U Myntri Rangbahduh ka ri u Narendra Modi un sdang ia ka jingleit jngoh sha Assam ha ka 20-21 tarik u Nohprah. Ha ka 20 tarik u Nohprah, ha ka por kumba 3 baje janmiet ei ei, u Myntri Rangbahduh un poi ha Guwahati, ha kaba un leit jngoh bad plie ïa ka Terminal Building ba thymmai jong ka Lokapriya Gopinath Bardoloi International Airport. Un ai jingkren ruh ha ka jingialang ha katei ka sngi.

Ha ka 21 tarik u Nohprah, ha ka por kumba 9:45 baje mynstep, u Myntri Rangbahduh un ai burom ïa ki riewshlur ha Swahid Smarak Kshetra ha Boragaon, Guwahati. Hadien kane un leit sha Namrup kaba don ha Dibrugarh, Assam, ha kaba un leh Bhoomi Pujan na ka bynta ka projek Ammonia-Urea jong ka Assam Valley Fertilizer and Chemical Company Ltd. Un ai jingkren ruh ha ka jingialang ha katei ka sngi.

Ha ka 20 tarik u Nohprah, u Myntri Rangbahduh un plie ïa ka terminal building ba thymmai jong ka Lokapriya Gopinath Bardoloi International Airport ha Guwahati, kaba long ka dak jong ka jingkylla ha ka jingïasoh jong ka Assam, ka jingpyniar ïa ka ïoh ka kot bad ka jingïadei bad ka pyrthei baroh kawei.

Kane ka Integrated New Terminal Building kaba dang shu dep shen, kaba don ha ka jaka kaba jan 1.4 lak square metre, la shna khnang ban lah ban pdiang haduh 1.3 klur ngut ki nongleit nongwan ha ka shisnem, la kyrshan da ki jingpynbha ba kongsan ha ka runway, ki lynti pynher liengsuiñ, ki rukom treikam ha ki jaka pynher liengsuin, ki rud lynti pynher liengsuin bad ki jaka pyniaid ki liengsuin.

Ka kad liengsuiñ ba nyngkong eh jong ka India kaba iadei bad ka mariang, ka jingshna ïa ka kad liengsuiñ ka ioh mynsiem na ki jingdon jingem bad ka kolshor jong ka Assam hapoh ka phang “Bamboo Orchids”.  Ka jaka buh liengsuin ka pyndonkam nyngkong eh ïa kumba 140 metric ton ki siej ba la wanrah na ka thaiñ shatei lammihngi, ba la dap da ki jingdro ba jyrngam ba don nongrim ha ka Kaziranga, ki japi motif, ka dak jong u kyndat ba pawnam bad 57 tylli ki paia ba la shna kaba ioh mynsiem na ki tiew orchid kiba pynpaw ïa u syntiew Kopou. Ka “Sky Forest” kaba kyrpang, kaba don haduh shi lak tylli ki jingthung jong ki jait jingthung kiba ioh hapoh ka thain, ka ai ïa ki nongleit nongwan kiba poi ïa ka jingshem kaba jylliew, kaba long kum ka khlaw.

Ka jaka ap liengsuin ka buh ia ki kyndon kiba thymmai ha ka jingsuk jong ki nongleit nongwan bad ka jingsaindur thymmai ha ki kam digital. Ki jingdonkam kum ki scanner ba pura ia ka met briew na ka bynta ka jingpeit bniah kaba stet, ka screening kaba suk, ka leit ka wan kaba suk kaba pyndonkam da ka DigiYatra, ka jingpynïaid ïa ki mar ki mata da ki kor, ka jingwan buhai shnong kaba stet bad ki jingtreikam jong ka kad liengsuiñ ba la pynïaid da ka AI ki pynthikna ïa ki lad ka leit ka wan kiba suk, kiba shngain bad kiba thikna.

Ha ka step 21 tarik Nohprah shwa ban leit sha Namrup, u Myntri Rangbahduh un leit jngoh ruh ïa ka Swahid Smarak Kshetra ban ai burom ïa ki riewshlur jong ka Assam Movement ba pawnam, ka jingïakhih jong ki paidbah kaba la neh hynriew snem bad kaba la pynpaw ïa ka jingkut jingmut lang na ka bynta ka jylla Assam kaba lait na ki nongwei bad ban ïada ïa jinglong tynrai jong ka Assam.

Hadien kane, u Myntri Rangbah duh un pynlong Bhoomipujan ia ka projek Ammonia-Urea Fertilizer ba thymmai ha Namrup, ha Dibrugarh, Assam, hapoh ka jaka ba la don lypa jong ka Brahmaputra Valley Fertilizer Corporation Limited (BVFCL).

Ka jingkyntiewia ka jingthmu jong u Myntri Rangbahduh shaphang ka bha ka miat jong ki nongrep, ka projek, kaba la antad ba kan bei tyngka palat T. 10,600 klur, kan pynbiang ia ka jingdonkam sboh jong ka Assam bad ki jylla ba marjan, kan pynduna ia ka jingshaniah ha ki mar kiba wan nabar, kan pynmih ia ki lad ioh kam kiba bun bad kan kyntiew ia ka ioh ka kot ha ka thain. Ka ieng kum u mawjam jong ka jingpynkylla dur ia ki karkhana bad ka bha ka miat jong ki nongrep.

***