৫৬শুবা ইন্তরনেসনেল ফিল্ম ফেষ্টিবেল ওফ ইন্দিয়া (ইফি) গী ইন্দিয়ান পেনোরামা সেক্সন্দা নবেম্বর ২৭, ২০২৫ দা সিক্কিমগী ফিল্মমেকর  ত্রিবেনি রাইগী অহানবা ফিল্ম সেপ ওফ মোমোস উৎখ্রে। ফিল্ম উৎলবা মতুংদা, ইফি গ্রাউন্দদা পাংথোকপা প্রেস কনফরেন্স অমদা দিরেক্তর ত্রিবেনি রাই, প্রদুসর অমসুং কো-রাইতর কিসলে অমসুং মরুওইবা এক্তর গৌমায়া গুরুংনা মেদিয়াগা ৱারি শানখ্রে।

সত্যজিৎ রে ফিল্ম এন্দ তেলিবিজন ইন্সতিতুৎ (এস আর এফ তি আই), কোলকাতাগী মহৈরোয় অমা ওইরিবা, ত্রিবেনি রাই নোংপোক থংবা হিমালয়দা নাৎ অমসুং লম্মিৎ-তুমিৎকী মরোলশিংগী মনুংদা নুপীশিংনা থেংনরিবশিং উৎপদা মমিং চৎলিবনি। মহাক্কী অহানবা ফিল্ম সেপ ওফ মোমোস অসি সিক্কিমগী নাৎশিংদা য়ুম্ফম ওইবা ৱারি অমনি।

মহাক্কী অহানবা ফিল্ম পুথোকপা অসিগী মতাংদা, ত্রিবেনিনা হায়খি ফিল্ম নম্বা অসি অৱাবা অমসুং নুংঙাইবা অনিমক্নি। সিক্কিমগী ফিল্ম ইন্দষ্ট্রি অসি য়াম্না নৌরিবা অমা ওইনা, লমদম অসিদা ফিল্ম নম্বদা দরকার ওইবা পোৎলম কয়া ফংদবগী খুদোংচাদবা মায়োক্নরি- অফবা  কেমেরা ফাওবা কোলকাতা, কাতমন্দু নত্ত্রগা গুৱাহাতিগুম্বা সহরশিংদগী পুরকপা মথৌ তারি। খুদোংচাদবা কয়া অসি মায়োক্নরবসু, সেপ ওফ মোমোস অসি বুসান য়াওনা ইন্তরনেসনেল ফিল্ম ফেষ্টিবেল কয়াদা উৎলুরে অমসুং মসি অপেনবা অমনি হায়না মহাক্না ফোঙদোকখি।

ত্রিবেনি রাইনা হায়খি লুহোংবশিংদগী হৌরগী পোৎলোইবগী থৌরমশিং ফাওবদা, থৌরম কয়াদা পাম্নবা চানরিবা সিক্কিমগী চীঞ্জাক মোমোসগী অঙকপা চৎনবীদগী ফিল্মগী মমিং থোনখিবনি। ফিল্ম অসিদা ঐনা লৈরিবা রাজ্য অসিগী নুমিৎ খুদিংগী পুন্সি অমসুং মীয়ামগী পুক্নিংগী ইহুলশিং উৎলি।

নিংতম্বা খোঞ্জেল, মান্নবা মীৎয়েং

ফিল্ম স্কুল অমগী গ্রেজুয়েদ ওইরিবা, ফিল্ম অসিগী প্রদুসর অমসুং কো-রাইতর কিসলেনা হায়খি মহাক মশানা থেংনরকপা থৌদোকশিংদা য়ুম্ফম ওইদুনা ত্রিবেনিনা অহানবদা পুথোরকপা অশেংবা ৱারি অদু থাগৎনিঙাইনি। সিক্কিমগুম্বা লমদমদগী পুথোরকপা ফিল্মশিং মরাংকাইনা উৎতে নত্ত্রগা ভারতকী সেনিমাদা য়াম্না তাংনা শরুক য়াই। অসিগুম্বা ৱারিশিং খঙহনবা দরকার ওই। মখোয়গী ফিল্ম অসি ইফিদা খল্লকপা অসি থাগৎনিঙাইনি অমসুং মখোয়না মহৈরোয় অমা ওইনা ফিল্ম নম্বা হৌরকপা মতমদগী মঙ মঙদুনা লাকখ্রবনি।

নেপালি লোলগী সেনিমাদা নুপীগী মীৎয়েং অমা

নুপী অমগী মীৎয়েংদগী ৱারি লিবা ফিল্ম অমদা শরুক য়াবা ফংবদা মরুওইবা রোল লৌখিবী গৌময়া গুরুংনা হরাওবা ফোঙদোকখি- মহাক চহি ৫ ফিল্মদা শরুক য়ারক্লবসু, নেপালি ফিল্ম ইন্দষ্ট্রিদা মহাক্না তাংনা ফংবা রোলনি। প্রোতাগোনিষ্টগী নুঙগী তাইবংপাল উৎনবা ফিল্ম অসিদা পায়খৎলিবা থবকশিং মহাক্না থাগৎপা ফোঙদোকখি।

ফিল্ম উৎনবা হোৎনবদা থেংনিরবা খুদোংচাদবশিং অমসুং মীয়ামগা শম্নবা

লমদম অসিগী মরানাই পুথোকচবা ফিল্মশিং উৎপা অমসুং য়োনবদা থেংনরিবা খুদোংচাদবশিং কাংবু অসিনা পাউদমখি। নেপালি লোল ঙাংবা ভাবক মশিং য়াম্না লৈবা সিক্কিম, নোর্থ বেঙ্গল, মেঘালয় অমসুং অসামগী শরুক খর অমসুং দেহরাদুন্দা সেপ ওফ মোমোস উৎনবা থৌরাং তৌরে। মসিগী মথক্ত, ফিল্ম অসি ইতালিদা হোল অমদা উৎলগনি হায়নসু ত্রিবেনিনা ফোঙদোকখি।

মহাক্না হায়খি মদুদি ফিল্ম য়োনবা অমসুং উৎপদা থেংনরিবা খুদোংচাদবশিং কোকহন্নবা সিক্কিমদা ৱাখল মান্নবা মরানাই ফিল্ম পুথোকপা ফিল্মমেকরশিংগী অফবা নেতৱার্ক অমা শেমগৎপা দরকার ওইরে।

ময়োল চোঙখৎলক্লিবা সিক্কিমগী ফিল্ম কলচরগী মাইপাকপা অমা

সিক্কিমগী অহানবা নুপী ফিল্মমেকর অমনি হায়না খঙনরিবা ত্রিবেনি রাইনা, রাজ্য অসিদা ফিল্ম কলচর তপ্না লাকপগী মতাংদা ফোঙদোকখি। দরকার ওইবা পোৎলমশিং অমসুং শেন মরাং কাইনা লৈতদবগী, ফিল্ম পুথোকপা অসি শিংনবা অমা ওইরি। অদুবু, সিক্কিমগী ফিল্মগী নহা ওইরবা মহৈরোয়শিংগী মনুংদা থৱায় য়াওবা অমা মহাক্না উৎখি, মখোয় কয়াদা সেপ ওফ মোমোসনা উৎলিবা নুমিৎ খুদিংগী পুন্সি অসিনা ইথিল পীরে। 

হিন্দী সেনিমা নত্ত্রগা ৱেব সেরিজশিং ফাওবদা, অৱাং-নোংপোক অসি য়াম্না তোইনা ফজদনা উৎলি নত্ত্রগা দ্রগশিংগা মরী লৈনবা ৱারিশিংগী খুৎথাংদা উৎলি। ত্রিবেনি রাইনা হায়খি- ঐখোয় ইশাগী ৱারিশিংদা ঐখোয়না হিরোশিং ওইজবা, সিক্কিমী মীয়ামগী নুমিৎ খুদিংগী পুন্সিগী ৱারি অমা উৎপা ঐনা পাম্মী।

প্রেস কনফরেন্স লিঙ্ক:

ইফিগী মরমদা :

১৯৫২ দা হৌদোকখিবা ইন্তরনেসনেল ফিল্ম ফেষ্টিবেল ওফ ইন্দিয়া (ইফি) খা এসিয়াগী খ্বাইদগী লিরবা অমসুং খ্বাইদগী চাউবা সেনিমাগী থৌরমনি। নেসনেল ফিল্ম দিবলপমেন্ত কোর্পোরেসন (এন এফ দি সি), ভারত সরকারগী ইনফোর্মেসন অমসুং ব্রোদকাষ্টিং মিনিষ্ট্রি অমসুং গৱা সরকারগী ইন্তরতেনমেন্ত সোসাইতি ওফ গৱানা পুন্না শীন্নবা ফেষ্টিবেল অসিদা অমুক হন্না শেমজিল্লবা ক্লাসিকশিংগা অনৌবা চাংয়েংশিংগা উনফম অমসুং শক্নাইরবা গুরুশিংনা অকিবা লৈত্রবা অহানবা ওইনা ফিল্ম পুথোকপশিংগা উনফম অমনি। মালেমগী ফিল্মশিং চাংদম্নবা, নাৎকী থৌরমশিং উৎপা, মাষ্টরক্লাসশিং, ইকায়খুম্নবা উৎপা অমসুং অনৌবা ৱাখল্লোনশিং, য়ানবা পুরকপা অমসুং পুন্না থবক তৌমিন্নবগী থবক পায়খৎলিবা ৱেবস ফিল্ম বাজারনা তশেংনা ইন্তরনেসনেল ফিল্ম ফেষ্টিবেল ওফ ইন্দিয়া (ইফি) গী মশক তাক্লি। নবেম্বর ২০-নবেম্বর ২৮ ফাওবা গৱাগী ফজরবা সমুদ্র মপান্দা পাংথোক্লিবা ৫৬ শুবা ইদিসন অসিদা তোঙান তোঙানবা লোলশিং, ফিল্ম মখল কয়া, অনৌবা কয়া অমসুং খোঞ্জেল কয়ানা মালেমগী ফম্বাক্ত ভারতকী হৈথোই-শিংথোইবা হরাওবা ফোঙদোক্লি।

অহেনবা ই-পাউগীদমক, নম্বীয়ু:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Post Link: https://x.com/PIB_Panaji/status/1991438887512850647?s=20

X Handles: @IFFIGoa, @PIB_India, @PIB_Panaji

***