ہندوستانی ریلوے نے ثقافتی طور پر اہم خوراک اور مستند مقامی ذائقوں کی پیشکش کے ذریعے مسافروں کے تجربے کو مزید خوشگوار بنانے کے لیے وندے بھارت ٹرینوں میں علاقائی پکوانوں کی سروس شروع کی ہے۔ اس اقدام کے ذریعے ہندوستان کے متنوع پکوانوں کا ورثہ براہِ راست مسافروں تک پہنچایا جا رہا ہے، جس سے وہ اپنی ٹرین کی نشستوں پر آرام سے بیٹھ کر علاقائی پکوانوں سے لطف اندوز ہو سکتے ہیں۔

20101/20102 ناگپور-سکندرآباد وندے بھارت ایکسپریس میں سفر کرنے والے مسافر مہاراشٹر کے کاندہ پوہا کے ساتھ ساتھ جنوبی ہند کے دونڈاکایا کارم پوڑی فرائی اور آندھرا پردیش کے آندھرا کوڈی کورا کا ذائقہ چکھ سکتے ہیں۔ گجراتی ذائقے میتھی تھیپلا کی شکل میں 20901 ایم ایم سی ٹی-جی این سی وندے بھارت ایکسپریس اور مصالحہ لوکی کی شکل میں 26902 ایس بی آئی بی-وی آر ایل وندے بھارت ایکسپریس میں پیش کیے جا رہے ہیں۔ اڈیشہ کا آلو پھول کوپی 22895 ہاوڑہ-پوری وندے بھارت ایکسپریس میں دستیاب ہے۔

کیرالہ کے روایتی کھانے بشمول سفید چاول، پچاکا چیروپیار میژوکو پراٹی، کڈلا کری، کیرالہ پراٹھا، سادہ دہی، پالادا پیاسم اور اپم 20633/34 کاسرگوڈ-تریویندرم وندے بھارت ایکسپریس اور 20631/32 منگلور-تریویندرم وندے بھارت ایکسپریس میں دستیاب ہیں۔ مغربی بنگال کا کوشا پنیر 20872 آر او یو-ایچ ڈبلیو ایچ وندے بھارت ایکسپریس اور آلو پٹول بھاجا 22895 ایچ ڈبلیو ایچ-پوری وندے بھارت ایکسپریس میں پیش کیا جا رہا ہے۔ بہار کے مخصوص پکوان جیسے چمپارن پنیر 22349 پی این بی ای-آر این سی وندے بھارت ایکسپریس میں، جبکہ چمپارن چکن 22348 پی این بی ای-ایچ ڈبلیو ایچ وندے بھارت ایکسپریس میں دستیاب ہے۔

ڈوگری پکوان بشمول امبل کدو اور جموں چنا مصالحہ ٹرین نمبر 26401-02 اور 26403-04 میں پیش کیے جا رہے ہیں، جبکہ کشمیری خصوصیات جیسے ٹماٹر چمن اور کیسر پھرنی ٹرین نمبر 26401/02 اور 26403/04 ایس وی ڈی کے-سینا وندے بھارت ایکسپریس میں فراہم کیے جا رہے ہیں۔

 مہاراشٹر کا مصالحہ اپما 22229 سی ایس ایم ٹی-ایم اے او وندے بھارت ایکسپریس میں دستیاب ہے، جبکہ مغربی بنگال کا مرگیر جھول 22302 این جے پی-ایچ ڈبلیو ایچ وندے بھارت ایکسپریس میں پیش کیا جا رہا ہے۔

اس اقدام کے ذریعےہندوستانی ریلوےہندوستان کے بھرپور پکوانوں کے تنوع کا جشن منا رہی ہے، جس سے ریل کے سفر کو مزید یادگار اور ثقافتی طور پر دلچسپ بنایا جا رہا ہے۔

*****

ش ح۔ ک ح ۔ن م

U. No-3474