প্রধানমন্ত্রীগী লোইশঙ
প্রধান মন্ত্রীনা অসামগী গুৱাহাতিদা লোকপ্রিয়া গোপিনাথ বরদোলোই ইন্তর্নেস্নেল এয়রপোর্তকী অনৌবা তর্মিনেল বিল্দিং শঙ্গাখিবগী মমিশিং শেয়র তৌখ্রে
प्रविष्टि तिथि:
20 DEC 2025 11:08PM by PIB Imphal
প্রধান মন্ত্রী শ্রী নরেন্দ্র মোদীনা ঙসি অসামগী গুৱাহাতিদা লৈবা লোকপ্রিয়া গোপিনাথ বরদোলোই ইন্তর্নেস্নেল এয়রপোর্তকী অনৌবা তর্মিনেল বিল্দিংগী মমিশিং শেয়র তৌখি। মসিনা অসামগী কনেক্তিবিতী, শেন্মিৎলোন পাকথোক চাউথোকপা অমসুং মালেমগী ওইবা থৌদাং লৌবদা অহোংবা পুরক্লিবা মাইলস্তোন অমা ওইরি।
Xকী তোঙান-তোঙানবা পোস্তশিংদা শ্রী মোদীনা ইখি:
“ঙসি গুৱাহাতিদা শঙ্গাখিবা এয়রপোর্ত তর্মিনেল বিল্দিং অদুদা হেক চংবদা, 'দভেলপমেন্ত অমসুং হেরিতেজ'কী মন্ত্র অসি কয়া য়াম্না মরু ওইবগে হায়বদু খঙবা ঙমখি।”
“ঙসিদি, অসাম য়াওনা অৱাং-নোংপোক লমদম পুম্নমক অসি ভারতকী চাউখৎপা অমসুং তুরিজমগী অনৌবা থোং অমা ওইরক্লি। বারানসীদগী দিব্রুগর ফাওবগী গঙ্গা ভিলাস ক্রুজগা লোয়ননা অৱাং-নোংপোক লমদম অসি মালেমগী ক্রুজ তুরিজমগী মেপতা অচেৎপা মফম অমা ফংলে।”
“অসাম অমসুং অৱাং-নোংপোক লমদমবু চাউখৎ-থৌরাংদগী ককথৎতুনা থমদুনা কংগ্রেস সরকারনা তৌখিবা অচৌবা অশোয়বা অদুনা লৈবাক অসিগী সেক্যুরিতীদা শাথীবা শাফু অমা পীরি। হৌখিবা চহি 10-11 অসিদা, ঐখোয়গী হোৎনবনা অসামগী রিসোর্সশিং অসামগী মীয়ামগী কান্ননবগীদমক শিজিন্নবা ঙমহল্লে।”
“গুৱাহাতি এয়রপোর্ত্তা লোকপ্রিয়া গোপিনাথ বরদোলোইগী মীতম অমা শঙ্গাখ্রে। মহাক্কী পুন্সি অমসুং ৱাখল্লোনশিং, অসামগী চাউখৎ থৌরাংদা মহাক্কী থৌদাংশিং অসিনা তুংগী চারোন-শুরোন কয়াদা পুক্নিং থৌগৎলগনি।”
“লোকপ্রিয়া গোপিনাথ বরদোলোই ইন্তর্নেস্নেল এয়রপোর্ত্তা অনৌবা তর্মিনেল বিল্দিং অমা ফংলকপগা লোয়ননা গুৱাহাতিগীদমক্তা অখন্নবা নুমিৎ অমা ওইরে। অনৌবা তর্মিনেল অসিনা মফম অসিগী শেন্মিৎলোনবু হেনগৎহল্লগনি অমসুং তুরিজমবু পুক্নিং থৌগৎলগনি। তেক্নোলোজিকেল ইন্নোবেসনশিং, মহৌশা অমসুং সস্তেনেবিলিতীগা শম্নবা অসিদা মরুওইবা পীরিবা অসিসু য়াম্না শিংথানীংঙাই ওই।”
“থোইদোক হেন্দোক্না নীংথিবা মওংদা তরাম্না ওকপগীদমক গুৱাহাতিবু থাগৎপা ফোংদোকচরি। অসিগুম্বা নুংঙাইবা শহর অসিদা লৈজবা অসি মতম পুম্নমক্তা নুংঙাইবা ৱাফম অমা ওইরি।”
***
(रिलीज़ आईडी: 2207262)
आगंतुक पटल : 3