ରେଳ ମନ୍ତ୍ରଣାଳୟ
ଯାତ୍ରୀଙ୍କୁ ସ୍ଥାନୀୟ ଖାଦ୍ୟ ପରଷିବାକୁ ରେଳବାଇର ପଦକ୍ଷେପ
ବନ୍ଦେ ଭାରତ ଏକ୍ସପ୍ରେସରେ ଉପଲବ୍ଧ ସୁସ୍ୱାଦୁ ଓଡିଆ ଖାଦ୍ୟ
प्रविष्टि तिथि:
18 DEC 2025 2:08PM by PIB Bhubaneshwar
ଭାରତୀୟ ରେଳବାଇ 'ବନ୍ଦେ ଭାରତ’ ଟ୍ରେନରେ ଯାତ୍ରୀମାନଙ୍କୁ ସ୍ଥାନୀୟ ଖାଦ୍ୟ ପରଷିବା ପାଇଁ ପଦେକ୍ଷପ ଗ୍ରହଣ କରିଛି । ଏହା ସହିତ ୨୨୮୯୫ ହାଓଡ଼ା-ପୁରୀ ବନ୍ଦେ ଭାରତ ଏକ୍ସପ୍ରେସରେ ଯାତ୍ରୀମାନେ ଓଡିଆ ଖାଦ୍ୟ ପାଇପାରିବେ । ଯାତ୍ରୀମାନେ ଓଡିଶାର ଆଳୁ ଫୁଲକୋବି ପ୍ରସ୍ତୁତ ସୁସ୍ୱାଦୁ ବ୍ୟଞ୍ଜନର ମଜା ଉଠାଇବେ । ସେହିଭଳି ୨୨୮୯୫ ଏଚଡବ୍ଲୁଏଚ-ପୁରୀ ବନ୍ଦେ ଭାରତ ଏକ୍ସପ୍ରେସରେ ଯାତ୍ରୀଙ୍କୁ ମିଳିବ ଆଳୁ ପୋଟଳ ଭଜା । ବନ୍ଦେ ଭାରତର ଯାତ୍ରୀମାନେ ମଧ୍ୟ ଟ୍ରେନ ଭିତରୁ ନିଜ ମନ ପସନ୍ଦର ମହାରାଷ୍ଟ୍ର, ଗୁଜରାଟ, ପଶ୍ଚିମବଙ୍ଗ, କେରଳ, ବିହାର ଏବଂ କାଶ୍ମୀରର ଆଞ୍ଚଳିକ ସୁସ୍ୱାଦୁ ଖାଦ୍ୟ ଉପଭୋଗ କରିପାରିବେ ।
ଭାରତୀୟ ରେଳବାଇ, ଆଇଆରସିଟିସି ମାଧ୍ୟମରେ, ସାଂସ୍କୃତିକ ଦୃଷ୍ଟିରୁ ପ୍ରାସଙ୍ଗିକ ଖାଦ୍ୟ ଏବଂ ପ୍ରାମାଣିକ ସ୍ଥାନୀୟ ସ୍ୱାଦ ପ୍ରଦାନ କରି ଯାତ୍ରୀଙ୍କ ଅଭିଜ୍ଞତାକୁ ଆହୁରି ବୃଦ୍ଧି କରିବା ପାଇଁ ବନ୍ଦେ ଭାରତ ଟ୍ରେନରେ ଆଞ୍ଚଳିକ ବ୍ୟଞ୍ଜନ ସେବା ଆରମ୍ଭ କରିଛି। ଏହି ପଦକ୍ଷେପ ଦ୍ୱାରା ଯାତ୍ରୀମାନେ ସିଧାସଳଖ ଭାରତର ବିବିଧ ରାନ୍ଧଣା ଐତିହ୍ୟର ସ୍ୱାଦ ପାଇପାରିବେ, ଯାହା ଫଳରେ ସେମାନେ ସେମାନଙ୍କ ଟ୍ରେନ ସିଟ୍ରେ ବସି ଆଞ୍ଚଳିକ ସ୍ୱାଦିଷ୍ଟ ଖାଦ୍ୟର ମଜା ନେଇପାରିବେ।
ନାଗପୁର-ସିକନ୍ଦରାବାଦ ବନ୍ଦେ ଭାରତ ଏକ୍ସପ୍ରେସରେ ଯାତ୍ରା କରୁଥିବା ଯାତ୍ରୀମାନେ ମହାରାଷ୍ଟ୍ରର କାଣ୍ଡ ପୋହା ସହିତ ଦକ୍ଷିଣ ଭାରତୀୟ ଡୋଣ୍ଡାକାୟା କରମ ପୋଡି ଫ୍ରାଇ ଏବଂ ଆନ୍ଧ୍ରପ୍ରଦେଶର ଆନ୍ଧ୍ର କୋଡି କୁରାର ସ୍ୱାଦ ନେଇପାରିବେ। ୨୦୯୦୧ ଏମ୍ଏମସିଟି-ଜିଏନସି ବନ୍ଦେ ଭାରତ ଏକ୍ସପ୍ରେସରେ ମେଥି ଥେପଲା ଏବଂ ୨୬୯୦୨ ଏସବିଆଇବି-ଭିଆରଏଲ୍ ବନ୍ଦେ ଭାରତ ଏକ୍ସପ୍ରେସରେ ମସଲା ଲୌକୀ ରୂପରେ ଗୁଜରାଟୀ ସ୍ୱାଦ ପରିବେଷଣ କରାଯାଉଛି।
କେରଳର ପାରମ୍ପରିକ ଖାଦ୍ୟ ଯଥା ଧଳା ଚାଉଳ, ପଚକ୍କା ଚେରୁପାୟାର୍ ମେଝୁକ୍କୁ ପେରାଟି, କଦଳୀ ତରକାରୀ, କେରଳ ପରାଠା, ସାଦା ଦହି ଏବଂ ପାଲାଡା ପାୟସମ୍ ସହିତ ଆପ୍ପମ୍ ୨୦୬୩୩/୩୪ କାସରଗୋଡ-ତ୍ରିବାନ୍ଦ୍ରମ୍ ବନ୍ଦେ ଭାରତ ଏକ୍ସପ୍ରେସ୍ ଏବଂ ମାଙ୍ଗାଲୋର-ତ୍ରିବାନ୍ଦ୍ରମ୍ ବନ୍ଦେ ଭାରତ ଏକ୍ସପ୍ରେସ୍ ରେ ଉପଲବ୍ଧ ଥିବାବେଳେ ପଶ୍ଚିମବଙ୍ଗର କୋଶା ପନିର୍ ୨୦୮୭୨ ରୋଉ-ଏଚଡବ୍ଲୁଏଚ ବନ୍ଦେ ଭାରତ ଏକ୍ସପ୍ରେସରେ ଉପଲବ୍ଧ ହେଉଛି। ଚମ୍ପାରଣ ପନିର ଭଳି ବିହାରର ସ୍ୱତନ୍ତ୍ର ଖାଦ୍ୟ ୨୨୩୪୯ ପିଏନବିଇ-ଆରଏନସି ବନ୍ଦେ ଭାରତ ଏକ୍ସପ୍ରେସରେ ପରିବେଷଣ କରାଯାଉଥିବା ବେଳେ, ଚମ୍ପାରଣ ଚିକେନ୍ ୨୨୩୪୮ ପିଏନବିଇ-ଏଚଡବ୍ଲ୍ୟୁଏଚ୍ ବନ୍ଦେ ଭାରତ ଏକ୍ସପ୍ରେସ୍ ରେ ଉପଲବ୍ଧ ।
ଅମ୍ବଲ କଡଡୁ ଏବଂ ଜାମ୍ମୁ ଚଣା ମସଲା ସମେତ ଡୋଗ୍ରି ରନ୍ଧନ ପ୍ରଣାଳୀ ୨୬୪୦୧/୦୨ ଏବଂ ୨୬୪୦୩/୦୪ ଟ୍ରେନରେ ପ୍ରଦାନ କରାଯାଉଛି, ଏବଂ ଟମାଟୋ ଚମନ ଏବଂ କେଶର ଫିର୍ନି ପରି କାଶ୍ମୀରୀ ଖାଦ୍ୟ ୨୬୪୦୧/୦୨ ଏବଂ ୨୬୪୦୩/୦୪ ଏସଡିଭିକେ-ଏସଆଇଏନଏ ବନ୍ଦେ ଭାରତ ଏକ୍ସପ୍ରେସରେ ଉପଲବ୍ଧ ।
ମହାରାଷ୍ଟ୍ରର ମସଲା ଉପମା୨୨୨୨୯ ସିଏସ୍ଏମଟି-ଏମ୍ଏଓ ବନ୍ଦେ ଭାରତ ଏକ୍ସପ୍ରେସରେ ଉପଲବ୍ଧ ଥିବାବେଳେ ପଶ୍ଚିମବଙ୍ଗର ମୁର୍ଗିର ଝୋଲ ୨୨୩୦୨ ଏନଜେପି-ଏଚଡବ୍ଲ୍ୟୁଏଚଲ ବନ୍ଦେ ଭାରତ ଏକ୍ସପ୍ରେସ୍ ରେ ମିଳୁଛି ।
ଏହି ପଦକ୍ଷେପ ମାଧ୍ୟମରେ ଭାରତୀୟ ରେଳବାଇ ଭାରତର ସମୃଦ୍ଧ ରନ୍ଧନ ବିବିଧତାକୁ ପାଳନ କରୁଛି, ଯାହା ରେଳ ଯାତ୍ରାକୁ ଅଧିକ ସ୍ମରଣୀୟ ଏବଂ ସାଂସ୍କୃତିକ ଭାବରେ ଆନନ୍ଦଦାୟକ କରୁଛି।
HS
(रिलीज़ आईडी: 2206315)
आगंतुक पटल : 8
इस विज्ञप्ति को इन भाषाओं में पढ़ें:
English
,
Urdu
,
हिन्दी
,
Marathi
,
Bengali
,
Bengali-TR
,
Gujarati
,
Tamil
,
Telugu
,
Kannada
,
Malayalam