#IFFIWood, নবেম্বর 28, 2025

অনৌবা সিনেমা তেলেন্তপু শকখঙবগী মরুওইবা মীকুপ অমদা, 56শুবা ইন্তর্নেস্নেল ফিল্ম ফেস্তিবেল ওফ ইন্দিয়ানা ঙসি করন সিংহ ত্যাগীবু মহাক্কী ক্রিতিকেল্লী এক্লেম ফিল্ম 'কেসারী চেপ্তর 2'গীদমক ইন্দিয়ন ফিচর ফিল্ম এৱার্দকী বেস্ত দেব্যু দিরেক্তরগী মনা পীদুনা ইকায় খুম্নবা উৎখ্রে। ইনফোর্মেসন অমসুং ব্রোদকাস্তিং অমসুং পার্লিয়ামেন্তরী এফিয়র্সকী রাজ্য মন্ত্রী, দোক্তর. এল. মুরুগন্না ঙসি লোইশিনবগী থৌরমদা করন সিংহ ত্যাগীদা এৱার্দ অসি খুৎশিন্নখি। ইনফোর্মেসন অমসুং ব্রোদকাস্তিং মন্ত্রালয়গী সেক্রেতরী শ্রী সঞ্জয় জাজুসু শরুক য়াখি।

ফিল্ম মেকর, অইবা অমসুং প্রদ্যুসর অমা ওইরিবা ত্যাগীনা মহাক্কী ফজবা ৱারী লীবগী থৌওং অমসুং ৱাহন্থোক লৈবা ৱারীশিংদা পুক্নিং চিংশিন্দুনা ভারতকী সিনেমাদা মশক থোকপা মফম অমা শেমগৎলি। মহাক্কী থবকশিংগী মনুংদা “বেন্দিশ বেন্দিৎস” অমসুং “কালকুত”গুম্বা মমিং লৈরবা তাইতলশিং য়াওরি অমসুং “কেসারী চেপ্তর 2”গী খুত্থাংদা মহাক্না মশাবু য়েংবা য়াবা দিরেক্তর অমা ওইনা মপাঙ্গল কনখৎহনখ্রে।

জুরিনা হায়খি মদুদি ফিল্ম অসিদা য়াওরিবা সিনেমেতিক ভেল্যুশিং, পুৱারীগী ওইবা মরুওইবা অমসুং ভারতকী নীংতম লানগী ফজরবা তাঙ্ককশিং অসি মশক খঙলে। ইন্দিয়ন পেনোরামাগী জুরি অমসুং চেয়রপর্সননা হায়খি মদুদি মখোয়না দিরেক্তর, প্রদ্যুসর, এক্তরশিং অমসুং তেক্নিসিয়নশিংবু 'কেসারী চেপ্তর 2'গীদমক থাগৎপা ফোংদোকচরি।

🏆 Best Debut Director of Indian Feature Film goes to Karan Singh Tyagi for Kesari Chapter 2 at #IFFI2025!#IFFI56 #IFFIGoa pic.twitter.com/U8RQIt0UfY

— PIB in Goa 🇮🇳 (@PIB_Panaji) November 28, 2025

'কেসারী চেপ্তর  2'না জলিয়ানৱালা বাগ মীহাৎকী অচুম্বা অদুগীদমক বৃতিশ লৈঙাক্কা থেংনখিবা কেরলাগী অকিবা লৈতবা বেরিস্তর শঙ্করন নায়রগী অখন্নবা অচুম্বা ৱারী তাক্লি। ভাইসরোইগী কাউন্সিলগী মেম্বর অমা ওইনা, নায়রনা জেনরেল দাইয়রনা খুৎলাই পাইদবা মীয়ামদা থওইনা নোংমৈ কাপখিবগী খুদমশিং ফংখি। নহা ওইরিবা উকিল দিলরিত গিলগা লোয়ননা মহাক্না কোলোনিএল ইস্তাব্লিসমেন্তগী মায়োক্তা লান্থেংনবা হৌরকখি অমসুং ভিক্তিম কয়াগীদমক অচুম্বা ৱায়েল দিমান্দ তৌখি।

ফিল্ম অসিনা নায়রগী থাজদবা থৌনা অদু উৎপতা নত্তনা মহাক্কী থৌওংনা ভারতকী নীংতম ইহৌগী মৈরি চুখৎখি। মসিগী পুক্নিং চিংশিন্নিংঙাই ওইবা কোর্তরুম দ্রামা অমসুং মপাঙ্গল লৈরবা পর্ফোমেন্সকী থোংদা, কেসারী চেপ্তর 2না সিনেমেতিক ইন্তেন্সিতী অমসুং ইমোসনেল দেপকা লোয়ননা ভারতকী পুৱারীগী মমিং লৈতবা চেপ্তর অমা পুন্সিদা পুরক্লি।

ইন্দিয়ন ফিচর ফিল্মগী বেস্ত দেব্যু দিরেক্তর এৱার্দ অসি লৈবাক অসিগী ক্রিএতিব লেন্দস্কেপপু নৌনা মশক তাক্লিবা অনৌবা ৱাখৈশিং শক্তাক্নবা IFFIগী লেপ্তনা হোৎনরিবা অদুগী শরুক অমনি। চহি অসিদা, জুরিনা অনৌবা স্তোরীতেলিং, রিজনেল দাইভর্সিতী অমসুং মপাঙ্গল কনবা সিনেমেতিক ভিজন উৎলিবা মশক থোকপা দেব্যু ফীচরশিং খনখি।

অহানবা ওইনা ফিল্ম নম্বা মীওইশিংগী ক্রিএতিভিতি অমসুং অচেৎপা থৌনা অদু শকখঙনবগীদমক লিংখৎখিবা, এৱার্দ অসিনা মখোয়গী অঙনবা থবকশিং অদুনা মশক থোকপা পোতেন্সিএল অমসুং আর্তিস্তিক মেরিৎ উৎলিবা দিরেক্তরশিংবু ইকায় খুম্নবা উৎলি। চহি খুদিংগী, ফেস্তিবেলগী চৎন-কাংলোনগী মতুং ইন্না দেব্যু ফিল্ম মঙা ফাওবা খনগৎলি অমসুং উৎলি। এৱার্দ অসিদা সর্তিফিকেৎ অমগা লোয়ননা শেলগী মনা লুপা লাখ 5 পীগনি।

করন সিংহ ত্যাগীগুম্বা দেব্যু ফিল্ম মেকরশিংবু ইকায় খুম্নবা উৎতুনা, IFFIনা মথংগী জেনরেসনগী স্তোরীতেলরশিংবু চাউখৎহন্নবা মখোয়গী অচেৎপা ফিরেপ অদু অমুক হন্না ফোংদোক্লি। মখোয়শিং অসি থৌনা ফরবা ৱাখল্লোনশিং, অনৌবা মিৎয়েং অমসুং অহোংবা পুরকপা ৱারীশিংগা লোয়ননা ভারতকী সিনেমাগী তুংলমচৎ শেমগৎকনি।

IFFIগী মতাংদা

ইং 1952দা হৌদোকখিবা ইন্তর্নেস্নেল ফিল্ম ফেস্তিবেল ওফ ইন্দিয়া (IFFI) অসি খা এসিয়াগী খ্বাইদগী লিরবা অমসুং খ্বাইদগী চাউবা সিনেমাগী কুমহৈ অমা ওইরি। ভারত সরকারগী ইনফোর্মেসন অমসুং ব্রোদকাস্তিং মন্ত্রালয়গী নেস্নেল ফিল্ম দিবেলপমেন্ত কোরপোরেসন (NFDC) অমসুং গোৱাগী এন্তর্তেনমেন্ত সোসাইতী (ESG), গোৱাগী রাজ্য সরকারনা পুন্না শীন-লাংদুনা পাংথোক্লিবা ফেস্তিবেল অসি মালেমগী সিনেমাগী পাৱরহাউস অমা ওইরক্লি। মসিদা নৌনা শেমজিন-শাজিন তৌরবা ক্লাসিকেল ফিল্মশিংগা থৌনা ফরবা এক্সপরিমেন্তশিংগা পুনশিন্নরি। IFFIবু অশেংবা মঙাল ওইহল্লিবা অসি মসিগী ইলেক্ত্রিক মিক্স- ইন্তর্নেস্নেল কম্পিতিতিবশিং, কলচরেল শোকেসশিং, মাস্তর ক্লাসশিং, ত্রিব্যুতশিং, অমসুং হাই-এনর্জী ৱেভস ফিল্ম বাজার, মফম অসিদা ৱাখল্লোনশিং, য়ানচেশিং অমসুং কোলাবোরেসনশিংনা পীনরি। নবেম্বর 20দগী 28 ফাওবা গোৱাগী নীংথিরবা শমুদ্র খোঙবালগী বেকদ্রোফতা পাংথোক্কদবা 56শুবা ইদিসন অসিনা লোল, জোনরা, ইন্নোবেসন, অমসুং ভোইসশিংগী অঙকপা স্পেক্ত্রম অমা অমসুং মালেমগী থাক্তা ভারতকী ক্রিএতিব ব্রিলিয়ান্সকী ইম্মির্সিব সেলেব্রেসন অমা পাংথোক্কনি।

অহেনবা ই-পাউগীদমক্তা, মসিদা ক্লিক তৌবীয়ু:

https://www.pib.gov.in/PressReleasePage.aspx?PRID=2191742

https://www.pib.gov.in/PressReleasePage.aspx?PRID=2190381

IFFI ৱেবসাইৎ: https://www.iffigoa.org/

PIBগী IFFI মাইক্রোসাইৎ: https://www.pib.gov.in/iffi/56/

PIB IFFIWood ব্রোদকাস্ত চেনেল: https://whatsapp.com/channel/0029VaEiBaML2AU6gnzWOm3F

X হেন্দলশিং: @IFFIGoa, @PIB_India, @PIB_Panaji

* * *