IFFI 2025 त नामनेचे अभिनेते श्री धर्मेंद्र हांका भावपूर्ण आर्गां
तो एक आयकॉनिक अभिनेतो आनी असामान्य मनीस आशिल्लो
#IFFIWood, 25 नोव्हेंबर 2025
भारतीय चित्रपटसृष्टी तांच्या एक व्हड आनी सगळ्यांत प्रिय अश्या आयकॉनपैकी एक, श्री धर्मेंद्र हाच्या मरणाचेर शोकाकुल जाल्या. सोमारा, 24 सप्टेंबर 25 ह्या दिसा तो संवसाराक अंतरलो. पुराय देशा वांगडाच 56व्या भारतीय आंतरराष्ट्रीय चित्रपट महोत्सवान आयज ताच्या निधनाचेर खोलायेन दुख्ख उक्तायलें आनी ह्या फामाद अभिनेत्याक भावपूर्ण श्रद्धांजली अर्पण केली.
नामनेचो चित्रपट निर्मातो राहुल रवैल हाणें रुपेरी पडद्याच्या सगळ्यांत तेजस्वी तार्यांपैकी एक आशिल्ल्या धर्मेंद्र बरोबरच्यो आपल्या यादींक उजाळो दित भावनिक यादी मांडल्यो. तो एक आयकॉनिक अभिनेता आनी अद्भूत मनीस आशिल्लो अशें, तांणी म्हळें.
राज कपूराच्या ‘मेरा नाम जोकर’ फिल्मांत सहाय्यक दिग्दर्शक म्हणून काम केलल्या दिसांचो उगडास करत, सर्गेस्त धर्मेंद्रान ट्रॅपेझ कलाकार महेंद्र कुमाराची भुमिका कशी अतुलनीय समर्पणान साकारली त्या विशीं रावैल उलयले. धर्मेंद्र म्हयनोभर दर दिसा सांजवेळार विमानातल्यान दिल्लीक वतालो, सकाळीं 5 मेरेन शूटिंग करतालो आनी मागीर 'आदमी और इंसाना'चें चित्रीकरण चालू दवरपाक परत मुंबय वतालो, हें कास्तीकेचे वेळापत्रक ताणें सदांच पाळे अशे, रावैल हाणें सांगले.
तशेंच सर्गेस्त श्री धर्मेंद्राचो पूत सनी देओल हाचो पदार्पण फिल्म बेताब (1983) ह्या चित्रपटाच्या शुटींगच्या दिसांचोय उगडास राहुल रवैलन केलो. काश्मीरांत चित्रीकरण करतना धर्मेंद्र हांची एक झलक पळोवपाक व्हड गर्दी जमताली. फिल्म प्रदर्शीत जाले उपरांत तो बांद्रा पश्चिम स्थित गेयटी सिनेमांत कितलेशेच दीस सांजवेळार आपल्या पुताचो पयलो चित्रपट पळयतालो, आनी मागीर दिग्दर्शक राहुल रवैलाच्या घरा वचून त्याच उत्साहान फिल्माचेर चर्चा करतालो,जणू काय तो हो चित्रपट पयलेच खेप पळयता. तशेंच नामनेचो अभिनेतो धर्मेंद्राचीं भुरगीं ताचो "वैभवशाली दायज" मुखार व्हरतात हाचो अभिमान रवैलान उक्तायलो.
धर्मेंद्र हांकां मेळपाची आनी ताच्या पांयांक स्पर्श करपाची आतुरतेने वाट पळोवपी दिल्लीच्या एका पुलीस अधिकाऱ्याची काणी ताणें सांगली. धर्मेंद्र संवसाराक अंतरले हें कळटकच त्या अधिकाऱ्याक खूब दुख्ख जालें. रवैलाक फोन करून सनी देओलाक मेळून संवेदना व्यक्त करपाची इत्सा उक्तायली.“ही धरम जीची शक्ती” अशें रवैलान भर दिवन सांगले.
रवैल हाणी स्वर्गेस्त धर्मेंद्र हांचे वर्णन पितातुल्य अशें केले जांणी ताका ताची कारकीर्द फुडें व्हरपाक आदार केलो आनी दर एका पावलाक समर्थन केले. तशेंच ताणें ताचे वर्णन एक अद्भुत निर्मातो अशें केले.
आपल्या समारोपाच्या उलोवपांत तांणी म्हणलें, "आमी एक व्हड मनीस गमायला." ह्या सदां सदाबहार ताऱ्याच्या सन्मानार्थ एक खाशेलो श्रद्धांजली सुवाळो घडोवन हाडिल्ल्या खातीर तांणी इफ्फी आयोजकांचे उपकार मानले.
IFFI विशीं
1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.
For more information, click on:
IFFI Website: https://www.iffigoa.org/
PIB’s IFFI Microsite: https://www.pib.gov.in/iffi/56/
PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F
X Handles: @IFFIGoa, @PIB_India, @PIB_Panaji
* * *
PIB IFFI CAST AND CREW | सुभाष जाण/मोनाली प्रभू/दर्शना राणे | IFFI 56
Release ID:
2194244
| Visitor Counter:
9
Read this release in:
English
,
Gujarati
,
Manipuri
,
Khasi
,
Urdu
,
हिन्दी
,
Marathi
,
Assamese
,
Odia
,
Tamil
,
Telugu
,
Kannada
,
Malayalam