Ha ka khyllipmat kaba kongsan ban rakhe ïa ki sap ba dang mih ha ka kam shna phlim, ka International Film Festival of India kaba 56 mynta ka sngi ka la pynkup burom ïa u Karan Singh Tyagi da ka khusnam Best Debut Director of Indian Feature Film Award na ka bynta ka phlim jong u kaba la ïoh jingïaroh bha na ka bynta ki nongpeit bniah ka ‘Kesari Chapter 2. U Dr. L. Murugan, Myntri Khynnah ka Tnad Information and Broadcasting bad Parliamentary Affairs, u la aiti ia ka khusnam sha u Karan Singh Tyagi ha ka jingialang pynkut mynta ka sngi. Ha kane ka sngi u Sanjay Jaju, Secretary ka Tnad Information & Broadcasting u la ia don lang.

U Tyagi, u nongshna phlim, nongthoh bad nongpynmih phlim, u la pynbiang ia ka bynta ialade ha ka kam shna phlim jong ka India da ka jingiathuh khana kaba shai bad ka jingaiti jong u ha ki jingiathuhkhana kiba don jingmut. Ka kam jong u ka la don lypa ki kyrteng kiba pawnam kum ka ‘Bandish Bandits’ bad ‘Kaalkoot,’ bad lyngba ka ‘Kesari Chapter 2’ u la pynskhem skhem ialade kum u director uba pynmih ia ki phlim ba hap ban peit.

Ka Kynhun ki Nongbishar ka la ban ba ka ithuh ia ki jinglong kordor ka kam shna phlim, ka jingdonkam ha ka histori bad ki por ba pynkhih mynsiem ha ka jingialeh ban ioh ia ka jinglaitluid jong ka ri India kiba la ringdur ha ka phlim. Ki Juror bad Chairperson jong ka Indian Panorama ki la bynrap ruh ba ki kwah ban ai khublei ïa u director, u nongpynmih phlim, ki actor bad kiba trei ha ki kam teknikal jong ka ‘Kesari Chapter 2,’ bad ki la khot ïa ka kum ka phlim kaba biang bha.

Ka ‘Kesari Lynnong 2’ ka ïathuh ïa ka khana bashisha ba phylla jong u Sankaran Nair, u nongïasaid aiñ ba shlur na Kerala uba la shimti ïa ka hima phareng ban pynpaw pyrthei ïa ka jingshisha kaba don sha lyndet jong ka jingpynïap briew ha Jallianwala Bagh. Kum u dkhot jong ka Dorbar jong u Viceroy, u Nair u lap ia ki sakhi bym lah ban len jong ka jingsiat ba la hukum da u General Dyer ia ki paidbah ki bym don tiar. Ryngkat bad ka samla nongiasaid ain ka Dilreet Gill, u la sdang ia ka jingiakhun kaba shlur katkum ka ain pyrshah ia ka jingsynshar phareng, da kaba dawa ia ka hok na ka bynta ki spah ngut ki lanot.

Ka phlim kam shym la ringdur tang ïa ka jingshlur bym lah pynkhih jong u Nair hynrei ka pyni ruh kumno ki jingle jong u ki la ialam sha ka jingïakhun na ka bynta ka jinglaitluid jong ka India. Lyngba ka drama ba ktah ia ka mynsiem bad ki rukom ak kiba tbit bha, ka ‘Kesari Chapter 2’ ka wanrah ia ka bynta kaba duna ka jingtip jong ka histori jong ka India ryngkat bad ka jingkhlain jong ka kam shna phlim bad ki jingsngew kiba khlain bha.

Ka khusnam Best Debut Director of Indian Feature Film Award ka dei ka bynta jong ka jingpyrshang ba bteng jong ka IFFI ban pynpaw ïa ki sur ba thymmai kiba pynkylla dur thymmai ïa ka jinglong ka kam saindur jong ka ri. Mynta u snem, ka kynhun ki nongbishar ka la jied ïa ki phlim ba thymmai kiba la pyni ïa ka jingïathuhkhana kaba thymmai, ka jingiar ha ki thaiñ, bad ka jingïohi jngai kaba khlaiñ ha ka kam shna phlim.

La seng ban ithuh ia ka jingstad bad jingkular jong ki nongshna phlim ba nyngkong, kane ka khusnam ka ai burom ia ki director kiba ki kam ba nyngkong jong ki, ki pyni ia ka lad kaba kongsan bad ka jingtbit ha ka kam saindur. Man la u snem, haduh san tylli ki phlim ba nyngkong la jied katkum ki kyndon jong ka tamasa bad la pyni ia ki. Kane ka khusnam ka don ka khusnam pisa kaba T. 5 lak ryngkat bad ka syrnot.

Da kaba rakhe ïa ki nongshna phlim ba nyngkong kum u Karan Singh Tyagi, ka IFFI ka pynskhem biang ïa ka jingkular jong ka ban kyntiew ïa ka pateng ban wan jong ki nongiathuh khana: ki sur ki ban pynwan dur ïa ka lawei jong ka kam shna phlim ha India da ki jingmut kiba shlur, ki jingïohi ba thymmai, bad ki jingïathuhkhana kiba pynkylla dur.

Shaphang ka IFFI

La sdang ha u snem 1952, ka International Film Festival of India (IFFI) ka ieng skhem kum ka jingrakhe kaba la rim bad kaba heh tam ha South Asia ha ka kam ba iadei bad ki phlim. La pynlong lang da ka National Film Development Corporation (NFDC), ka Tnad Information and Broadcasting, Sorkar india bad ka Entertainment Society of Goa (ESG), ka Sorkar Jylla Goa,kane ka tamasa ka la nangroi sha ka jaka ba don bor ha ka pyrthei ha ka kam pynmih phlim—ha kaba ki phlim hyndai ba la pynthymmai ki ïakynduh ïa ki jingpyrshang ba shlur bad ki briew kiba la pynskhem ialade ha kane ka kam ki iakynduh ia kito kiba dang sdang ha kane ka kam. Kaba pynlong ïa ka IFFI ban tyngshaiñ shisha ka dei ka jingbun ki bynta—ki jingïakob ha kylleng ka pyrthei, ki jingpyni ïa ka kolshor, ki masterclass, ki jingai burom, bad ka WAVES Film Bazaar ba shitrhem bha, ha kaba ki jingmut, ki jingïateh bad ki jingïatreilang ki kiew shaphrang. Ha ka jingpynlong ha rud duriaw jong ka Goa naduh ka 20–28 tarik u Naiwieng, ka bynta kaba 56 kan don ki bynta jong ki ktien bapher bapher , ki jait phlim bapher bapher, ki jingsaindur thymmai, bad ki sur—ka jingrakhe ïa ka jingtbit ka India ha ka kam saindur jong ka pyrthei.

Ban ioh jingtip shuh shuh, shon ha ka:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56new/

PIB IFFIWood Broadcast Channel:  https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *