ഗോവയിൽ നടക്കുന്ന 56-ാമത് ഇന്ത്യൻ അന്താരാഷ്ട്ര ചലച്ചിത്ര മേള (IFFI) യിൽ, LTIMindtree യുമായി സഹകരിച്ച് WAVES ഫിലിം ബസാറും ഇന്റർനാഷണൽ ഫിലിം ഫെസ്റ്റിവൽ ഓഫ് ഇന്ത്യ (IFFI)യും ചേർന്ന് ആദ്യത്തെ AI ഫിലിം ഫെസ്റ്റിവലും സിനിമാ AI ഹാക്കത്തോണും തുടക്കം കുറിച്ചു. സർഗ്ഗാത്മക ആവിഷ്കാരത്തെ അത്യാധുനിക സാങ്കേതികവിദ്യയുമായി ലയിപ്പിച്ചുകൊണ്ട്, സിനിമയിലെ നിർമിത ബുദ്ധി ഉപയോഗത്തിൽ  ഇന്ത്യയുടെ പര്യവേക്ഷണത്തിലെ ഒരു സുപ്രധാന ചുവടുവയ്പ്പാണ് ഈ നൂതന  സംരംഭം.

നിർമിത ബുദ്ധി ഫിലിം ഫെസ്റ്റിവൽ

18 രാജ്യങ്ങളെ പ്രതിനിധീകരിച്ച് 68 സിനിമകൾ, 5 അന്താരാഷ്ട്ര എഐ ഫിലിം ഫെസ്റ്റിവലുകളിൽ നിന്നുള്ള അവാർഡ് നേടിയ ഫിലിം പാക്കേജുകൾ (അഡോബ് മാക്സ്, യുഎസ്എയിൽ നിന്നുള്ള എഐ ഫിലിം3 ഫെസ്റ്റിവൽ, ഇറ്റലിയിൽ നിന്നുള്ള ബുറാനോ എഐ ഫിലിം ഫെസ്റ്റിവൽ, യുകെയിൽ നിന്നുള്ള മെറ്റാമോർഫ് എഐ ഫിലിം അവാർഡുകൾ, ഓസ്‌ട്രേലിയയിൽ നിന്നുള്ള ഓമ്‌നി ഫിലിം ഫെസ്റ്റിവൽ) എന്നിവ ഉൾപ്പെടുന്ന വൈവിധ്യമാർന്നതും ശ്രദ്ധേയവുമായ ഒരു നീണ്ടനിര ഫെസ്റ്റിവലിൽ ലഭിച്ചു. AI- സഹായത്തോടെയുള്ള കഥപറച്ചിലിന്റെ ദ്രുതഗതിയിലുള്ള ഉയർച്ചയെയും അടുത്ത തലമുറ സിനിമാറ്റിക് ഉപകരണങ്ങൾ പരീക്ഷിക്കുന്ന സ്രഷ്ടാക്കളുടെ വളർന്നുവരുന്ന സമൂഹത്തെയും ഈ സമ്പന്നമായ പങ്കാളിത്തം അടിവരയിടുന്നു. ഈ സമർപ്പണങ്ങളിൽ നിന്ന്, മത്സര വിഭാഗത്തിനായി 27 സിനിമകളും മത്സരേതര പ്രദർശനത്തിനായി 4 സിനിമകളും തെരഞ്ഞെടുത്തു. സിനിമകളുടെ തെരഞ്ഞെടുപ്പിൽ ഓരോന്നിന്റേയും കലാപരമായ മികവ്, സാങ്കേതിക നവീകരണം, ആഖ്യാന ആഴം എന്നിവ കണക്കിലെടുക്കപ്പെട്ടു.

WAVES ഫിലിം ബസാറിന്റെ സമാപന ചടങ്ങിലാണ് AI ഫിലിം ഫെസ്റ്റിവൽ മത്സര വിജയികളെ പ്രഖ്യാപിച്ചത്.

AI-അധിഷ്ഠിത ചലച്ചിത്രനിർമ്മാണത്തിലെ മികവിനെ ആഘോഷിക്കുന്നതിനായി താഴെപ്പറയുന്ന ചലച്ചിത്ര പദ്ധതികൾക്ക് ദി ക്രാഫ്റ്റ് വിശിഷ്ട അവാർഡുകൾ നൽകി ആദരിച്ചു:

ഫ്രാൻസിൽ നിന്നുള്ള ഗില്ലൂം ഹർബോൾട്ട് സംവിധാനം ചെയ്ത ഇംഗ്ലീഷ് ഭാഷാ ചിത്രമായ NAGORI-ക്ക് ക്രാഫ്റ്റ് മാസ്റ്റർ അവാർഡ് - മികച്ച AI ഷോർട്ട് ഫിലിം (₹3,00,000) അവാർഡ് ലഭിച്ചു. കഥപറച്ചിൽ, നിർവ്വഹണം, വൈകാരിക അനുരണനം എന്നിവയിലെ മികവിന് അംഗീകാരം നേടിയ  ഏറ്റവും മികച്ച AI-നിർമ്മിത ഹ്രസ്വചിത്രമായി ഇത് വേറിട്ടുനിൽക്കുന്നു.

ക്രാഫ്റ്റ് വാൻഗാർഡ് അവാർഡ് - ഏറ്റവും നൂതനമായ AI ഉപയോഗം / പരീക്ഷണാത്മക ആഖ്യാനം (₹2,00,000) ജർമ്മനിയിൽ നിന്നുള്ള മാർക്ക് വാച്ച്ഹോൾസ് സംവിധാനം ചെയ്ത ഇംഗ്ലീഷ് ഭാഷാ ചിത്രമായ 'ദി സിനിമ ദാറ്റ് നെവർ വാസ്' ആണ് നേടിയത്. ധീരമായ പരീക്ഷണം, അസാധാരണമായ ആഖ്യാന ഘടനകൾ, AI സാങ്കേതികവിദ്യകളുടെ മുൻനിര ഉപയോഗം എന്നിവയ്ക്ക് ഈ ചിത്രം അർഹമായി.

ക്രാഫ്റ്റ് സ്പെക്ട്ര അവാർഡ് - മികച്ച AI ആനിമേഷൻ / വിഷ്വൽ ഡിസൈൻ (₹1,00,000) യുഎസ്എയിൽ നിന്നുള്ള മെറ്റാ പപ്പറ്റ് സംവിധാനം ചെയ്ത ഇംഗ്ലീഷ് ഭാഷാ ചിത്രമായ 'കൈറ'. അസാധാരണമായ ദൃശ്യ കലാരൂപം, ഡിസൈൻ നവീകരണം, AI ഉപകരണങ്ങളിലൂടെയും സാങ്കേതിക വിദ്യകളിലൂടെയും പ്രാപ്തമാക്കിയ സൗന്ദര്യാത്മക നേട്ടങ്ങൾ എന്നിവയ്ക്ക് ഇത് അംഗീകാരം നേടി.

ശ്രീരിതന്യ എം. സംവിധാനം ചെയ്ത ഇംഗ്ലീഷ് ഭാഷാ ചിത്രമായ 'ദി ലാസ്റ്റ് ബാക്കപ്പ് ഫൈനൽ പാർട്ട്', ശിവാൻഷു നിരുപം സംവിധാനം ചെയ്ത ഹിന്ദി ചിത്രമായ 'മിറക്കിൾ ഓൺ കച്ചുവ ബീച്ച്' എന്നിവയ്ക്ക് ജൂറി പ്രത്യേക പരാമർശം ലഭിച്ചു. ഈ ചിത്രങ്ങൾ AI ഫിലിം നിർമ്മാണത്തിൽ അസാധാരണമായ വാഗ്ദാനങ്ങൾ പ്രകടിപ്പിച്ചു.

 AI ഫിലിം പ്രദർശനങ്ങൾ

AI ഫിലിം ഫെസ്റ്റിവൽ പ്രദർശനങ്ങൾ രണ്ട് പ്രധാന വേദികളിലായി നടക്കും:

നവംബർ 26, ഉച്ചയ്ക്ക് 2:30 - മാക്വിനസ് പാലസ്, ഓഡി 1
നവംബർ 27, വൈകുന്നേരം 4:45 - ഐനോക്സ് പോർവോറിം, ഓഡി 4

കൂടുതൽ വിവരങ്ങൾക്ക്, ക്ലിക്ക് ചെയ്യുക:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

***

AT