প্ৰধানমন্ত্ৰীৰ কাৰ্যালয়
২০ ডিচেম্বৰত প্ৰধানমন্ত্ৰীৰ পশ্চিমবংগ ভ্ৰমণ
পশ্চিমবংগত প্ৰধানমন্ত্ৰীয়ে ৩,২০০ কোটি টকা ব্যয়সাপেক্ষ দুটা ৰাষ্ট্ৰীয় ঘাইপথ প্ৰকল্পৰ উদ্বোধন আৰু আধাৰশিলা স্থাপন কৰিব
নদীয়া জিলাৰ ৩৪ নং ৰাষ্ট্ৰীয় ঘাইপথৰ ৬৬.৭ কিলোমিটাৰ দৈৰ্ঘ্যৰ চাৰিলেনযুক্ত পথৰ বৰাজাগুলী-কৃষ্ণনগৰ খণ্ড উদ্বোধন কৰিব প্ৰধানমন্ত্ৰীয়ে
প্ৰধানমন্ত্ৰীয়ে উত্তৰ ২৪ পৰগনা জিলাৰ ৩৪ নং ৰাষ্ট্ৰীয় ঘাইপথৰ ১৭.৬ কিলোমিটাৰ দৈৰ্ঘ্যৰ চাৰিলেনযুক্ত পথৰ বাৰাছাট-বাৰাজাগুলী খণ্ডৰ আধাৰশিলা স্থাপন কৰিব
প্ৰকল্পসমূহে কলকাতা আৰু শিলিগুৰিৰ মাজত এক গুৰুত্বপূৰ্ণ সংযোগ হিচাপে কাম কৰিব
प्रविष्टि तिथि:
19 DEC 2025 2:28PM by PIB Guwahati
প্ৰধানমন্ত্ৰী শ্ৰী নৰেন্দ্ৰ মোদীয়ে ২০ ডিচেম্বৰত পশ্চিমবংগ ভ্ৰমণ কৰিব। দিনৰ প্ৰায় ১১.১৫ বজাত প্ৰধানমন্ত্ৰীয়ে পশ্চিমবংগৰ নদিয়া জিলাৰ ৰাণাঘাটত ৰাষ্ট্ৰীয় ঘাইপথ প্ৰকল্পৰ আধাৰশিলা স্থাপন আৰু উদ্বোধন কৰিব। এই উপলক্ষে তেওঁ এটা সমাৱেশো সম্বোধন কৰিব।
প্ৰধানমন্ত্ৰীয়ে প্ৰায় ৩,২০০ কোটি টকা ব্যয়সাপেক্ষ দুটা ৰাষ্ট্ৰীয় ঘাইপথ প্ৰকল্পৰ উদ্বোধন আৰু আধাৰশিলা স্থাপন কৰিব।
প্ৰধানমন্ত্ৰীয়ে পশ্চিমবংগৰ নদীয়া জিলাৰ ৩৪ নং ৰাষ্ট্ৰীয় ঘাইপথৰ ৬৬.৭ কিলোমিটাৰ দৈৰ্ঘ্যৰ চাৰিলেনযুক্ত পথৰ বৰাজাগুলী-কৃষ্ণনগৰ খণ্ড উদ্বোধন কৰিব। তেওঁ ৰাজ্যখনৰ উত্তৰ ২৪ পৰগনা জিলাৰ ৩৪ নং ৰাষ্ট্ৰীয় ঘাইপথৰ ১৭.৬ কিলোমিটাৰ দৈৰ্ঘ্যৰ চাৰিলেনযুক্ত পথৰ বাৰাছাট-বাৰাজাগুলী খণ্ডৰো আধাৰশিলা স্থাপন কৰিব।
এই প্ৰকল্পসমূহে কলকাতা আৰু শিলিগুৰিৰ মাজত এক গুৰুত্বপূৰ্ণ সংযোগ হিচাপে কাম কৰিব। ইয়াৰ জৰিয়তে ভ্ৰমণৰ সময় প্ৰায় ২ ঘণ্টা হ্ৰাস হোৱাৰ লগতে যান-বাহনৰ চলাচলৰ বাবে বাহনৰ দ্ৰুত আৰু মসৃণ চলাচল নিশ্চিত কৰিব, বাহন পৰিচালনাৰ ব্যয় হ্ৰাস কৰিব আৰু কলকাতা তথা পশ্চিম বংগৰ অন্যান্য চুবুৰীয়া জিলাৰ লগতে চুবুৰীয়া দেশসমূহৰ সৈতে যোগাযোগ উন্নত কৰিব। এই প্ৰকল্পসমূহে অঞ্চলটোত অৰ্থনৈতিক বিকাশৰ গতি বৃদ্ধি কৰিব আৰু সমগ্ৰ অঞ্চলটোৰ পৰ্যটনৰ বিকাশৰ গতি ত্বৰান্বিত কৰিব।
***
MJPS/ST/NB
(रिलीज़ आईडी: 2206505)
आगंतुक पटल : 8
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam