#IFFIWood, 26 नोव्‍हेंबर 2025

इफ्फीत ‘‘कॉस्ट्यूम और कैरेक्टर आर्क": द ट्रेंडसेटर ऑफ सिनेमा' ह्या नांवान चलपी मुलाखती सत्रांत वेशभूषा फकत पात्रांक सजयना जाल्यार ती कथांक आकार दितात, दिशा दितात आनी केन्ना केन्नाय पात्रांक परतून बरयतात हाचेर मास्टरक्लासांत उलोवप जाले. नामनेच्यो वेशभूषा डिझायनर एका लखानी केंद्रस्थानार आशिल्ल्यो आनी फिल्म निर्मातो जयप्रद देसाय हे संवादाचे नेतृत्व करताले जांतूतल्यान प्रेक्षकांक त्या जगात व्हरून सोडले जंय फॅब्रिक आनी फिल्म निर्मिती हांचो मेळ घडटा. 

सत्र सुरू करतना जयप्रद हांणी  एक सादें सत्य सांगून माहौल तयार केलो : “एक पात्र उलोवचे पयलीं तांची  वेशभूशा पयलींच खूब कितें उलोवन वता .” आनी ताका लागून एका'क तिच्या 15 वर्सांच्या कारकिर्दीत वाकपाची संद मेळ्ळी, जी कारकीर्द हाय-फॅशन रनवेच्या सपनां पासून सुरू जाल्ली  पूण निमाणें सिनेमाच्या गोंधळात, रंगांत आनी सृजनशील पिशेंपणांत पावली.

मणि रत्नम हांचो जादू

एका'न मणि रत्नमाच्या ‘रावन’ ह्या सिनेमाच्या सेटांचेर सुरवातीच्या दिसांची याद करून सब्यसाची मुखर्जी हांचे कडेन इंटर्नशिप केल्ली तो उगडास काडलो . “फॅशन म्हणल्यार सोबीत कपडे तयार करप अशें म्हाका दिसतालें, पूण सोबीतकाय भावनांसयत  येवंक जाय अशें रावनान म्हाका शिकयलें.” सब्याच्या मार्गदर्शनाखाला तिका फ्रेमांत रंग कशे उस्वास घेतात, आनी वेशभूशेची रचना ही विभाग न्हय तर एक भास आसा हें तिका कळ्ळें. ‘रावन’ ह्या सिनेमांतल्या तिच्या वावराक लागून सिनेमाटोग्राफर संतोष सिवान प्रभावित जालो आनी ताणें तिका फकत 23 वर्सां पिरायेचेर ‘उरुमी’ फिल्माची ऑफर  दिली .खरो प्रवास थंयच्यान सुरू जालो अशें तिणें सांगलें.

प्रेक्षकांक खूब मनोरंजन करपी एका'ची सृजनात्मक प्रक्रिया दिग्दर्शका कडेन दीर्घ संवादांतल्यान सुरू जाली.  मणि रत्नम सारकिल्या फिल्म निर्मात्यां वांगडा कोलेबोरेशन आनीकय आदीं सुरू जाता, केन्ना केन्ना मध्य लेखनांतल्यान लेगीत सुरू जाता अशें तिणें सांगले.

"मणि सर म्हाका पटकथा पांवड्यार हाडटा, जेन्ना म्हाका समजता की पात्र कशें वेशभूषा करता तेन्ना ताका पात्र कशें वागता तें चड समजता," अशें सांगून वेशभूषा डिझायन कथात्मक निवडीक कसो आकार दिवंक शकता हाचेर तांणी रेखांकन केले. 

सिनेमा म्हणल्यार टीमवर्क अशें तिणें भर दिलो. “हांव सगळ्यांत सोबीत पोशाख तयार करपाचो यत्न करीना, योग्य पोशाख तयार करपाचो यत्न करतां, जो अभिनेत्याक सोपेपणान पात्रांत प्रवेश करपाक  मजत करता .” तिच्या पद्दतींत रेफरेंस-सोदप , व्हिज्युअल जर्नलिंग, तपशीलवार नोंदी तयार करप आनी तिच्या पंगडा वांगडा खोलायेन सहकार्य करप हांचो आस्पाव जाता.

पोन्नियिन सेल्वन: फॅब्रिकांत बरयल्लो इतिहास

पोन्नीयिन सेल्वन हाचे खातीर मणिरत्नम हांणी  एका हांका डिझायन रेखांकन करचे पयलीं तंजावूर हांगा धाडली. एका'न देवळाच्या कांश्यां, शिल्पां आनी आकृतीबंधांतल्यान चोल युगाची भव्यताय आत्मसात करून निमाणें चित्रपटाच्या दृश्य विश्वाक आकार दिल्ल्यान ही भेट एक टर्निंग पॉइंट थारली .

उपरांत तिणें पात्रांचे लूक वेगळे करून, सत्राचें रुपांतर मिनी फिल्म शाळेंत केलें: नंदिनी, तिणें स्पश्ट केलें, फसवणूक आनी सत्तेच्या भाशेंतल्यान तयार केल्ली, तिच्या वेशभूशेंतल्यान तिच्या चुंबकीय आकर्षणाचे आनी नियंत्रणाची भूक प्रतिबिंबीत जाता. दुसरे वटेन कुंदवई “सत्तेंत जल्मल्ली” आनी तिचो लूक तो  जन्मजात अधिकार प्रतिबिंबित करता : संयमी आनी शांत . आदित्य करिकालनाचें पॅलेट ताच्या भितरल्या अशांततायेक लागून प्रेरित जाल्ले . ताचो राग, वेदना आनी भावनीक अशांतताय तांबड्या आनी काळ्या रंगांत रुपांतरीत जाली. हाचे उरफाटें अरुलमोझी वर्मन हो लोकांचो शांत, प्रिय फुडारी म्हणून कल्पना केल्ली, ताका लागून एका'न ताका ताची स्पश्टताय, करुणा आनी शांत कुलीनताय दाखोवपी निश्चल हस्तिदंत आनी मोव भांगर घालपाक प्रवृत्त केलो.

दोन तारा, दोन संवसार आनी संजूचो पुनर्जल्म

एकूच पात्र 'तारा'खातीर  ‘ओके कनमणी’ आनी ‘ओके जानू’ ह्या सिनेमांत दोन पुरायपणान वेगवेगळे वॉर्डरोब कशे गरजेचे आशिल्ले ते तांणी समजायले . "तमिळ भाशेंत तारा रिलेटेबल आसची पडटाली. हिंदींत तिका आकांक्षी आसची पडटाली," अशें सांगून प्रेक्षकांची संवेदनशीलताय वेशभूशेच्या निवडीचेर कसो परिणाम करता हे तिणें सांगलें. निमाण्या खिणाक  श्रद्धा कपूराच्या फामाद  ‘हम्मा हम्मा’ शॉर्ट्सांत कुशन कव्हरांक बदलापाची एक हास्यपूर्ण काणी लेगीत तिणें सांगली.

‘संजू’ ह्या सिनेमाचेर काम करतना एका'न चड संशोधन पद्दत आपणायली, संदर्भांक लागीं लागीं परिपूर्ण अचूकतेन जुळोवन घेतलो. मेकअप आनी केंस पंगड, प्रोडक्शन डिझायनर, आनी डायरेक्टर ऑफ फोटोग्राफर्स (DoPs) हांका ह्या पात्राचो लूक एकठांय करपाक तिका मदत केल्ल्याचें श्रेय दिलें. “डीओपी हो कॉस्ट्यूमरचो सगळ्यांत बरो इश्ट” अशें तिणें सांगलें. “पडद्याचेर एखादो रंग विश्वासघात करतलो काय कितें हे तें तुमका सांगतात."

एका'न ‘रॉकी और रानी की प्रेम कहानी’ ह्या उदाहरणान सत्राचो  शेवट केलो , जंय रॉकीचो विकसीत जावपी वॉर्डरोब ताच्या व्यक्तिमत्वाच्या विकासाक अधोरेखीत करता. रॉकीच्या लुकाविशी  तिणें प्रेक्षकांक म्हायती दिली , वेशभूषा एका पात्राची व्याख्या कशी करता हाची जाणविकाय  प्रेक्षकांक करून दिली . सत्र सोंपता म्हणसर वेशभूषा सजावटीच्या अलंकारापरस खूब चड, पात्रांक जीव दिवपी कथात्मक साधन आसा  हें स्पश्ट तांणी स्पष्ट केले . एका  लखानीच्या जगांत दर एका सिलाईचो उद्देश आसता आनी दर एका रंगाक अर्थ आसता.

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/उत्कर्षा भुस्कुटे/दर्शना राणे | IFFI 56