উদীয়মান চিনেমাৰ প্ৰতিভাক উদযাপনৰ এক গুৰুত্বপূৰ্ণ মুহূৰ্তত আজি ভাৰতৰ ৫৬ সংখ্যক আন্তঃৰাষ্ট্ৰীয় চলচ্চিত্ৰ মহোৎসৱত কৰণ সিং ত্যাগীক সমালোচকৰ প্ৰশংসিত ছবি ‘কেছৰী চেপ্টাৰ  ২’ৰ বাবে ভাৰতীয় বৈশিষ্ট্যপূৰ্ণ চলচ্চিত্ৰৰ শ্ৰেষ্ঠ অভিষেক পৰিচালক বঁটাৰে সন্মানিত কৰা হয়।

আজি অনুষ্ঠানৰ সামৰণি অনুষ্ঠানত তথ্য আৰু সম্প্ৰচাৰ তথা সংসদীয় পৰিক্ৰমা দপ্তৰৰ ৰাজ্যিক মন্ত্ৰী ড০ এল মুৰুগানে কৰণ সিং ত্যাগীক এই বঁটা প্ৰদান কৰে। উক্ত অনুষ্ঠানত তথ্য আৰু সম্প্ৰচাৰ মন্ত্ৰালয়ৰ সচিব  শ্ৰী সঞ্জয় জাজুও উপস্থিত থাকে।

চলচ্চিত্ৰ নিৰ্মাতা, লেখক, প্ৰযোজক ত্যাগীয়ে  নিটোল কাহিনী কথন আৰু অৰ্থপূৰ্ণ আখ্যানৰ প্ৰতি দায়বদ্ধতাৰ পৰিচয় দি ভাৰতীয় চিনেমাত নিজৰ বাবে এক সুকীয়া স্থান দখল  কৰি লৈছে । তেওঁৰ  উল্লেখনীয় কামৰ ভিতৰত  ইতিমধ্যে ‘বন্দিছ বন্দিতছ’ আৰু ‘কালকুট’ৰ দৰে উল্লেখযোগ্য শিৰোনাম দখল কৰা ছবি অন্তৰ্ভুক্ত হৈছে।  ‘কেছৰী চেপ্টাৰ  ২’ৰ জৰিয়তে তেওঁ আন এক উচ্চতাত আৰোহণ কৰিবলৈ সক্ষম হৈছে।

জুৰীয়ে মন্তব্য কৰে যে ছবিখনত বন্দী হোৱা ভাৰতীয় স্বাধীনতা সংগ্ৰামৰ  মূল্যবোধ, ঐতিহাসিক গুৰুত্ব আৰু গুৰুত্বপূৰ্ণ মুহূৰ্তসমূহক তেওঁ চিনেমাৰ দৃষ্টিৰে  স্বীকৃতি দিছে। ভাৰতীয় পেনোৰামাৰ জুৰি আৰু অধ্যক্ষই লগতে  ‘কেছৰী চেপ্টাৰ ২’ৰ পৰিচালক, প্ৰযোজক, অভিনেতা আৰু কাৰিকৰী দিশৰ সৈতে জড়িতসকলক অভিনন্দন জনায়  আৰু ছবিখনক উৎকৃষ্ট ছবি  বুলি অভিহিত কৰে।

‘কেছৰী চেপ্টাৰ  ২’ত জালিয়ানৱালাবাগ হত্যাকাণ্ডৰ আঁৰৰ সত্যতা উদঙাই দিবলৈ ব্ৰিটিছ সাম্ৰাজ্যৰ বিৰুদ্ধে যুঁজ দিয়া কেৰালাৰ নিৰ্ভীক বেৰিষ্টাৰ শংকৰণ নায়াৰৰ অসাধাৰণ সত্য কাহিনী বৰ্ণনা কৰা হৈছে। ভাইচৰয় কাউন্সিলৰ সদস্য হিচাপে নায়াৰে জেনেৰেল ডায়েৰে নিৰস্ত্ৰ সাধাৰণ নাগৰিকৰ ওপৰত ইচ্ছাকৃতভাৱে গুলীচালনা কৰা ঘটনাৰ  প্ৰমাণ উন্মোচন কৰে।

যুৱ অধিবক্তা দিলৰিট গিলৰ সৈতে মিলি তেওঁ ঔপনিৱেশিক প্ৰতিষ্ঠানৰ বিৰুদ্ধে এক সাহসী আইনী যুদ্ধ আৰম্ভ কৰি শ শ ভুক্তভোগীৰ হকে   ন্যায়ৰ দাবীত অটল হৈ থাকে ।

ছবিখনে নায়াৰৰ অদম্য সাহসক ধৰি ৰখাই নহয়, ভাৰতৰ স্বাধীনতা সংগ্ৰামত তেওঁৰ এই কাৰ্য্যই জ্বলাই দিয়া দেশপ্ৰেমৰ স্ফুলিংগকো উজ্জ্বল কৰি তুলিছে। আদালতৰ কক্ষৰ বাধ্যতামূলক কৰ্ম আৰু শক্তিশালী অভিনয়ৰ জৰিয়তে ‘কেছৰী চেপ্টাৰ  ২’য়ে  চিনেমাৰ তীব্ৰতা আৰু আবেগিক গভীৰতাৰে ভাৰতীয় ইতিহাসৰ বহুতে নজনা অধ্যায় এটাক জীৱন্ত কৰি তুলিছে।

ভাৰতীয় বৈশিষ্ট্যপূৰ্ণ চলচ্চিত্ৰৰ শ্ৰেষ্ঠ অভিষেক পৰিচালক বঁটাটো দেশৰ সৃষ্টিশীল পৰিৱেশক পুনৰ সংজ্ঞায়িত কৰাৰ  বিষয়ত  গুৰুত্ব আৰোপ কৰাৰ বাবে আইএফএফআইয়ে অবিৰত প্ৰচেষ্টা অব্যাহত ৰাখিছে, এয়া তেনে প্ৰচেষ্টাৰেই এক অংশ । এই বছৰ জুৰীয়ে উদ্ভাৱনীমূলক কাহিনী কথন , আঞ্চলিক বৈচিত্ৰ্য আৰু শক্তিশালী চিনেমাৰ দৃষ্টিভংগী প্ৰদৰ্শন কৰা উল্লেখনীয়  আত্মপ্ৰকাশৰ বৈশিষ্ট্যপূৰ্ণ  ছবি  নিৰ্বাচন কৰিছে।

প্ৰথমবাৰৰ বাবে চলচ্চিত্ৰ নিৰ্মাতাসকলৰ সৃষ্টিশীলতা আৰু প্ৰতিশ্ৰুতিক স্বীকৃতি দিবলৈ আৰম্ভ  কৰা এই বঁটাটোৱে এনে পৰিচালকক সন্মান জনায়, যাৰ প্ৰাৰম্ভিক কামে উল্লেখযোগ্য সম্ভাৱনা আৰু কলাত্মক যোগ্যতাৰ সংকেত দিয়ে। প্ৰতি বছৰে উৎসৱৰ নিয়ম অনুসৰি পাঁচখনলৈকে আত্মপ্ৰকাশৰ ছবি নিৰ্বাচন কৰি প্ৰদৰ্শন কৰা হয়। এই বঁটাত প্ৰমাণ পত্ৰৰ লগতে ৫ লাখ টকাৰ নগদ পুৰস্কাৰ আছে ।

কৰণ সিং ত্যাগীৰ দৰে অভিষেক ঘটা  চলচ্চিত্ৰ নিৰ্মাতাক সন্মানিত  কৰি আইএফএফআইয়ে পৰৱৰ্তী প্ৰজন্মৰ এনে কণ্ঠ যিয়ে সাহসী ধাৰণা, সতেজ দৃষ্টিভংগী, আৰু পৰিৱৰ্তনশীল আখ্যানৰ সৈতে ভাৰতীয় চিনেমাৰ ভৱিষ্যতক গঢ় দিব সেইসকলৰ প্ৰতি ইয়াৰ  প্ৰতিশ্ৰুতি পুনৰ দৃঢ় কৰিছে ।

আই এফ এফ আইৰ বিষয়ে

১৯৫২ চনত আৰম্ভ হোৱা  ভাৰতীয় আন্তঃৰাষ্ট্ৰীয় চলচ্চিত্ৰ মহোৎসৱ (আই এফ এফ আই) দক্ষিণ এছিয়াৰ আটাইতকৈ পুৰণি আৰু সৰ্ববৃহৎ চিনেমাৰ উদযাপন হিচাপে থিয় দিছে। ৰাষ্ট্ৰীয় চলচ্চিত্ৰ উন্নয়ন নিগম (এন এফ ডি চি), ভাৰত চৰকাৰৰ তথ্য আৰু সম্প্ৰচাৰ মন্ত্ৰালয় আৰু গোৱা ৰাজ্য চৰকাৰৰ এণ্টাৰটেইনমেণ্ট ছ’চাইটি অৱ গোৱা (ই এছ জি), গোৱা চৰকাৰৰ যৌথভাৱে আয়োজন কৰা এই উৎসৱটো এক বিশ্বব্যাপী চিনেমাৰ শক্তিশালী স্থানলৈ পৰিণত হৈছে—য’ত পুনৰুদ্ধাৰ কৰা ক্লাছিকসমূহে সাহসী ব্যক্তিত্ব, পটভূমিৰ সৈতে সংযোগ হোৱাৰ সুযোগ পায়।  আইএফএফআইক সঁচাকৈয়ে জিলিকাই  তোলা কথাটো হ’ল ইয়াৰ বৈদ্যুতিক মিশ্ৰণ—আন্তঃৰাষ্ট্ৰীয় প্ৰতিযোগিতা, সাংস্কৃতিক প্ৰদৰ্শনী, মাষ্টাৰক্লাছ, শ্ৰদ্ধাঞ্জলি, আৰু উচ্চ শক্তিৰ ৱেভছ ফিল্ম বজাৰ, য’ত ধাৰণা, চুক্তি আৰু সহযোগিতাই উৰণ লয়। ২০–২৮ নৱেম্বৰৰ পৰা গোৱাৰ সুন্দৰ উপকূলীয় পটভূমিত মঞ্চস্থ কৰা ৫৬ সংখ্যক সংস্কৰণে ভাষা, ধাৰা, উদ্ভাৱন আৰু কণ্ঠৰ এক চকু থৰ লগাব  পৰা বৰ্ণালীৰ প্ৰতিশ্ৰুতি দিছে— এয়া হৈছে বিশ্ব মঞ্চত ভাৰতৰ সৃষ্টিশীল উজ্জ্বলতাৰ এক নিমজ্জিত উদযাপন।

For more information, click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | Ritu Shukla/Sreeshma K/Darshana Rane | IFFI 56 - 111