলুসন হন্থহনবদা মতেং পাংগনি।

আর.কে. আশ্রম মার্গ-ইন্দ্রপ্রস্থ সেক্সন্দা থিংগদবা স্তেসনশিং অদুদি: আর.কে. আশ্রম মার্গ, শিবাজী স্তেদিয়ম, সেন্ত্রেল সেক্রেতরিয়েৎ, কার্তব্য ভবন, ইন্দিয়া গেৎ, ৱার মেমোরিয়েল-হাই কোর্ত, বরোদা হাউস, ভারত মন্দপম অমসুং ইন্দ্রপ্রস্থানি।

তুঘ্লাকাবাদ-কালিন্দী কুঞ্জ সেক্সনগী স্তেসনশিং অসিনা সরিতা বিহার দিপো, মদনপুর খাদর, অমসুং কালিন্দী কুঞ্জ ওইগনি, অদুগা এরোসিতী স্তেসন অসি আই.জি.দি. তি ১ স্তেসনগা লোইননা হেন্না শম্নহল্লগনি।

কিলোমিতর ১১১ অমসুং স্তেসন ৮৩ য়াওবা ফেজ-৪গী শেমগৎ-শাগৎপগী থবক চত্থরি। ঙসি ফাওবদা ফেজ-৪ (অহানবা) কোরিদোরশিংগী সিভিল কন্সত্রক্সনগী চাদা ৮০.৪৩দি লোইশিনখ্রে। ফেজ-IV (প্রাইওরিতি 3) কোরিদোরশিং অসি ২০২৬কী দিসেম্বর ফাওবদা তাঙ্কক নাইনা লোইশিনগনি।

ঙসিদি, দিল্লী মেত্রোদা নোংমদা চাংচত্তা পেসেঞ্জর লাখ ৬৫ চৎথোক-চৎশিন তৌরি। হৌজিক ফাওবদা রেকোর্দ তৌখিবা খ্বাইদগী য়াম্বা পেসেঞ্জর ত্রেন অসি ২০২৫গী ওগস্ত ৮দা লাখ ৮১.৮৭নি। দিল্লী মেত্রোনা এম.আর.তি.এস.কী মরুওইবা পেরামিতরশিং, হায়বদি মতম চানা চৎপা, থাজবা য়াবা অমসুং সেফতীদা মগুন লৈবগী ইপিতেম অমা শেমদুনা সহর অসিগী লাইফলাইন ওইরে।

হৌজিক্তি দিল্লী অমসুং এন.সি.আর.দা দি.এম.আর.সি.না স্তেসন ২৮৯গা লোইননা চাউরাক্না কি.মি. ৩৯৫গী অপুনবা মেত্রো লাইন ১২ মথৌ তৌরি। ঙসিদি, দিল্লী মেত্রোগী ভারত্তা খ্বাইদগী চাউবা মেত্রো নেৎৱর্ক লৈরে অমসুং মসি মালেমগী খ্বাইদগী চাউবা মেত্রোশিংগী মরক্তসু অমনি।

***