ৱেবস ফিল্ম বাজার অমসুং ইন্তরনেসনেল ফিল্ম ফেষ্টিবেল ওফ ইন্দিয়া (ইফি) না এল.তি.আইমাইন্দত্রিগা খুৎশম্নদুনা,গৱাদা পাংথোক্লিবা ৫৬ শুবা ইফিদা অহানবা এ.আই ফিল্ম ফেষ্টিবেল অমসুং সেনিমা এ.আই হেক্কাথোন হৌদোকখ্রে। মসিগী মাঙজিল থাবা থবক অসি সেনিমাদা আর্তিফিসিএল ইন্তিলিজেন্স শীজিন্ননবা ভারতনা থিজিনবা হৌবা, অৱাংবা থাক্কী তেক্নোলোজিগা ফজনা ফোঙদোকপগা পুনশিনবগী মরুওইবা খোঙথাং অমনি।

আর্তিফিসিএল ইন্তিলিজেন্স ফিল্ম ফেষ্টিবেল

ফেষ্টিবেল অসিদা লৈবাক ১৮ গী মখল কয়াগী ফিল্ম ৬৮, ইন্তরনেসনেল আর্তিফিসিএল ইন্তিলিজেন্স ফিল্ম ফেষ্টিবেল ৫ (এদোব মেক্স, য়ু.এস.এগী এ.আই ফিল্ম ফেষ্টিবেল ৩, ইতালিগী বুরানো আর্তিফিসিএল ইন্তিলিজেন্স ফিল্ম ফেষ্টিবেল, য়ুকেগী মেতামোর্ফ আর্তিফিসিএল ইন্তিলিজেন্স ফিল্ম এৱার্দস, অষ্ট্রেলিয়াগী ওমনি ফিল্ম ফেষ্টিবেল) গী মনা ফংলবা ফিল্মশিং অমসুং মালেম শীনবা থুংবগী লনাই ফিল্ম পুথোকপা মীওই ১৪ শরুক য়াখি। মশিং য়াম্না শরুক য়াবা অসিনা এ.আইনা মতেং পাংদুনা ৱারি লিবগী য়াংনা হেনগৎলকপা অমসুং অনৌবা সেনিমাগী খুৎলায়শিং শীজিন্নদুনা চাংয়েং তৌবা মীওই মশিং হেনগৎলকপা অদু উৎলে। পীশিল্লকপা ফিল্মশিং অদুদগী, চাংদম্নবদা শরুক য়ানবা ফিল্ম  ২৭ ফেষ্টিবেল অসিনা খনগৎখি অমসুং চাংদম্নবা য়াওদনা উৎনবা, মখোয়গী মগুন, তেক্নিকেলগী অনৌবা অমসুং ৱারি লিবা হৈবা অদু নৈন্নবা ফিল্ম ৪ খনখি।

ৱেবস ফিল্ম বাজার লোইশিনবা থৌরমদা আর্তিফিসিএল ইন্তিলিজেন্স ফিল্ম ফেষ্টিবেলগী চাংদম্নবদা মাইপাক্লবা ফিল্মশিং লাউথোক্লে।

এ.আইনা ফিল্ম নম্বগী হৈথোই-শিংথোইবা ইকায়খুম্নবা উৎনবা মখাগী ফিল্ম প্রোজেকশিং অসিদা মখাগী মনাশিং অসি পীগনি:

1.        ক্রাফ মাষ্টর এৱার্দ- ফ্রান্সকী গুইল্লাউমে হুরবাউলনা দিরেক্সন পীবা ইংলিস ফিল্ম নাগোরিদা বেষ্ট এ.আই সোর্ত ফিল্ম এৱার্দ (লুপা ৩,০০,০০০) পীখ্রে। ৱারি লিবা, উৎপা অমসুং পুক্নিংগী ইথিল পীবদা হৈথোই-শিংথোইবদগী ফিল্ম অসি এ.আইনা পুথোকপা খ্বাইদগী ফবা অতেনবা ফিল্ম ওইখিবনি।

2.        ক্রাফ ভেনগার্দ এৱার্দ- জর্মনিগী মার্ক ৱাচহোলজনা দিরেক্সন পীবা ইংলিস ফিল্ম ‘সেনিমা দেৎ নেভর ৱাস’ না এ.আই/এক্সপেরিমেন্তেল নেরেতিপ ফজনা শীজিন্নবগী মনা (লুপা ২,০০,০০) ফংলে। মসিনা চাংয়েং কয়া পাংথোকপা, মহৌশাগা মান্নদবা ৱারি লিবগী মওংশিং অমসুং এ.আই তেক্নোলোজি শীজিন্নবদা মাঙজিল থাবগীদমক ফিল্ম অসি ইকায়খুম্নবা উৎপনি।

3.        ক্রাফ স্পেকত্রা এৱার্দ- য়ু.এস.এগী মেতা পপ্পেৎনা দিরেক্সন পীবা ইংলিস ফিল্ম ‘কৈরা’ দা বেষ্ট এ.আই এনিমেসন/ভিজুয়েল দিজাইন (লুপা ১,০০,০০০) মনা পীখ্রে। এ.আইগী অনৌবা তুলশিং অমসুং তেক্নিকশিং শীজিন্নদুনা ফজনা ফোঙদোকপগীদমক ফিল্ম অসি ইকায়খুম্নবা উৎপনি।

4.        শ্রীরিতন্যা এমগী ইংলিস ফিল্ম ‘লাষ্ট বেকঅপ ফাইনাল পার্ত’ অমসুং সিবান্সু নিরুপমগী হিন্দী ফিল্ম ‘ মিরাকল ওন কাচুয়া বিচ’ দা জুরি স্পিএসিএল মেসন পীখ্রে। হায়রিবা ফিল্মশিং অসিদা এ.আইনা ফিল্ম পুথোকপগী তোপ-তোপ্পা মশক তাকখি।

আর্তিফিসিএল ইন্তিলিজেন্স ফিল্ম উৎকদবশিং: 

মরুওইবা মফম অনিদা আর্তিফিসিএল ইন্তিলিজেন্স ফিল্ম ফেষ্টিবেলগী ফিল্মশিং উৎকনি:

•         নবেম্বর ২৬, নুংথিল পুং ২:৩০ - মেকুইনেজ পেলেস, ঔদি ১

•         নবেম্বর ২৭ নুংথিল পুং ৪:৩০ – আইনোক্স পোরভোরিম, ঔদি ৪

ইফিগী মরমদা :

১৯৫২ দা হৌদোকখিবা ইন্তরনেসনেল ফিল্ম ফেষ্টিবেল ওফ ইন্দিয়া (ইফি) খা এসিয়াগী খ্বাইদগী লিরবা অমসুং খ্বাইদগী চাউবা সেনিমাগী থৌরমনি। নেসনেল ফিল্ম দিবলপমেন্ত কোর্পোরেসন (এন এফ দি সি), ভারত সরকারগী ইনফোর্মেসন অমসুং ব্রোদকাষ্টিং মিনিষ্ট্রি অমসুং গৱা সরকারগী ইন্তরতেনমেন্ত সোসাইতি ওফ গৱানা পুন্না শীন্নবা ফেষ্টিবেল অসিদা অমুক হন্না শেমজিল্লবা ক্লাসিকশিংগা অনৌবা চাংয়েংশিংগা উনফম অমসুং শক্নাইরবা গুরুশিংনা অকিবা লৈত্রবা অহানবা ওইনা ফিল্ম পুথোকপশিংগা উনফম অমনি। মালেমগী ফিল্মশিং চাংদম্নবা, নাৎকী থৌরমশিং উৎপা, মাষ্টরক্লাসশিং, ইকায়খুম্নবা উৎপা অমসুং অনৌবা ৱাখল্লোনশিং, য়ানবা পুরকপা অমসুং পুন্না থবক তৌমিন্নবগী থবক পায়খৎলিবা ৱেবস ফিল্ম বাজারনা তশেংনা ইন্তরনেসনেল ফিল্ম ফেষ্টিবেল ওফ ইন্দিয়া (ইফি) গী মশক তাক্লি। নবেম্বর ২০-নবেম্বর ২৮ ফাওবগা গৱাগী ফরবা সমুদ্র মপান্দা পাংথোক্লিবা ৫৬ শুবা ইদিসন অসিদা তোঙান তোঙানবা লোলশিং, ফিল্ম মখল কয়া, অনৌবা কয়া অমসুং খোঞ্জেল কয়ানা মালেমগী ফম্বাক্ত ভারতকী হৈথোই-শিংথোইবা হরাওবা ফোঙদোক্লি।

অহেনবা ই-পাউগীদমক, নম্বীয়ু:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

***