#IFFIWood, 25 नोव्‍हेंबर 2025

WAVES फिल्म बाजार आनी भारतीय आंतरराष्ट्रीय चित्रपट महोत्सव (IFFI) हाणी LTIMindtree हांच्या जोड पालवान, गोयात आयोजित 56व्या IFFI वेळार भारतातल्या पयल्या AI फिल्म फेस्टिव्हल आणि सिनेमा AI हॅकथॉनचो शुभारंभ केला. सृजनशील अभिव्यक्ती आनी अत्याधुनीक तंत्रगिन्यानाचो मेळ घालून हो उपक्रम भारतीय सिनेमांतल्या कृत्रिम बुद्धिमत्तेच्या नव्या प्रवासांत म्हत्वाचो ट्प्पो थारता.

कृत्रिम बुद्धिमत्ता फिल्म फेस्टिव्हल

ह्या महोत्सवांत 18 देशांचें प्रतिनिधित्व करपी 68 चित्रपटांची  प्रभावी आणि वैविध्यपूर्ण नोंदणी मेळी. 5 आंतरराष्ट्रीय एआय चित्रपट महोत्सवांतले  पुरस्कार विजेते चित्रपट पॅकेजेस (अमेरिकेतले एआय फिल्म३ महोत्सव,अ‍ॅडोब मॅक्स, इटलीतले बुरानो एआय फिल्म फेस्टिव्हल, यूकेतले मेटामॉर्फ एआय फिल्म अवॉर्ड्स, ऑस्ट्रेलियातले ओम्नी फिल्म फेस्टिव्हल) आनी जगभरातल्या 14 वैयक्तिक चित्रपट निर्माते वांटेकार जाले. हो गिरेस्त सहभाग एआय-आदारीत कथाकथनाचो नेटान वाड आनी फुडले पिळगेच्या सिनेमा साधनांचो प्रयोग करपी निर्मात्यांचो वाडत आशिल्लो समाज हाचेर भर दिता. ह्या चित्रपटांपैकी, महोत्सवान सर्तीच्या वर्गा खातीर 27 चित्रपट आनी बिगर स्पर्धा शोकेसा खातीर 4 चित्रपट वेंचून काडले, जे तांच्या कलात्मक गुणवत्ते खातीर, तंत्रीक नवनिर्माणा खातीर आनी कथात्मक खोलाय खातीर क्युरेट केल्ले.

AI फिल्म फेस्टिव्हलच्या स्पर्धा विभागातल्या जैतिवंताची घोशणा WAVES फिल्म बाजारच्या समारोप सुवाळ्यांत केली. 

AI-आधारित चित्रपटनिर्मितीतल्या उत्कृष्टतेचो गौरव करपाखातीर ह्या चित्रपट प्रकल्पांक विशिश्ट पुरस्कार भेटयले:

1. क्राफ्ट मास्टर पुरस्कार – उत्कृश्ट एआय लघुपट (₹3,00,000) पुरस्कार फ्रांसांतल्या Guillaume Hurbault हाणें दिग्दर्शीत केल्ल्या इंग्लीश भाशेंतल्या नागोरी ह्या चित्रपटाक फावो जालो. कथाकथन, कार्यान्वयन आनी भावनिक अनुनाद हांच्या उत्कृश्टताये खातीर मान्यताय मेळोवन दिवपी सगळ्यांत उत्कृश्ट एआय-निर्मित लघुपट म्हणून तो खासा थरता. 
2. द क्राफ्ट व्हॅनगार्ड पुरस्कार – 'मोस्ट इनोव्हेटिव्ह युज ऑफ एआय / एक्सपेरिमेंटल नॅरेटिव्ह' (₹2,००,०००) पुरस्कार जर्मनींतल्या Mark Wachholz हाणें दिग्दर्शीत केल्ल्या इंग्लीश भाशेच्या ‘द सिनेमा दॅट नेव्हर वाज’ ह्या सिनेमाक फावो जालो. ह्या सिनेमाचो धाडसी प्रयोगशीलता, अपारंपरिक कथनशैली आनी  AI तंत्रज्ञानाच्या नाविन्यपूर्ण वापराखातीर भोवमान जालो.
3. क्राफ्ट स्पेक्ट्रा पुरस्कार – बेस्ट एआय एनिमेशन / व्हिज्युअल डिझायन (₹1,00,000) अमेरिकेंतल्या मेटा पपेट’ हांणी दिग्दर्शीत केल्ल्या इंग्लीश भाशेच्या ‘कायरा’ फिल्माक भेटयलो. ह्या चित्रपटाची अप्रतिम दृश्यकला, डिझाइनातले नावीन्य आनी AI-आधारित कलात्मक सादरीकरखातीर खासा दखल घेतली.
4. श्रीरिथन्य एम.च्या इंग्लीश भाशेंतल्या ‘द लास्ट बॅकअप फायनल पार्ट’ आनी शिवंशु निरुपम हाच्या ‘मिराकल ऑन कचुआ बीच’ हिंदी फिल्माक जूरी स्पेशल मेन्शन मेळ्ळो. ह्या चित्रपटांनी एआय चित्रपट निर्मितीत अपवादात्मक आशा दाखयल्या. 

एआय फिल्म स्क्रिनिंग्ज

एआय फिल्म फेस्टिवलाचे प्रदर्शन दोन मुखेल सुवातींनी जातले:

• 26 नोव्हेंबर, 2:30 PM – मॅक्विनेझ पॅलेस, ऑडी 1
• 27 नोव्हेंबर, 4:45 PM – आयनोक्स परवरे, ऑडी 4

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/मोनाली प्रभू/दर्शना राणे | IFFI 56