പ്രധാനമന്ത്രിയുടെ ഓഫീസ്
LVM3-M6, ബ്ലൂബേർഡ് ബ്ലോക്ക്-2 എന്നിവയുടെ വിജയകരമായ വിക്ഷേപണത്തിന് ബഹിരാകാശ ശാസ്ത്രജ്ഞരെയും എഞ്ചിനീയർമാരെയും പ്രധാനമന്ത്രി അഭിനന്ദിച്ചു
പോസ്റ്റഡ് ഓണ്:
24 DEC 2025 10:04AM by PIB Thiruvananthpuram
LVM3-M6-ന്റെയും ബ്ലൂബേർഡ് ബ്ലോക്ക്-2-ന്റെയും വിജയകരമായ വിക്ഷേപണത്തിന് പ്രധാനമന്ത്രി ശ്രീ നരേന്ദ്ര മോദി ബഹിരാകാശ ശാസ്ത്രജ്ഞരെയും എഞ്ചിനീയർമാരെയും അഭിനന്ദിച്ചു. ഇന്ത്യൻ മണ്ണിൽ നിന്ന് വിക്ഷേപിച്ചതിൽ വെച്ച് ഏറ്റവും ഭാരമേറിയ ഉപഗ്രഹവും അമേരിക്കൻ ബഹിരാകാശ പേടകവുമാണ് ബ്ലൂബേർഡ് ബ്ലോക്ക്-2. ഇന്ത്യയുടെ ബഹിരാകാശ യാത്രയിലെ അഭിമാനകരമായ നാഴികക്കല്ലാണ് ഇതെന്നും ആത്മനിർഭർ ഭാരതത്തിലേക്കുള്ള പരിശ്രമങ്ങളുടെ പ്രതിഫലനമാണെന്നും ശ്രീ മോദി പറഞ്ഞു.
"LVM3-യുടെ വിശ്വസനീയമായ ഹെവി-ലിഫ്റ്റ് പ്രകടനം കാഴ്ചവെച്ചതിലൂടെ, നാം ഗഗൻയാൻ പോലുള്ള ഭാവി ദൗത്യങ്ങൾക്കുള്ള അടിത്തറ ശക്തിപ്പെടുത്തുകയും വാണിജ്യ വിക്ഷേപണ സേവനങ്ങൾ വ്യാപിപ്പിക്കുകയും ആഗോള പങ്കാളിത്തം ദൃഢമാക്കുകയും ചെയ്യുന്നു," ശ്രീ മോദി പറഞ്ഞു.
പ്രധാനമന്ത്രി എക്സിൽ പോസ്റ്റ് ചെയ്തു:
"ഇന്ത്യയുടെ ബഹിരാകാശ മേഖലയിലെ ഒരു നിർണ്ണായക കാൽവെപ്പ്...
ഇന്ത്യൻ മണ്ണിൽ നിന്ന് വിക്ഷേപിച്ചതിൽ വെച്ച് ഏറ്റവും ഭാരമേറിയ ഉപഗ്രഹവും അമേരിക്കയുടെ ബഹിരാകാശ പേടകവുമായ ബ്ലൂബേർഡ് ബ്ലോക്ക്-2-നെ നിശ്ചിത ഭ്രമണപഥത്തിൽ എത്തിച്ച വിജയകരമായ LVM3-M6 വിക്ഷേപണം ഇന്ത്യയുടെ ബഹിരാകാശ യാത്രയിലെ അഭിമാനകരമായ നാഴികക്കല്ലാണ്.
ഇത് ഇന്ത്യയുടെ ഹെവി-ലിഫ്റ്റ് വിക്ഷേപണ ശേഷിയെ ശക്തിപ്പെടുത്തുകയും ആഗോള വാണിജ്യ വിക്ഷേപണ വിപണിയിൽ നമ്മുടെ വളർന്നുവരുന്ന പങ്ക് വീണ്ടും ഉറപ്പിക്കുകയും ചെയ്യുന്നു.
ഇത് ആത്മനിർഭർ ഭാരതത്തിലേക്കുള്ള നമ്മുടെ പരിശ്രമങ്ങളുടെ പ്രതിഫലനം കൂടിയാണ്. കഠിനാധ്വാനികളായ നമ്മുടെ ബഹിരാകാശ ശാസ്ത്രജ്ഞർക്കും എഞ്ചിനീയർമാർക്കും അഭിനന്ദനങ്ങൾ.
ബഹിരാകാശ ലോകത്ത് ഇന്ത്യ കൂടുതൽ ഉയരങ്ങളിലേക്ക് പറക്കുന്നത് തുടരുന്നു!"
@isro
"ഇന്ത്യയിലെ യുവശക്തിയുടെ കരുത്തിൽ നമ്മുടെ ബഹിരാകാശ പദ്ധതി കൂടുതൽ പുരോഗമിക്കുകയും സ്വാധീനം ചെലുത്തുകയും ചെയ്യുന്നു.
"LVM3-യുടെ വിശ്വസനീയമായ ഹെവി-ലിഫ്റ്റ് പ്രകടനം കാഴ്ചവെച്ചതിലൂടെ, നാം ഗഗൻയാൻ പോലുള്ള ഭാവി ദൗത്യങ്ങൾക്കുള്ള അടിത്തറ ശക്തമാക്കുകയും വാണിജ്യ വിക്ഷേപണ സേവനങ്ങൾ വ്യാപിപ്പിക്കുകയും ആഗോള പങ്കാളിത്തം ദൃഢമാക്കുകയും ചെയ്യുന്നു."
"വർദ്ധിച്ചുവരുന്ന ഈ ശേഷിയും സ്വയംപര്യാപ്തതയ്ക്ക് ലഭിക്കുന്ന ഉത്തേജനവും വരും തലമുറകൾക്ക് വിസ്മയാവഹമാണ്."
@isro
-SK-
( റിലീസ് ഐ.ഡി: 2208018)
സന്ദര്ശക കൗണ്ടര് : 57
ഈ റിലീസ് വായിക്കുക:
Gujarati
,
English
,
Urdu
,
Marathi
,
हिन्दी
,
Assamese
,
Bengali
,
Bengali-TR
,
Manipuri
,
Punjabi
,
Odia
,
Tamil
,
Telugu
,
Kannada