প্রধান মন্ত্রী শ্রী নরেন্দ্র মোদীনা ঙসি মুস্কেত্তা পাঙথোকপা ইন্দিয়া-ওমান বিজিনেস ফোরমদা ৱা ঙাংখ্রে। H.E. কাইস অও য়ুসেফ, ওমানগী কম্মর্স, ইন্দস্ত্রী অমদি ইনভেস্তমেন্ত প্রমোসনগী মন্ত্রী; H.E. সৈখ ফাইজল অল রাৱস, ওমান চেম্বর ওফ কম্মর্স এন্দ ইন্দস্ত্রীগী চেয়রমেন; ভারতকী কম্মর্স অমসুং ইন্দস্ত্রী মন্ত্রী শ্রী পিয়ুস গোয়ল; অমদি CII গী প্রেসিদেন্ত শ্রী রাজিব মেমানিনা মীফমদুদা শরুক য়াখি। ফোরম অদুদা লৈবাক অনিমক্তগী ইনর্জী, লোজিস্তিক্স, ইনফ্রাস্ত্রকচর, মেনুফেকচরিং, হকশেল, শেল-থুমগী সর্ভিস, গ্রীন দিভেলপমেন্ত, মহৈ মশিং, অমদি লম্মী থোংগী লমদা মাঙজিল থারিবা বিজিনেসশিংগী মীহুৎশিংনা শরুক য়াখি।

তিল্লিবা মীয়ামদা ৱা ঙাংলদুনা, প্রধান মন্ত্রীনা চহি চা কয়া শুরবা, ঙসিগীনা মশক মচু থোক্লবা কম্মর্সিএল এক্সচেঞ্জকী য়ুম্ফম ওইরিবা লৈবাক অনিগী মরক্তা লৈনরিবা মান্দবীদগী মস্কেত ফাওবগী সমুদ্রগী ওইবা মরী,গী মতাঙবা ৱাফম কয়া ফোদোকখি। চহি ৭০ গী দিপ্লোমেতিক মরীনা চহি চা কয়া চঙনা শেমগৎলকখিবা থাজবা অমদি মরুপ মপাঙ ওইবগী মরী উৎলি হায়খি। প্রধান মন্ত্রীনা বিজিনেস লুচিংবশিংগী মফমদা ইন্দিয়া-ওমান কমপ্রিহেন্সিব ইকনমিক পার্ত্নরসিপ [CEPA] অসি ইন্দিয়া-ওমানগী মান্নবা তুংলমচৎকী ব্লুপ্রিন্তনি হায়রদুনা মসিগী মতিং মপুং ফানা ফুদোকহন্নবা ৱাফম থমখি। CEPA না নাকল অনিগী লল্লোন ইতিক অমদি ইনভেস্তমেন্তকী মরীদা অনৌবা ইনোৎ হাপকনি অমদি নাকল অনিমক চাওখৎমিন্নবগী, ইনোভেসন অমদি থবক পীবগী খুদোংচাবশিং শেমগৎকনি হায়না মহাক্না মখা তাখি।

হৌখিবা চহি ১১ অসিদা ভারতকী শেন্মিৎলোন মায় পাকপশিং থম্লদুনা, প্রধান মন্ত্রীনা লৈবাক অসি নেক্স জেনেরেসন রিফোর্ম, পোলিসী প্রিদিক্তিবিলিতী, গুদ গভর্নেন্স অমদি হায় ইনভেস্তর কন্ফিদেন্সতা য়ুম্ফম ওইরগা মালেমগী ৩শুবা খ্বায়দগী চাউবা শেন্মিৎলোন ওইরক্নবগী লম্বীদা চঙশিল্লক্লি। মালেমগী তম্বা ঙমদবা ফীভম মরক্তা ভারতকী গ্রোথ ৱাংখৎলক্লিবা – হৌখিবা ক্বার্তরদা ৮% হেন্না – অসিনা মাগী খাঙবা কনবা মচৎ অমদি মশাদা লৈজরিবা পাঙ্গল উৎলি। ভারতনা “ইজ ওফ লিভিং” অমদি “ইজ ওফ দুইং বিজিনেস” হেনগৎহন্নবা মালেমগী থাক্কী ইনফ্রাস্ত্রকচর, লোজিস্তিক্স, কন্নেক্তিবিতী, থাজনিংঙাই ওইবা সপ্লাই চেন, মেনুফেকচরিং কেপাসিতী অমদি গ্রীন গ্রোথ শেমগৎনবা খোঙজেল য়াঙনা পাক চাউনা থবক পায়খৎলি হায়না মহাক্না ফোঙদোকখি। মহাক্না ওমানি বিজিনেসশিংবু ইনর্জী, ওইল অমদি গ্যাস, পেত্রোকেমিকেল অমদি ফর্তিলাইজরগী লমদা হান্না লৈরম্বা ফীভমগী ৱাংমদা য়েংনবা, অমদি গ্রীন ইনর্জী, সোলার পার্ক, ইনর্জী স্তোরেজ, স্মার্ত গ্রিদ, এগ্রি-তেক, ফিনতেক, AI অমদি সাইবর সিক্যুরিতীগী লমদা খুদোংচাবা থিননবা ৱাফম থমখি। মহাক্না বিজিনেস পার্ত্নরসিপ্পু তুংগীদমক শেম শাননবা ইন্দিয়া-ওমান এগ্রি ইনোভেসন হব অমসুং ইন্দিয়া-ওমান ইনোভেসন ব্রিদ্জ শেম্নবা ৱাফম হৌদোকখি। প্রধান মন্ত্রীনা হায়রিবশিং অসি চুম্নবগী ৱাখল্লোনখক্তা নত্তে, মখোয়সি ইনভেস্ত তৌনবা, ইনোভেত তৌনবা অমদি তুংলমচৎ পুন্না শেমগৎমিন্ননবা পাউজেলনি।

প্রধান মন্ত্রীনা থৌরমদুদা শরুক য়ারিববা বিজিনেস লুচিংবশিংবু তরাম্না ওকখি অমদি এন্তরপ্রাইজকা পোলিসীগা পুনশিন্নবা অমদি CEPA বু মশা পালহন্নবা ৱাফম থমখি। ইন্দিয়া ওমান নক্নবা য়ুমলোন্নবখক্তা নত্তনা মরা চেৎপা, গ্রোথ অমদি লমদম অসিদা অমদি ৱাংমদা পুন্না নুংঙাই য়াইফবা পুরক্নবা লেপমিন্নরিবা স্ত্রেতেজিক ওইবা খোঙবুশিংনি হায়না মহাক্না মখা তাখি।

***