وزیراعظم کا دفتر
وزیر اعظم نے گوا کے ارپورا میں آتش زدگی کے حادثے میں ہونے والے جانی نقصان پر اظہار تعزیت کیا
پی ایم این آر ایف سے یک مشت امداد کا اعلان کیا
प्रविष्टि तिथि:
07 DEC 2025 7:08AM by PIB Delhi
وزیر اعظم جناب نریندر مودی نے گوا کے ارپورا میں پیش آئے آتش زدگی کے حادثے میں ہوئے جانی نقصان پر تعزیت کا اظہار کیا ہے۔ جناب مودی نے اس حادثے میں زخمی ہونے والوں کی جلد از جلد صحتیابی کے لیے بھی دعا کی۔
وزیر اعظم نے مطلع کیا کہ انہوں نے گوا کے وزیر اعلیٰ ڈاکٹر پرمود ساونت سے صورتحال کے بارے میں دریافت کیا۔ انہوں نے کہا کہ ریاستی حکومت اس سانحے کے متاثرین کو تمام تر ممکنہ امداد فراہم کر رہی ہے۔
وزیر اعظم نے ایکس پر ایک پوسٹ کی؛
’’گوا کے ارپورا میں پیش آیا آتش زدگی کا حادثہ ازحد غمزدہ کر دینے والا ہے۔ میرے خیالات و احساسات اس حادثے میں اپنے اعزا کو کھودینے والوں کے ساتھ ہیں۔ خدا کرے کہ مجروحین جلد ازجلد صحتیاب ہوجائیں۔ گوا کے وزیر اعلیٰ ڈاکٹر پرمود ساونت جی سے صورتحال کے بارے میں دریافت کیا۔ ریاستی حکومت متاثرین کو تمام تر ممکنہ امداد فراہم کر رہی ہے۔
@DrPramodPSawant ‘‘
وزیر اعظم نے ہلاک ہونے والے ہر ایک فرد کے لواحقین کو پی ایم این آر ایف سے 2 لاکھ روپے کی یک مشت امدادی رقم ، اور مجروحین کو 50000 روپے دینے کا بھی اعلان کیا۔
وزیر اعظم کے دفتر نے ایکس پر ایک پوسٹ کی؛
’’گوا کے ارپورا میں پیش آئے آتش زدگی کے حادثے میں ہلاک ہونے والے ہر ایک فرد کے لواحقین کو پی ایم این آر ایف سے 2 لاکھ روپے کی یک مشت امدادی رقم دی جائے گی۔ مجروحین کو 50000 روپے دیے جائیں گے: وزیر اعظم @narendramodi ‘‘
**********
(ش ح –ا ب ن)
U.No:2566
(रिलीज़ आईडी: 2199975)
आगंतुक पटल : 14