ঐহাক্কী মরুপ, রাস্ত্রপতি পুতিন, ভারত অমসুং মপান লৈবাক্কী লুচিংবশিং, নুপী অমসুং নুপাশিং, খুরুমজরি।

ইন্দিয়া-রসিয়া বিজিনেস ফোরম, ঙসিগী থৌরম অসিদা অসিগুম্বা চাউরবা মীহুৎ কাংবুগা লোয়ননা শরুক য়াবা অসি রাস্ত্রপতি পুতিনগী য়াম্না মরু ওইবা খোঙথাং অমনি হায়না ঐনা থাজৈ । অমসুং ঐহাক্না ময়াম পুম্নমকপু থম্মোয় শেংনা তরাম্না ওকচরি। অমসুং নখোয় পুম্নমক্কী মরক্তা লৈজবা অসি ঐহাক্কীদমক্তা য়াম্না নুংঙাইবা থৌরম অমনি। ফোরম অসিদা শরুক য়ানবা অমসুং মহাক্কী মমল য়াম্লবা ৱাখল্লোনশিং শেয়র তৌবগীদমক ঐহাক্কী মরুপ রাস্ত্রপতি পুতিনবু থাগৎচরি। ইকোনোমিক্কীদমক্তা সিম্প্লিফাইদ প্রেদিক্তেবল মেকানিজমশিং শেমগৎলি। ভারত অমসুং য়ুরেসিয়ন ইকোনোমিক য়ুনিয়নগী মরক্তা FTAগী মতাংদা খন্ন-নৈনবগী থবক হৌখ্রে।

অমসুং মরুপশিং,

অসিগুম্বা তোঙান তোঙানবা হীরমশিং অসিগা লোয়ননা, পিয়ুশ জীনা পনখিবা অদুগুম্না, অমসুং রাস্ত্রপতিনা তাকখিবা ওইথোকপা য়াবশিং অদু য়েংলগা, ঐখোয়না য়াম্না অতেনবা মতমগী মনুংদা মরুওইবা পান্দমশিং অদু ফংবা ঙমগনি। ললোন-ইতিক নৎত্রগা দিপ্লোমেতিক ওইগেরা, পার্তনরশিপ অমহেক্তগী য়ুম্ফমদি অমগা অমগা থাজবা থম্বা অদুনি। মসিগী থাজবা অসিনা ভারত-রসিয়া মরীশিংগী খ্বাইদগী চাউবা মপাঙ্গলনি। মসিনা ঐখোয়গী পুন্না হোৎনরিবা অসিবু লমজিং-লমতাক্লি। মসি অনৌবা মঙলান অমসুং অনৌবা এস্পিরেসনগা লোয়ননা উবা ঙম্নবা ঐখোয়দা ইথিল পীরিবা লোঞ্চ পেদ অদুনি। হৌখিবা চহিদা, রাস্ত্রপতি পুতিন অমসুং ঐহাক্না 2030 ফাওবদা বাইলেতরেল ত্রেদতা বিলিয়ন দোল্লর 100 হেনগৎনবা পান্দম থমখি। অদুবু ঙরাংদগী রাস্ত্রপতি পুতিনগা লোয়ননা ঐহাক্না ৱারী শানরকপদা য়ুম্ফম ওইদুনা, অমসুং ঐখোয়না উরিবা পোতেন্সিএল অদুদা য়ুম্ফম ওইদুনা, ঐখোয়না 2030 ফাওবা ঙাইদুনা লৈগনি হায়না ঐহাক্না থাজদে। ঐহাক্না মসিবু ময়েক শেংনা উবা ঙম্মী। ঐখোয়না পান্দম অদু মতম চানা ফংনবা হোৎনবদা পুক্নিং চিংশিন্দুনা মাংলোমদা চংশিল্লি, অমসুং ঐহাক্কী থাজবা অসি হেনগৎলক্লি। তারিফ অমসুং নন-তারিফগী ওইবা অপনবশিং হন্থহল্লি।

অদুবু মরুপশিং,

মসিগী হোৎনরিবশিং অসিগী তশেংবা শক্তি অসি অদোমগুম্বা ললোন-ইতিক্কী লুচিংবশিংদা লৈ। অদোমগী ইনর্জী, অদোমগী ইন্নোবেসন অমসুং অদোমগী এম্বিসন অসিনা ঐখোয়গী শেয়র ওইবা তুংলমচৎকী মশক তাক্লি।

মরুপশিং,

হৌখিবা চহি 11 অসিদা ঐখোয়না ভারত্তা অহোংবা পুরক্লিবা খোঙজেল অমসুং পাক চাউবা অসি মমাংদা অমুক্তা ওইখিদ্রি। রিফোর্ম, পর্ফোর্ম অমসুং ত্রান্সফোর্মগী ৱাখল্লোনগী মতুং ইন্না, ভারত অসি মালেমগী খ্বাইদগী চাউবা অহুমশুবা ইকোনোমী ওইবগী মায়কৈদা খোঙজেল য়াংনা চংশিল্লি। অমসুং চহি 11গী রিফোর্মগী খোঙচৎ অসিদা ঐখোয়না কন্না হোৎনখি অমসুং লেপখিদে। ঐখোয়গী ৱারেপ অসি হান্নদগী হেন্না মপাঙ্গল কনখৎলে, অমসুং ঐখোয়না ঐখোয়গী পান্দমগী মায়কৈদা অচৌবা থাজবগা লোয়ননা য়াম্না থুনা মাংলোমদা চংশিল্লি। GSTদা নেক্স জেনরেসনগী রিফোর্মশিং অমসুং কমপ্লাইন্সী হন্থহনবা অসি ইজ ওফ দুইং বিজিনেস প্রমোৎ তৌনবা লৌখৎলিবা খোঙথাংশিংনি। দিফেন্স অমসুং স্পেস অসি প্রাইবেৎ সেক্তরগীদমক হাংদোকখ্রে, মসিনা সেক্তরশিং অসিদা অনৌবা খুদোংচাবা কয়া অমা পীরি। হৌজিক ঐখোয়না সিবিল ন্যুক্লিয়র সেক্তরদসু অনৌবা ওইথোকপা য়াবশিংগী থোঙ হাংলি। মসি এদমিনিস্ত্রেতিব রিফোর্মশিং খক্তা নত্তে, ৱাখল্লোনগী রিফোর্মশিংসু ওইরি। রিফোর্মশিং অসিগী মখাদা চাউখৎলবা ভারতকী ৱারেপ অমখক্তমক লৈরি।

মরুপশিং,

ঙরাং অমসুং ঙসি অদোম্না য়াম্না কান্নরবা অমসুং মগুন লৈবা খন্ন-নৈনবগী থৌরম অমা পাংথোকখি। ভারত অমসুং রসিয়াগী মরক্তা মতেং পাংনবগী লম পুম্নমক অসি মীফম অসিদা শরুক য়াবদা ঐহাক নুংঙাইবা ফাওই। ঐনা অদোম পুম্নমকপু অদোমগী ৱাখল্লোন অমসুং হোৎনবশিংগীদমক থাগৎচরি। ঐহাক্না ঐখোয়গী কোওপরেসন অসি খুমাং চাউশিলহন্নবা ৱাখল্লোন খরা থমজবা পাম্মি। অহানবদা, লোজিস্তিক্স অমসুং কনেক্তিবিতীগী লমদা ঙসিগী মীফমদা রাস্ত্রপতি পুতিন অমসুং ঐহাক্না ঐখোয়গী কনেক্তিবিতীগী অপুনবা পোতেন্সিএল অদু মপুং ফানা খঙদোকপগী তঙাইফদবা অদুদা অকনবা ৱাফম থমখি। INSTC নত্ত্রগা অৱাংথংবা সমুদ্রগী লম্বী, হায়বদি চেন্নাই-ভ্লাদিভোস্তোক কোরিদোরদা মাংলোমদা চংশিন্নবা ঐখোয়না ৱাশক্লি। মসিগী মাইকৈ অসিদা খোংজেল য়াংনা চংশিল্লগনি। মসিনা ত্রান্সিৎকী মতম হন্থহল্লগনি, মমল হন্থহল্লগনি অমসুং বিজিনেসকীদমক্তা অনৌবা কৈথেলশিং হাংদোক্লগনি। দিজিতেল তেক্নোলোজীগী পাৱরগা লোইননা ঐখোয়না ভর্চুএল ত্রেদ কোরিদোরশিংগী খুত্থাংদা কস্তম, লোজিস্তিক্স অমসুং রেগুলেতরী সিস্তেমশিং শম্নহনবা ঙমগনি। মসিনা কস্তম ক্লিয়রেন্স থুনা পাংথোকহনগনি, পেপরৱার্ক হন্থহনগনি, অমসুং কার্গো চত্থোক চৎশিন তৌবদা হেন্না খুদোংচাবা ফংহনগনি। অনিশুবদা, মেরিন প্রদক্তশিংগী মতাংদা, রসিয়ানা ইন্দিয়াদগী দাইরী অমসুং মেরিন প্রদক্তশিং এক্সপোর্ত তৌবা য়াবা ভারতকী কম্পেনীশিংগী লিস্ত অসি নৌনা পাকথোক চাউথোকহনখ্রে। মসিনা ভারতকী এক্সপোর্তরশিংগীদমক অনৌবা খুদোংচাবা কয়া অমা পীরি। ভারতকী অৱাংবা থাক্কী সমুদ্রগী পোৎথোকশিং, ভেল্যু এদেদ সীফুদশিং অমসুং প্রোসেস তৌরবা চিঞ্জাকশিং মালেম পুম্বনা পাম্নরি। ঐখোয়না কোল্দ চেন লোজিস্তিক্স, দীপ-সি ফিশিং অমসুং ফিশিং হারবরশিং মোদর্নাইজ তৌবদা জোইন্ত ভেঞ্চরশিং অমসুং তেক্নোলোজী পার্তনরশিপশিং শেম্বা য়াই। মসিনা রসিয়াগী দোমেস্তিক দিমান্দসু মপুং ফাহনগনি অমসুং ভারতকী পোত্থোকশিংনা অনৌবা কৈথেলশিংসু ফংলগনি। অহুমশুবদা, ওতোমোবাইল সেক্তর। ভারত অসি ঙসি শেল চংদবা, ইফিসিএন্ত EVশিং (ইলেক্ত্রিক ভেহিকলশিং), চাকা অনীগী গাড়ীশিং, অমসুং CNG রসিয়া অসি এদভান্স মেতরিএলশিং পুথোকপা মরু ওইবা লৈবাক অমনি। পুন্না ঐখোয়না EV পুথোকপা, ওতোমোতিভ কম্পোনেন্তশিং পুথোকপা অমসুং শেয়র তৌরবা মোবিলিতী তেগশিং পুথোকপদা পার্তনর ওইগনি। মসিনা ঐখোয়গী মথৌ তাবশিং ফংহনবদা মতেং পাংবতা নত্তনা গ্লোবেল সাউথ, মরু ওইনা অফ্রিকাগী চাউখৎপদসু মতেং পাংগনি।  মরিশুবদা, ফার্মা, ইন্দিয়ানা ঙসিদি মালেম শীনবা থুংনা মমল হোংবা মমলদা অৱাংবা থাক্কী হিদাক-লাংথকশিং সপ্লাই তৌরি। মরম অসিনা ভারত অসি মালেমগী ফার্মাসি হায়নসু কৌনৈ। ঐখোয় পুন্না ভেক্সিন পুথোকপা, কেন্সর লাইয়েংনবা, রেদিও ফার্মাসিউটিকল অমসুং API মসিনা হেল্থ কেয়র সেক্যুরিতী হেনগৎহল্লগনি অমসুং অনৌবা ইন্দস্ত্রীশিং শেমগৎলগনি। মঙাশুবদা, তেক্সতাইল। ভারতনা নেচরেল ফাইবরদগী তেক্নিকেল তেক্সতাইল ফাওবদা অচৌবা পোতেন্সিএল লৈ। ঐখোয়না দিজাইন, খুৎ-শা হৈবগী থবক অমসুং কার্পেৎতা মালেমগী থাক্তা লৈরি। রাসিয়া অসি পোলিমর অমসুং সিন্থেতিক রো মেতরিএলগী মরুওইবা প্রদ্যুসর অমনি। পুন্না ঐখোয়না রেসিলেন্ত তেক্সতাইল ভেল্যু চেন অমা শেম্বা ঙমগনি। অসিগুম্বা মওংদা, ফর্তিলাইজরশিং, সেরামিকশিং, সিমেন্ত মেনুফেকচরিং, অমসুং ইলেক্ত্রোনিক্সকুম্বা লমশিংদা কোওপরেসনগী ওইথোকপা য়াবা কয়া অমা লৈরি।

মরুপশিং,

সেক্তর পুম্নমক্তা মতেং পীনবা হেনগৎহনবদা মেনপাৱর মোবিলিতীনা মরু ওইবা থৌদাং অমা লৌরি। ঙসিদি ভারত অসি মালেমগী স্কিল কেপিতেল অমা ওইরক্লি। তেক্নোলোজী, ইঞ্জিনীয়রিং, হেল্থকেয়র, কন্সত্রক্সন অমসুং লোজিস্তিক্স য়াওনা হীরম খুদিংমক্তা মালেমগী মথৌ তাবশিং ফংনবা ঐখোয়গী নহা ওইরিবা তেলেন্তশিংনা পোতেন্সিএল লৈ। রসিয়াগী দেমোগ্রাফিক অমসুং ইকোনোমিক প্রাইওরিতীশিং য়েংলগা, পার্তনরশিপ অসিনা লৈবাক অনিমক্কীদমক্তা য়াম্না কান্নৈ। রসিয়ন লোল অমসুং সোফত স্কিলদা ভারতকী হৈশিংবশিং ত্রেনিং পীদুনা, ঐখোয়না লৈবাক অনিগী অপুনবা চাউখৎপা হেনগৎহনগদবা রসিয়া-রেদী ৱার্কফোর্স পুন্না শেম্বা ঙমগনি।

মরুপশিং,

ঙসি ঐখোয়না লৈবাক অনিমক্কী নাগরিকশিংগীদমক তুরিস্ত ভিজাগী মতাংদা মরু ওইবা ৱারেপ কয়া অমা লৌখ্রে। মসিনা ঐখোয়গী লৈবাক অনিগী মরক্তা তুরিজম হেনগৎহনগনি। মসিনা তুর ওপরেতরশিংগীদমক্তা অনৌবা ললোন-ইতিক্কী খুদোংচাবা অমসুং থবক ফংহন্নবগী অনৌবা খুদোংচাবশিং ফংহল্লগনি। মরুপশিং, ঙসি ভারত অমসুং রসিয়ানা কো-ইন্নোবেসন, কো-প্রদক্সন অমসুং কো-ক্রিয়েসনগী অনৌবা খোঙচৎ অমা হৌরে। ঐখোয়গী পান্দম অসি অমগা অমগা ললোন-ইতিক হেনগৎহনবতা য়ুম্ফম ওইদে। ঐখোয়না মীওইবা খুন্নাই পুম্নমক্কী য়াইফ-থৌরাং ফংহনবা পাম্মি। মসি পাংথোক্নবগীদমক, ঐখোয়না মালেমগী ওইবা শিংনবশিং অসিগী তুং কোইগদবা সোলুসনশিং পুথোক্কদবনি। ভারত অসি রাসিয়াগা লোয়ননা খোঙচৎ অসিদা খোংজেল য়াংশিনবা ঙম্নবা মপুং ফানা শেম-শারি। ঐনা অদোম পুম্নমকপু হায়জনীংই, লাক্লো, ভারত্তা শেম্লো, ভারতকা খুৎশম্নরো, অমসুং ঐখোয় পুন্না মালেমগীদমক্তা শেম্লসি। ৱাহৈশিং অসিগা লোয়ননা, ঐহাক্না রাস্ত্রপতি পুতিন অমসুং ময়াম পুম্নমক্তা ঐহাক্কী থাগৎপা ফোংদোকচরি। ময়ামবু হন্না-হন্না থাগৎচরি।

***