ಗೋವಾದಲ್ಲಿ ನಡೆಯುತ್ತಿರುವ 56ನೇ ಆವೃತ್ತಿಯ ಭಾರತೀಯ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ, ವೇವ್ಸ್‌ ಫಿಲ್ಮ್ ಬಜಾರ್ ಮತ್ತು ಅಂತಾರಾಷ್ಟ್ರೀಯ ಭಾರತೀಯ ಚಲನಚಿತ್ರೋತ್ಸವ (ಐ ಎಫ್‌ ಎಫ್‌ ಐ), ಎಲ್ ಟಿ ಐ ಮೈಂಡ್‌ ಟ್ರೀ ಸಹಯೋಗದೊಂದಿಗೆ, ಮೊದಲ ಎಐ  ಚಲನಚಿತ್ರೋತ್ಸವ ಮತ್ತು ಸಿನಿಮಾ ಎಐ ಹ್ಯಾಕಥಾನ್ ಅನ್ನು ಆರಂಭಿಸಿದೆ. ಈ ಮಹತ್ವದ ಉಪಕ್ರಮವು ಭಾರತದ ಸಿನಿಮಾದಲ್ಲಿ ಕೃತಕ ಬುದ್ಧಿಮತ್ತೆಯ ಅನ್ವೇಷಣೆಯಲ್ಲಿ ಮಹತ್ವದ ಹೆಜ್ಜೆಯನ್ನು ಗುರುತಿಸುತ್ತದೆ ಮತ್ತು ಸೃಜನಶೀಲ ಅಭಿವ್ಯಕ್ತಿಯನ್ನು ಅತ್ಯಾಧುನಿಕ ತಂತ್ರಜ್ಞಾನದೊಂದಿಗೆ ವಿಲೀನಗೊಳಿಸುತ್ತದೆ.

ಕೃತಕ ಬುದ್ಧಿಮತ್ತೆ ಚಲನಚಿತ್ರೋತ್ಸವ

ಈ ಚಿತ್ರೋತ್ಸವವು 18 ದೇಶಗಳನ್ನು ಪ್ರತಿನಿಧಿಸುವ 68 ಚಲನಚಿತ್ರಗಳ ವೈವಿಧ್ಯಮಯ ಮತ್ತು ಪ್ರಭಾವಶಾಲಿ ಶ್ರೇಣಿಯನ್ನು ಒಳಗೊಂಡಿದೆ. 5 ಅಂತಾರಾಷ್ಟ್ರೀಯ ಎಐ ಚಲನಚಿತ್ರೋತ್ಸವಗಳಿಂದ ಪ್ರಶಸ್ತಿ ವಿಜೇತ ಚಲನಚಿತ್ರ ಪ್ಯಾಕೇಜ್‌ಗಳು (ಅಡೋಬ್ ಮ್ಯಾಕ್ಸ್, ಯುಎಸ್ ಎನಿಂದ ಎಐ ಫಿಲ್ಮ್3 ಉತ್ಸವ, ಇಟಲಿಯಿಂದ ಬುರಾನೊ ಎಐ ಚಲನಚಿತ್ರೋತ್ಸವ, ಯುಕೆ ಯಿಂದ ಮೆಟಾಮಾರ್ಫ್ ಎಐ ಚಲನಚಿತ್ರ ಪ್ರಶಸ್ತಿಗಳು, ಆಸ್ಟ್ರೇಲಿಯಾದಿಂದ ಓಮ್ನಿ ಚಲನಚಿತ್ರೋತ್ಸವ) ಮತ್ತು ಪ್ರಪಂಚದಾದ್ಯಂತದ 14 ವೈಯಕ್ತಿಕ ಚಲನಚಿತ್ರ ನಿರ್ಮಾಪಕರನ್ನು ಪ್ರತಿನಿಧಿಸಿದೆ. ಈ ಶ್ರೀಮಂತ ಭಾಗವಹಿಸುವಿಕೆಯು ಎಐ-ನೆರವಿನ ಕಥೆ ಹೇಳುವಿಕೆಯ ತ್ವರಿತ ಏರಿಕೆ ಮತ್ತು ಮುಂದಿನ ಪೀಳಿಗೆಯ ಸಿನಿಮೀಯ ಸಾಧನಗಳನ್ನು ಪ್ರಯೋಗಿಸುವ ಸೃಷ್ಟಿಕರ್ತರ ಬೆಳೆಯುತ್ತಿರುವ ಸಮುದಾಯವನ್ನು ಒತ್ತಿಹೇಳುತ್ತದೆ. ಈ ಪ್ರವೇಶಗಳಲ್ಲಿ ಉತ್ಸವವು ಸ್ಪರ್ಧಾ ವಿಭಾಗಕ್ಕೆ 27 ಚಲನಚಿತ್ರಗಳನ್ನು ಮತ್ತು ಸ್ಪರ್ಧೆ ಹೊರತುಪಡಿಸಿದ ಪ್ರದರ್ಶನಕ್ಕಾಗಿ 4 ಚಲನಚಿತ್ರಗಳನ್ನು ಆಯ್ಕೆ ಮಾಡಿತು, ಅವುಗಳನ್ನು ಅವುಗಳ ಕಲಾತ್ಮಕ ಅರ್ಹತೆ, ತಾಂತ್ರಿಕ ನಾವೀನ್ಯತೆ ಮತ್ತು ನಿರೂಪಣೆಯ ಕಾರಣಕ್ಕಾಗಿ ಆಯ್ಕೆ ಮಾಡಲಾಗಿದೆ.  

ವೇವ್ಸ್ ಫಿಲ್ಮ್ ಬಜಾರ್‌ನ ಸಮಾರೋಪ ಸಮಾರಂಭದಲ್ಲಿ ಎಐ ಚಲನಚಿತ್ರೋತ್ಸವಕ್ಕಾಗಿ ಸ್ಪರ್ಧಾ ಪ್ರಶಸ್ತಿಗಳ ವಿಜೇತರನ್ನು ಘೋಷಿಸಲಾಯಿತು.

ಕೃತಕ ಬುದ್ಧಿಮತ್ತೆ ಆಧರಿತ ಚಲನಚಿತ್ರ ನಿರ್ಮಾಣದಲ್ಲಿನ ಶ್ರೇಷ್ಠತೆಯನ್ನು ಆಚರಿಸಲು ಕ್ರಾಫ್ಟ್ ಈ ಕೆಳಗಿನ ಚಲನಚಿತ್ರ ಯೋಜನೆಗಳನ್ನು ಈ ಕೆಳಗಿನ ವಿಶಿಷ್ಟ ಪ್ರಶಸ್ತಿಗಳೊಂದಿಗೆ ಗೌರವಿಸಿತು:

1. ಕ್ರಾಫ್ಟ್ ಮಾಸ್ಟರ್ ಪ್ರಶಸ್ತಿ - ಅತ್ಯುತ್ತಮ ಎಐ ಕಿರುಚಿತ್ರ (3,00,000 ರೂ.) ಪ್ರಶಸ್ತಿಯನ್ನು ಫ್ರಾನ್ಸ್‌ನ ಗುಯಿಲೌಮ್ ಹರ್ಬಾಲ್ಟ್ ನಿರ್ದೇಶಿಸಿದ ಇಂಗ್ಲಿಷ್ ಭಾಷಾ ಚಿತ್ರ NAGORI ಗೆ ನೀಡಲಾಯಿತು. ಇದು ಅತ್ಯಂತ ಅತ್ಯುತ್ತಮ ಎಯ ಆಧರಿತ ಕಿರುಚಿತ್ರವಾಗಿ ಹೊರಹೊಮ್ಮಿದೆ, ಕಥೆ ಹೇಳುವಿಕೆ, ನಿರೂಪಣಾ ವಿಧಾನ ಮತ್ತು ಭಾವನಾತ್ಮಕ ಅನುರಣನದಲ್ಲಿನ ಶ್ರೇಷ್ಠತೆಗಾಗಿ ಮನ್ನಣೆಯನ್ನು ಗಳಿಸಿದೆ.
2. ಕ್ರಾಫ್ಟ್ ವ್ಯಾನ್‌ಗಾರ್ಡ್ ಪ್ರಶಸ್ತಿ - ಎಐ / ಪ್ರಾಯೋಗಿಕ ನಿರೂಪಣೆಯ ಅತ್ಯಂತ ನವೀನ ಬಳಕೆ (2,00,000ರೂ.) ಅನ್ನು ಜರ್ಮನಿಯ ಮಾರ್ಕ್ ವಾಚೋಲ್ಜ್ ನಿರ್ದೇಶಿಸಿದ ಇಂಗ್ಲಿಷ್ ಭಾಷಾ ಚಿತ್ರ 'ದಿ ಸಿನಿಮಾ ದಟ್ ನೆವರ್ ವಾಸ್' ಗೆ ನೀಡಲಾಯಿತು. ಈ ಚಿತ್ರವನ್ನು ಅದರ ದಿಟ್ಟ ಪ್ರಯೋಗ, ಅಸಾಂಪ್ರದಾಯಿಕ ನಿರೂಪಣಾ ಶೈಲಿ ಮತ್ತು ಎಐ ತಂತ್ರಜ್ಞಾನಗಳ ಬಳಕೆಗಾಗಿ ಗೌರವಿಸಲಾಯಿತು.
3. ಕ್ರಾಫ್ಟ್ ಸ್ಪೆಕ್ಟ್ರಾ ಪ್ರಶಸ್ತಿ - ಅತ್ಯುತ್ತಮ AI ಅನಿಮೇಷನ್ / ದೃಶ್ಯ ವಿನ್ಯಾಸ (1,00,000 ರೂ.) USA ದ ಮೆಟಾ ಪಪೆಟ್ ನಿರ್ದೇಶನದ ಇಂಗ್ಲಿಷ್ ಭಾಷಾ ಚಲನಚಿತ್ರ 'ಕೈರಾ' ಗೆ ನೀಡಲಾಯಿತು. ಇದು ಅಸಾಧಾರಣ ದೃಶ್ಯ ಕಲಾತ್ಮಕತೆ, ವಿನ್ಯಾಸ ನಾವೀನ್ಯತೆ ಮತ್ತು ಕೃತಕ ಬುದ್ಧಿಮತ್ತೆ ಸಾಧನಗಳು ಮತ್ತು ತಂತ್ರಗಳ ಮೂಲಕ ಸಕ್ರಿಯಗೊಳಿಸಲಾದ ಸೌಂದರ್ಯದ ಸಾಧನೆಗಳಿಗಾಗಿ ಗುರುತಿಸಲ್ಪಟ್ಟಿದೆ.
4. ಶ್ರೀರಿಥನ್ಯ ಎಂ. ಅವರ ಇಂಗ್ಲಿಷ್ ಭಾಷಾ ಚಲನಚಿತ್ರ 'ದಿ ಲಾಸ್ಟ್ ಬ್ಯಾಕಪ್ ಫೈನಲ್ ಪಾರ್ಟ್' ಮತ್ತು ಶಿವಾಂಶು ನಿರುಪಮ್ ಅವರ ಹಿಂದಿ ಚಲನಚಿತ್ರ 'ಮಿರಾಕಲ್ ಆನ್ ಕಚುವಾ ಬೀಚ್' ಗೆ ತೀರ್ಪುಗಾರರ ವಿಶೇಷ ಪ್ರಶಸ್ತಿಯನ್ನು ನೀಡಲಾಯಿತು. ಈ ಚಲನಚಿತ್ರಗಳು ಎಐ ಚಲನಚಿತ್ರ ನಿರ್ಮಾಣದಲ್ಲಿ ಅಸಾಧಾರಣ ಭರವಸೆಯನ್ನು ಪ್ರದರ್ಶಿಸಿವೆ

ಎಐ ಚಲನಚಿತ್ರಗಳ ಪ್ರದರ್ಶನ

ಎಐ ಚಲನಚಿತ್ರಗಳನ್ನು ಎರಡು ಪ್ರಮುಖ ಸ್ಥಳಗಳಲ್ಲಿ ಪ್ರದರ್ಶಿಸಲಾಗುವುದು.

• 26ನೇ ನವೆಂಬರ್  ಮಧ್ಯಾಹ್ನ 2:30  – ಮಾಕ್ವಿನೇಜ್ ಪ್ಯಾಲೇಸ್ ಒಂದನೇ ಆಡಿಟೋರಿಯಂ
• 27ನೇ ನವೆಂಬರ್  ಸಂಜೆ 4:45  – ಐನಾಕ್ಸ್ ಪೊರ್ವೊರಿಮ್ , 4ನೇ ಆಡಿಟೋರಿಯಂ

ಐ ಎಫ್ ಎಫ್ ಐ ಕುರಿತು

1952ರಲ್ಲಿ ಆರಂಭವಾದ ಭಾರತೀಯ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ (ಐ ಎಫ್ ಎಫ್ ಐ) ದಕ್ಷಿಣ ಏಷ್ಯಾದ ಅತ್ಯಂತ ಹಳೆಯ ಮತ್ತು ಅತಿದೊಡ್ಡ ಸಿನಿಮಾ ಉತ್ಸವವಾಗಿ ಮುಂಚೂಣಿಯಲ್ಲಿ ನಿಂತಿದೆ. ಭಾರತ ಸರ್ಕಾರದ ವಾರ್ತಾ ಮತ್ತು ಪ್ರಸಾರ ಸಚಿವಾಲಯಡಿ ಬರುವ ರಾಷ್ಟ್ರೀಯ ಚಲನಚಿತ್ರ ಅಭಿವೃದ್ಧಿ ನಿಗಮ (ಎನ್ ಎಫ್ ಡಿ ಸಿ) ಮತ್ತು ಗೋವಾ ರಾಜ್ಯ ಸರ್ಕಾರ, ಗೋವಾ ಮನರಂಜನಾ ಸೊಸೈಟಿ (ಇ ಎಸ್ ಜಿ) ಜಂಟಿಯಾಗಿ ಆಯೋಜಿಸಿರುವ ಈ ಉತ್ಸವವು ಜಾಗತಿಕ ಸಿನಿಮಾದ ಶಕ್ತಿ ಕೇಂದ್ರವಾಗಿ ಬೆಳೆದಿದೆ - ಅಲ್ಲಿ ಪುನಃಸ್ಥಾಪಿಸಲಾದ ಕ್ಲಾಸಿಕ್‌ಗಳು ದಿಟ್ಟ ಪ್ರಯೋಗಗಳನ್ನು ಒಳಗೊಂಡಿವೆ ಮತ್ತು ಕಲಾವಿದ ದಿಗ್ಗಜರು ಭಯವಿಲ್ಲದ ಮೊದಲ ಬಾರಿಗೆ ಬರುವವರೊಂದಿಗೆ ಜಾಗವನ್ನು ಹಂಚಿಕೊಳ್ಳುತ್ತಾರೆ. ಐಎಫ್ ಎಫ್ ಐ ನಿಜವಾಗಿಯೂ ಮಿಂಚುವಂತೆ ಮಾಡುವುದು ಅದರಲ್ಲಿನ ಅಂತಾರಾಷ್ಟ್ರೀಯ ಸ್ಪರ್ಧೆಗಳು, ಸಾಂಸ್ಕೃತಿಕ ಪ್ರದರ್ಶನಗಳು, ಮಾಸ್ಟರ್‌ಕ್ಲಾಸ್‌ಗಳು, ಗೌರವಗಳು ಮೊದಲಾದ ಅದ್ಭುತ ಸಮ್ಮಿಶ್ರಣಗಳು ಮತ್ತು ಅಧಿಕ ಶಕ್ತಿಯ ವೇವ್ಸ್ ಫಿಲ್ಮ್ ಬಜಾರ್, ಅಲ್ಲಿ ಕಲ್ಪನೆಗಳು, ಒಪ್ಪಂದಗಳು ಮತ್ತು ಸಹಯೋಗಗಳು ಹೊಸ ಎತ್ತರಕ್ಕೆ ಏರುತ್ತವೆ. ನವೆಂಬರ್ 20ರಿಂದ 28ರವರೆಗೆ ಗೋವಾದ ಬೆರಗುಗೊಳಿಸುವ ಕರಾವಳಿ ಹಿನ್ನೆಲೆಇರುವ ವೇದಿಕೆಯಲ್ಲಿ ಪ್ರದರ್ಶಿಸಲಾಗುತ್ತಿರುವ 56ನೇ ಆವೃತ್ತಿಯ ಚಲನಚಿತ್ರೋತ್ಸವದಲ್ಲಿ ನಾನಾ ಭಾಷೆಗಳ, ಪ್ರಕಾರಗಳ, ನಾವೀನ್ಯತೆಗಳ ಮತ್ತು ಧ್ವನಿಗಳ ಬೆರಗುಗೊಳಿಸುವ ವರ್ಣಪಟಲಕ್ಕೆ ಭರವಸೆ ನೀಡುವ ಚಿತ್ರಗಳು ಪ್ರದರ್ಶನಗೊಳ್ಳುತ್ತಿವೆ- ಇದು ಜಾಗತಿಕ ವೇದಿಕೆಯಲ್ಲಿ ಭಾರತದ ಸೃಜನಶೀಲ ಪ್ರತಿಭೆಯ ಸಂಭ್ರಮದ ಆಚರಣೆಯಾಗಿದೆ.

ಹೆಚ್ಚಿನ ಮಾಹಿತಿಗಾಗಿ, ಕ್ಲಿಕ್ ಮಾಡಿ:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

*****