Ka WAVES Film Bazaar bad ka International Film Festival of India (IFFI), ryngkat ka jingiatreilang bad ka LTIMindtree, ki la plie paidbah ia ka AI Film Festival bad Cinema AI Hackathon kaba nyngkong eh ha kane ka bynta kaba 56 jong ka International Film Festival of India (IFFI), ha Goa. Kane ka sienjam ba thymmai ka pyni ia ka sienjam kaba kongsan ha ka jingwad bniah jong ka India ia ka Artificial Intelligence ha ka kam phlim, kaba pyniasoh lang ia ka jingpynpaw ba thymmai bad ka teknoloji ba thymmai.

Artificial Intelligence Film Festival

Ka tamasa ka la ïoh 68 tylli ki phlim, kiba mihkhmat ïa 18 tylli ki ri, ki phlim ba jop khusnam ha ki 5 tylli ki AI film festival jong ka pyrthei, (Adobe Max, AI Film3 festival na USA, Burano AI Phlim Festival na Italy, Metamorph AI Phlim Awards na UK, Omni Phlim Festival na Australia) bad 14 ngut ki nongshna phlim na ka pyrthei. Kane ka jingïashim bynta shitrhem ka pyni ïa ka jingkiew stet jong ka jingïathuhkhana da ka jingïarap jong ka AI bad ka jingkiew jong ki nongsaindur kiba pyrshang ïa ki atiar shna phlim jong ka pateng ban wan. Na kine ki jingai jingmut, ka tamasa ka la jied 27 tylli ki phlim na ka bynta ka thup ïakop bad 4 tylli ki phlim na ka bynta ka jingpyni bym ïakop, ba la pynkhreh na ka bynta ka jingtbit jong ki ha ka kam saindur, ka jingsaindur thymmai ha ka kam teknikal bad ka jingsngewtynnad ka jingïathuhkhana.

Ia ki nongjop jong ka Competition Awards na ka bynta ka AI Film Festival la pynbna ha ka jingialang pynkut ia ka WAVES Film Bazaar.

Ka Craft ka la pynkup burom ïa kine ki projek phlim harum da kine ki khusnam ba kyrpang harum ban rakhe ïa ka jingtbit ha ka jingshna phlim ba la pynïaid da ka AI:

1. Ka Craft Master Award – Best AI Short Film (T.3,00,000) la sam ia ka khusnam sha ka phlim ha ka ktien phareng ka NAGORI ba la direct da u Guillaume Hurbault na France. Ka paw kum ka phlim lyngkot kaba pawnam tam kaba la pynmih da ka AI, kaba ioh ia ka jingithuh na ka bynta ka jingtbit ha ka jingiathuhkhana, ka jingpyntreikam, bad ka jingiahap ha kaba iadei bad ka jingsngew.
2. Ka Craft Vanguard Award – Most Innovative Use of AI / Experimental Narrative (T.2,00,000) la ai sha ka phlim ha ka ktien Phareng ‘The Cinema That Was’ ba la direct da u Mark Wachholz na Germany. La pynkup burom ia kane ka phlim namar ka jingpyrshang ba shlur jong ka, ki rukom iathuhkhana ba kham pher, bad ka jingpyndonkam ba nyngkong ia ki buit AI.
3. Ka Craft Spectra Award – Best AI Animation / Visual Design (T.1,00,000) la ai sha ka phlim ha ka ktien phareng ka ‘Kyra’ ba la direct da ka Meta Puppet’ na USA. La ithuh ia ka na ka bynta ka jingstad ba kyrpang jong ka, ka jingpynwandur thymmai, bad ki jingjop ha ka jingitynnad ba la kyrshan lyngba ki lad bad ki buit jong ka AI.
4. Ia ka Jury Special Mention la ai sha ka phlim ha ka ktien phareng ka ‘The Last Backup Final Part’ da ka Sreerithanya M. bad ka phlim Hindi ‘Miracle on Kachua Beach’ da u Shivanshu Nirupam. Kine ki phlim ki la pyni ia ka jingkular kaba kyrpang ha ka jingshna phlim AI.

Ki jingpyni phlim AI

Yn pynlong ia ki jingpyni phlim AI ha artylli ki jaka ba kongsan:

• 26 tarik Naiwieng, 2:30 Janmiet – Maquinez Palace, Audi 1
• 27 tarik naiwieng, 4:45 Janmiet – INOX Porvorim, Audi 4

Shaphang ka IFFI

La sdang ha u snem 1952, ka International Film Festival of India (IFFI) ka ieng skhem kum ka jingrakhe kaba la rim bad kaba heh tam ha South Asia ha ka kam ba iadei bad ki phlim. La pynlong lang da ka National Film Development Corporation (NFDC), ka Tnad Information and Broadcasting, Sorkar india bad ka Entertainment Society of Goa (ESG), ka Sorkar Jylla Goa,kane ka tamasa ka la nangroi sha ka jaka ba don bor ha ka pyrthei ha ka kam pynmih phlim—ha kaba ki phlim hyndai ba la pynthymmai ki ïakynduh ïa ki jingpyrshang ba shlur bad ki briew kiba la pynskhem ialade ha kane ka kam ki iakynduh ia kito kiba dang sdang ha kane ka kam. Kaba pynlong ïa ka IFFI ban tyngshaiñ shisha ka dei ka jingbun ki bynta—ki jingïakob ha kylleng ka pyrthei, ki jingpyni ïa ka kolshor, ki masterclass, ki jingai burom, bad ka WAVES Film Bazaar ba shitrhem bha, ha kaba ki jingmut, ki jingïateh bad ki jingïatreilang ki kiew shaphrang. Ha ka jingpynlong ha rud duriaw jong ka Goa naduh ka 20–28 tarik u Naiwieng, ka bynta kaba 56 kan don ki bynta jong ki ktien bapher bapher , ki jait phlim bapher bapher, ki jingsaindur thymmai, bad ki sur—ka jingrakhe ïa ka jingtbit ka India ha ka kam saindur jong ka pyrthei.

Ban ioh jingtip shuh shuh, shon ha ka:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56new/

PIB IFFIWood Broadcast Channel:  https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *