#IFFIWood, 27 नोव्‍हेंबर 2025

आंतरराष्ट्रीय चित्रपट महोत्सवाच्या 56व्या आवृत्ती खातीर, “द नॅरेटिव्ह आर्किटेक्ट ऑफ सोशल ट्रान्सफॉर्मेशन अँड इन्क्लूसिव्हिटी” ह्या नांवान जाल्ली निमाणी फायरसाइड चर्चा तेन्ना आनीक रंगतदार जाली जेन्ना नामनेचो अभिनेतो आनी फिल्म निर्मातो आमिर खान हांणी पुरायपणान खचाखच भरिल्ल्या आनी ताळयांच्या आवाजात गरजपी कला अकादेमीं सभाघरात प्रवेश केलो. 

सत्राचे सूत्रसंचालन करपी प्रशंसीत चित्रपट समीक्षक बरद्वाज रंगन हांणी दिग्गज अभिनेतो धर्मेंद्र हांका श्रद्धांजली दिवन सत्राची सुरवात केली. आमिर हाणें सांगले की, "हांव धर्मजींक पळोवन व्हड जालां.भारतीय सिनेमाचे ही-मॅन म्हणून ताची तोखणाय जाली तरी, रोमान्स, विनोदी आनी नाटक सयत सगळ्या प्रकारांनी ते  तितलेच शानदार आशिल्ले ; एक अशे अभिनेता जांची उल्लेखनीय व्याप्ती आनी उपस्थिती कमालीची आशिल्ली. ते एक सौम्य दिग्गज आनी उत्कृश्ट अभिनेता आशिल्ले. भाशेचेर आशिल्ले तांचे प्रभुत्व, जन्मजात स्वाभिमान आनी कलाकार म्हणून असामान्य श्रेणी हाका लागून ते स्वताच एक संस्था आशिल्ले . ताचें निधन हें एक खोलायेन वैयक्तीक आनी कलात्मक लुकसाण आसा अशे तांणी  मुखार म्हळें.”

आनी मागीर ल्हवू ल्हवू ‘द आमीर खान शो’ फुडल्या देड वरा मेरेन चल्लो; ताचो प्रवास सदांच ताच्या आजीवन कथांच्या मोगांत कसो रुजला हाचें चित्रण करून ताची सुररवात जाली. भुरगेपणांत ताच्या आजीन सांगिल्ल्यो कथा आनी रेडिओचेर हवा महलाची जादू-ताचे सृजनशील वृत्तीक आकार दिवपी हे भोव मोलाचे खीण ताका मोहित करताले हें ताणें मान्य केलें. "हांव सदांच कथां कडेन आकर्शीत जातालो.  त्यो म्हज्या भुरगेपणांतलो एक व्हडलो भाग आशिल्ल्यो आनी त्या मोगान एक अभिनेता म्हणून हांवें केल्ल्या दरेक निवडीक मार्गदर्शन केलां" अशें तांणी उगडास करून सांगलें.

सिनेमा विशीं आपली पद्दत केन्नाच गणीतीय नाशिल्ली हें परफेक्शनिस्टान आपल्या वेगळ्याच शैलींत दाखयलें; तो सदांच सहजतायेन आशिल्लो: "हांव स्वताक परतून सांगूंक शकना. एकदां हांवें एक खाशेलो चित्रपट केल्या उपरांत म्हाका फुडें वचपाची इत्सा आसा. हांव अश्यो काणयो सोदता ज्यो फ्रेश, यूनिक आनी क्रिएटिवली रोमांचक दिसतात”. 

ताणें आपल्या सिनेमाच्या वृत्तींतल्यान चलपी पद्दतीचेर आनीकय उजवाड घालो. ताणें परतून सांगलें की ह्या उद्देगांतले जायते जाण ट्रेंड अदमास करपाचो यत्न करतात-ऍक्शन, कॉमेडी वा बॉक्स ऑफिसाचेर जें कितें सादर करता ताचे मदीं बदल करपाचो यत्न करतात -आपणें केन्नाच तशें काम करूंक ना. “हांव शुध्दपणान काणये खातीर म्हज्या भावनीक उमेदीचेर आदारून चित्रपट वेंचतां, जरी ती पुरायपणान नेमा आड आसली तरी” अशें तांणी सांगलें. "म्हजे चडशे निर्णय उद्देगीक मानकां प्रमाण प्रैक्टिकल नात . आमी जेन्ना लगान चित्रपट केलो तेन्ना जावेद साब हांणी लेगीत आमकां तशे करू नाका असो सल्लो दिल्लो. सगळ्या तर्कशास्त्रा प्रमाण हांव स्टार जावंक फावनाशिल्लो-हांवें दरेक नेम मोडलो. पूण कशें तरी, तीं अपरंपरागत निवड लोकां कडेन जोडिल्लीं आसा आनी हांव मनासावन उपकारी आसां," अशें तांणी जोडलें.

म्ह्ज्यो चित्रपटांच्यो निवडी मनातल्या आवाजाचेर निर्धारित आसतात अशें आमिर खान हांणी नदरेक हाडलें. "फुडें खंयचो समाजीक विशय संबोधीत करचो हाचो विचार करून हांव केन्नाच चित्रपट वेंचना. हांव फकत म्हाका उत्तेजीत करपी पटकथा सोदतां. जर खंयचीय पटकथा समाजीक संदेश दिता  जाल्यार तो एक बोनस, सुरवात न्हय " अशे तांणी म्हळें.

आपल्या जायत्या सिनेमांतल्या समाजीक विशयांचेर उलयतानाआमिर हांणी फुडें म्हणलें, "हें हेतून केला अशे दिसूं येता, पूण तशें ते नासता . तीं कथा म्हजेकडेन नैचुरली आयलीं. घडये ते तशे मटेरियल आसतले जाचेकडेन हांव जोडिल्लो आसा, आनी घडये म्हाका अपवादात्मक पटकथा मेळपाचें भाग्य मेळ्ळां."

ताणें आपल्या नामनेच्या सिनेमा फाटल्यान आशिल्ल्या लेखकांक पुराय मनान श्रेय दिलें: “तारे जमीन पर, 3 इडियट्स, दंगल, वा लापता लेडीज आसूं, बुन्याद लेखकांनी घाली. तांणी संवसार आनी पात्रां तयार केलीं-हांव फकत म्हाका प्रेरित केल्ल्या  पटकथां कडेन आकर्शीत जालो .” फाटीं पळयतना ह्या बहुमुखी अभिनेत्यान मुखार सांगलें की , “म्हज्या जायत्या चित्रपटांनी समाजीक प्रस्नांचेर भर दिला, पूण तें डिझायनान न्हय तर नैसर्गिक रितीन घडलें.”

“हांव एक पुराय फिल्म पर्सनैलिटी न्हय, एक्टिविस्ट न्हय; म्हजो मुखेल उद्देश म्हज्या प्रेक्षकांचें मनोरंजन करप”, अशें तांणी  प्रामाणीकपणान निमाणें सांगलें.

एक महत्त्वाच्या विषयाचेर उलयताना आमिर खानान आपलीं येवपी येवजण्योय उक्तायल्यो आनी म्हणलें, "एकदां हांवें तयार केल्ल्या प्रकल्पांची सद्याची लिस्ट पुराय केल्या उपरांत-लाहोर 1947, हॅपी पटेल आनी हेर कांय-ह्या सगळ्यांचेर काम फुडल्या कांय म्हयन्यांत सोंपतलें.ते उपरांत हांव म्हजें लक्ष पुरायपणान परतून निर्मितींतल्यान अभिनयाचेर वळयतलो."

ताणें माचये वेल्यान एक व्हड संरचनात्मक बदल जाहीर केलो: "हांचे फुडें हांवें आयकल्ली खंयचीय पटकथा म्हजे खातीर फकत  एक अभिनेता म्हणून आसतली. हो एक म्हत्वाचो  बदल आसतलो, पूण परतून अभिनयाक पुरायपणान समर्पित करपाचो हो योग्य वेळ आसा अशेंय तांणी  म्हळें.”

भविश्यात कितें येतलें हाचेर आमिर हांणी सांगलें, “हांव आतां नवी पटकथा आयकता, जायत्या पटकथांनी म्हाका उत्साहित केला -खास करून दोन-तीन-पूण हांव अजूनय निवड करपाचे प्रक्रियेंत आसां.”

जेन्ना श्री रंगन हांणी ताका विचारलें, “प्रेक्षकां मदल्या खंयच्याय फिल्म निर्मात्याक तुमकां एक प्रकल्प पिच करपाचो आसल्यार तांणी कसो संपर्क करचो”, ताका आमिरान सरळ जाप दिली, “तांका  फकत म्हज्या मॅनेजराकडेन संपर्क सादचो पडटलो आनी कथनाखातीर वेळ मागू येता वा पटकथा धाडूं येता. केन्ना केन्ना म्हाका पटकथा वाचप चड आवडटा, आनी केन्ना केन्ना म्हाका ती आयकूंक आवडटा-म्हणून खंयचीय एकूय पद्दत काम करता.”

ह्या  ज्वलंत चर्चेचो शेवट आमिर खानाच्या दिग्दर्शन प्रवासाचेर केल्ल्या अदमासां सयत जालो , "दिग्दर्शन हो प्रत्यक्षांत म्हजो व्हडलो मोग. फिल्म निर्मिती हे म्हाका सगळ्यांत चड आवडटा. हांवें एक फावट दिग्दर्शन केल्लें, पूण तें एका आडमेळीखातीर आशिल्ले -म्हूण तें एक नियोजीत पावल अशे आमी म्हणू शकना. पूण ज्या दिसा हांव जाणीवपूर्वक दिग्दर्शन करपाचें थारायतलों, तेन्ना हांव घडये अभिनय बंद करतलों, कारण तें म्हाका पुरायपणान सोपयतले,  ताकाच लागून सध्या खातीर तो निर्णय फाटीं दवरला ” अशे तांणी स्पष्ट केले. 

चर्चा सत्राच्या निमाणे म्हायती आनी प्रसारण मंत्रालयाचे सचीव श्री संजय जाजू हांणी आमिर खान हांचो भोवमान केलो.

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Post Link: https://x.com/PIB_Panaji/status/1991438887512850647?s=20

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/उत्कर्षा भुस्कुटे/दर्शना राणे | IFFI 56