#IFFIWood, 28 नोव्‍हेंबर 2025

उदयाक येवपी सिनेमा प्रतिभेची परब मनोवपाच्या म्हत्वाच्या खिणाक,  56व्या भारतीय आंतरराष्ट्रीय चित्रपट महोत्सवांत आयज करण सिंग त्यागीक ताच्या समीक्षकांनी प्रशंसीत केल्ल्या ‘केसरी चॅप्टर 2’ फिल्मा खातीर भारतीय फिचर फिल्माचो उत्कृश्ट पदार्पण दिग्दर्शक पुरस्कार दिवन भोवमानीत केलो.आयज समारोप सुवाळ्यांत म्हायती आनी प्रसारण आनी संसदीय वेव्हार राज्यमंत्री डॉ. एल. मुरुगन,  म्हायती आनी प्रसारण मंत्रालयाचे सचीव श्री संजय जाजू हाजीर आशिल्ले.

त्यागी जो  एक फिल्ममेकर, लेखक आनी निर्मातो, तांणी आपल्या तीक्ष्ण कथाकथन आनी अर्थपूर्ण कथनां कडेन आशिल्ल्या वचनबद्धतेन भारतीय सिनेमांत स्वता खातीर एक खाशेली सुवात तयार केला. ताच्या वावराच्या वळेरेंत पयलींच ‘बंदिश बैंडिट्स’ आनी ‘कालकूट’ अशीं उल्लेखनीय फिल्मा आसात आनी ‘केसरी चॅप्टर 2’ वरवीं ताणें दिग्दर्शक म्हणून स्वताचे खासा स्थापन निर्माण केलां.

भारतीय स्वातंत्र्य संघर्शाचीं सिनेमाचीं मुल्यां, इतिहासीक म्हत्व आनी आकर्शक खीण जे ह्या सिनेमांत दाखयल्यात तांकां आपूण वळखता अशें जूरीन म्हळें. भारतीय पॅनोरमाचे ज्युरी आनी अध्यक्ष हांणीय ‘केसरी चॅप्टर 2’ च्या दिग्दर्शक, निर्मात्याक, कलाकारांक आनी तंत्रज्ञांक परबीं दिवपाची इत्सा आसा अशें सांगलें आनी ताका शानदार विज़ुअल अशें म्हणलें.

Karan Singh Tyagi's film 'Kesari Chapter 2' tells the powerful story of Sankaran Nair, the fearless barrister who took on the British Empire to expose the brutal truth behind the Jallianwala Bagh massacre.

From uncovering General Dyer’s actions to fighting an unwavering legal… pic.twitter.com/EZZUgjVJHs

— PIB in Goa 🇮🇳 (@PIB_Panaji) November 28, 2025

‘केसरी चॅप्टर 2’  हातूंत जल्लियांवाला बाग हत्याकांडा फाटल्यान आशिल्लें सत्य उक्ते करपा खातीर ब्रिटीश साम्राज्या कडेन झुजपी केरळाचो निर्भय बॅरिस्टर शंकरन नायर हाची असामान्य खरी काणी सांगल्या. व्हायसरॉय काउन्सिलचो वांगडी म्हणून नायर जनरल डायरान मुद्दाम निशस्त्र नागरीकांचेर गोळीबार केल्ल्याचे न्हयकारूंक शकना अशे पुरावे मेळटात. तरणाटो वकील दिलरीट गिला वांगडा तो वसाहतवादी स्थापने आड धाडसी कायदेशीर झूज सुरू करता आनी शेंकड्यांनी बळी पडपी लोकांक न्याय मेळचो अशी मागणी करता.

नायराचें अढळ धैर्य ह्या चित्रपटांत दाखयलांच पूण भारताच्या स्वातंत्र्य संघर्शांत ताच्या कृतींनी पेटयल्ली किट हिवूय उजवाडाक हाडल्या. ‘केसरी चॅप्टर 2’ आपल्या आकर्शक न्यायालयांतल्या ड्रामातल्यान आनी बळिश्ट सादरीकरणांतल्यान भारतीय इतिहासाचो उण्या प्रमाणांत ज्ञात अध्यायाक सिनेमाची तीव्रता आनी भावनिक खोलायेन जिवीत हाडटा.

भारतीय फिचर फिल्माचो उत्कृश्ट पदार्पण दिग्दर्शक हो देशाच्या सृजनशील परिदृश्याची नवी व्याख्या करपी नव्या आवाजांचेर भर दिवपाच्या इफ्फीच्या सेगीत यत्नांतलो एक भाग. अंदूं जूरीन उत्कृष्ट पदार्पण खाशेलपणां वेंचून काडलीं, जातूंत नाविन्यपूर्ण कथानक, प्रादेशिक विविधताय आनी घटमूट सिनेमाचो दृष्टीकोन दाखयला.

पयलेच खेपे चित्रपट निर्मात्यांची सृजनशीलताय आनी वचनबद्धताय वळखुपा खातीर स्थापन केल्लो हो पुरस्कार त्या  दिग्दर्शकांचो भोवमान करता, जांकां सुरवातीच्या वावरांतल्यान म्हत्वाची क्षमता आनी कलात्मकतेचो संकेत मेळटा. दर वर्सा महोत्सवाच्या नेमा प्रमाण पांच पदार्पण चित्रपट वेंचून काडटात आनी प्रदर्शित करतात. ह्या पुरस्कारा वांगडा प्रमाणपत्रा सयत  ₹5 लाख रोख इनाम आसता.

करण सिंग त्यागी सारकिल्या पदार्पणाच्या फिल्म निर्मात्यांचो उत्सव मनोवन, इफ्फी फुडले पिळगेच्या कथाकारांक पोसवण दिवपाची आपली वचनबद्धताय परतून सिद्ध करता: जो बोल्ड आइडिया, नवीन दृष्टिकोन आनी परिवर्तनकारी कथांनी भारतीय सिनेमाच्या फुडाराक आकार दिवपी आवाज थारतलो .

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

* * *

PIB IFFI CAST AND CREW | सुभाष जाण/उत्कर्षा भुस्कुटे/दर्शना राणे | IFFI 56