Pyndon burom kyrpang ka IFFI 2025 ia u Aktor Ba Tbit bha U Dharmendra
U long u aktor ba tbit bad u briew uba kyrpang: Rahul Rawail
Ka Indian Cinema ka la pynpaw ka jingsngewsih halor ka jingkhlad noh u Dharmendra, uwei na ki riew pawkhmat ba khraw bad ba baroh ki ieid, uba la khlad noh ha ka 24 tarik Nailur, 2025. Ka International Film Festival of India (IFFI) kaba 56 ka la iasnohkti lang bad ka ri ha ka jingpynpaw ka jingsngewsih bad ka la pyndon burom ia une u actor ba pawnam mynta ka sngi.
U nongshna phlim ba pawnam u Rahul Rawail u la ai ïa ka jingkren kaba ktah ia ka mynsiem, da kaba kren shaphang ki jingkynmaw kyrpang jong u bad uwei na ki khlur ak phlim ba tbit. U la sdang da kaba kyntu ia baroh ban rakhe ia ka jingim ba phylla jong u Dharmendra, da kaba kdew sha ka jingsngewsih kaba khraw kaba ka iing ka sem jong u ka dang mad. “U la long u aktor ba pawnam bad u briew uba kyrpang”, la ong u Rawail.
Haba pynkynmaw ïa ki sngi jong u kum u Assistant Director ha ka phlim Mera Naam Joker jong u Raj Kapoor, u Rawail u la ïasam kumno u Dharmendra (bam kwai ha dwar u Blei) u la pyni ïa ka dur jong u nongleh trapeze u Mahendra Kumar da ka jingaiti lut kaba ym lah ban ïanujor. U la iathuh kumno u aktor u ju shim ia ka liengsuin kaba janmiet sha Delhi man ka sngi haduh shi bnai, un ring phlim haduh ka por 5 baje mynstep, bad nangta u leit phai biang sha Mumbai ban bteng ban ring ia ka phlim Aadmi Aur Insaan—ka por kaba jynjar kaba u la pyndep khlem pep.
U Rahul Rawail, u la pynkynmaw ruh ia ka jingring ia ka phlim Betaab (1983), kaba dei ka phlim ba nyngkong jong u khun jong u Dharmendra (bam kwai ha dwar u Blei), u Sunny Deol. Katba dang ring phlim ha Kashmir, ki briew ki ju ialum paidbah tang ban iohi ia u Dharmendra. Hadien ba la pyllait ïa kane ka phlim, u la peit ïa ka phlim nyngkong jong u khun jong u ha Gaiety Cinema ha Bandra West man la ka janmiet haduh katto katne sngi bad un leit sha ïing jong u Director Rahul Rawail hadien ban ïakren halor kane ka phlim da kajuh ka jingsngewtynnad kum u briew uba peit ïa ka ha ka sien kaba nyngkong man la ka sngi. U Rawail u la ong ruh da ka jingsngew sarong ba ki khun jong u aktor ba pawnam ki dang ïai bteng ban rah shakhmat ïa ka ‘kam kaba khraw’ jong u.
“Dei ban rakhe ia ka jingim jong u Dharam ji namar u la wanrah shibun ka jingsngewbha ia ki briew”, u la ong da ka jingsngewsih. U la iathuh biang ia ka khana shaphang uwei u heh pulit na Delhi uba la angnud ban iakynduh ia u Dharmendra bad ban ktah ia ki kjat jong u. Mar ia tip ba une u u actor u la khlad noh, utei u ophisar u la sngewsih, u la phone ia u Rawail bad pynpaw ia ka jingkwah jong u ban iakynduh ia u Sunny Deol ban pynpaw ia ka jingsngewlem jong u. “Kane ka dei ka bor jong u Dharam ji”, la ban jur u Rawail.
U Rawail u la khot ruh ia u Dharmendra (bam kwai ha dwar u Blei) kum u kpa uba la ri bad kyrshan ia u ha baroh shilynter ka jingim jong u. U la iaroh ruh ia u kum u nongpynmih phlim uba phylla.
Ha ka jingkren pynkut jong u, u la ong, “Ngi la duh noh ïa u briew uba khraw. Ngi la long kiba donbok ban im ha ki por ba ki khlur kum u Dharmendra ji ki dang trei.” U la pynpaw ka jingsngewnguh ïa ki nongpynïaid jong ka IFFI kiba la pynbeit ïa ka jingai burom kaba kyrpang ban pyndonburom ïa une u khlur uba baroh kin kynmaw shirta.
U briew uba khraw, u barikor ba baroh ki ieid, bad u briew uba don ka jingsngewrit kaba ym lah ban ïanujor— Ka pateng jong u Dharmendra uba la khlad noh kan sah junom ha ka jinglong jingman jong ka kam shna phlim ha India.
Ban ioh jingtip shuh shuh, shon ha ka:
IFFI Website: https://www.iffigoa.org/
PIB’s IFFI Microsite: https://www.pib.gov.in/iffi/56new/
PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F
X Handles: @IFFIGoa, @PIB_India, @PIB_Panaji
* * *
Release ID:
2194352
| Visitor Counter:
4
Read this release in:
English
,
Konkani
,
Gujarati
,
Manipuri
,
Urdu
,
हिन्दी
,
Marathi
,
Assamese
,
Odia
,
Tamil
,
Telugu
,
Kannada
,
Malayalam