IFFI ২০২৫না শক্নাইরবা এক্তর শ্রী ধর্মেন্দ্রবু ইকায় খুম্নবা উৎখ্রে
মহাক শক্নাইরবা এক্তর অমসুং অখন্নবা মীওই অমা ওইখি: রাহুল রৱৈল
সেপ্তেম্বর ২৪, ২০২৫ গী নোংমাইজিং নুমিত্তা নোঙ্গাখ্রবা ভারতকী পুম্নমক্কী শক্নাইরবা অমসুং পুম্নমক্না নুংশিজরিবা মীওইশিংগী মরক্তা অমা ওইরিবা শ্রী ধর্মেন্দ্রনা লৈখিদবদা ভারতকী সিনেমানা মহাক্কী মফমদা অৱাবা ফোঙদোক্লি। ৫৬শুবা ইন্তর্নেস্নেল ফিল্ম ফেস্তিবেল ওফ ইন্দিয়া (IFFI) না লৈবাক মীয়াম্বু অৱাবা ফোংদোকপদা শরুক য়াখি অমসুং ঙসি শক্নাইরবা এক্তর অসিবু অৱাংবা থাক্তা ইকায় খুম্নবা উৎখি।
শক্নাইরবা ফিল্মমেকর রাহুল রৱৈলনা সিলভর স্ক্রীনগী খ্বাইদগী থোইদোক হেন্দোকপা থৱানমিচাকশিংগী মরক্তা অমা ওইরিবা মহাক্কী নুংশিরবা মীকুপশিংগী মতাংদা ৱারী কয়া তম্লদুনা পুক্নিং ৱাফম থমখি। মহাক্না লৈখিদ্রবা শ্রী ধর্মেন্দ্রগী অখন্নবা পুন্সিবু নীংশিংদুনা পুক্নিংদা থম্বীনবা পুক্নিং চিংশিন্দুনা হৌদোকখি। মহাক্না মহাক্কী ইমুং-মনুংগী অৱাবদা শরুক য়াখি। "মহাক মশক নাইরবা এক্তর অমসুং অখন্নবা মীওই অমনি।"
রাজ কাপুরগী মেরা নাম জোকরগী এসিস্তেন্ত দাইরেক্তর ওইনা মহাক্না থবক তৌরম্বা মতমশিং নীংশিংলদুনা রৱৈলনা হায়খি মদুদি লৈখিদ্রবা শ্রী ধর্মেন্দ্রনা মতৌ করম্না ত্রেপেজি আর্তিস্ত মহেন্দ্র কুমারগী শক্তম লাংখিবগে হায়বদু মহাক্না পনখি। মহাক্না এক্তর অদুনা থা অমা চুপ্না নুমিৎ খুদিংগী দিল্লীদা নোংমাইজিংগী ফ্লাইত তোংদুনা মতৌ করম্না অয়ুক্কী পুং ৫ ফাওবা শুৎতিং চত্থবগে অমসুং মতুংদা মুম্বাইদা হল্লকপদা আদ্মী ঔর ইন্সান ফিল্ম নম্বগী থবক মখা চত্থবগে হায়বদু শন্দোক্না তাকখি।
রাহুল রৱৈলনা বেতাব (১৯৮৩) গী শুতিংগী মতাংদসু নীংশিংখি, মসিদা লৈখিদ্রবা শ্রী ধর্মেন্দ্রগী মচানুপা, সনি দিওলনা অহানবা ওইনা শরুক য়াখি। কাশ্মীরদা ফিল্ম নম্লিঙৈ মতমদা, ইকায় খুম্নরবা শ্রী ধর্মেন্দ্রবু য়েংনবা মশিং য়াম্লবা মীওই কয়া লাক্নরম্মি। ফিল্ম অদু রিলিজ তৌরবা মতুংদা, মহাক্না মহাক্কী মচানুপাগী অহানবা ফিল্ম অদু বন্দ্রা ৱেস্তকী গাইতি সিনেমাদা নুমিৎ খুদিংগী নুমিৎ খরনি চুপ্না য়েংখি অমসুং ফিল্ম অদুগী মতাংদা নুংতি নুমিৎ খুদিংগী পুক্নিং লাংতক্নবগা লোয়ননা ফিল্ম অদুগী মতাংদা নৈননবা দাইরেক্তর রাহুল রৱৈলগী য়ুমদা চৎখি। রাৱৈলনা হায়খি মদুদি শক্নাইরবা এক্তর অসিগী মচাশিংনা মহাক্কী "অচৌবা লিগেসী" অসি মখা তানা চৎথখিগনি।
"ধরমজীগী পুন্সি অসি নীংশিংদুনা লৈহৌরগনি, মরমদি মহাক্না মীয়ামদা নুংঙাইবা কয়া অমা পীখি।" হায়না মহাক্না পুক্নিং চিংশিন্দুনা হায়খি। মহাক্না দিল্লীগী পুলিস ওফিসর অমনা লৈখিদ্রবা শ্রী ধর্মেন্দ্রগা উননবা অমসুং মহাক্কী খোঙ শোক্ননবা হোৎনখিবা অদুগী ৱারী লীখি। আইকোন অসি লৈখিদবদগী ওফিসর অদুনা অৱাবা ফোংদোকখি, রৱৈলদা ফোন তৌখি অমসুং সনি দিওলগা উন্নদুনা মহাক্কী অৱাবা ফোংদোক্নবা হায়খি। "মসি ধরমজীগী শক্তিনি।" হায়না রৱৈলনা ফোংদোকখি।
রৱৈলনা লৈখিদ্রবা শ্রী ধর্মেন্দ্রবু মহাক্কী কেরিয়রগী মতম চুপ্পদা মহাকপু নুংশিজবা অমসুং মতেং পাংখিবা মপাগী মওং অমনি হায়নসু ফোঙদোকখি। মহাক্না মহাকপু অফবা প্রদ্যুসর অমা ওইনা থাগৎপা ফোংদোকখি।
মহাক্কী অরোইবা ৱারোলদা মহাক্না হায়খি, "ঐখোয়না অচৌবা মীওই অমা মাংজখ্রে। ধর্মেন্দ্রজীগুম্বা আইকোনশিংনা থবক তৌরিঙৈ মতম অদুদা ঐখোয়না হিংবা ফংজবা অসি ঐখোয়গী লাইবক ফবনি। মহাক্না মতম চুপ্পগী ওইনা অরংবা থৱানমিচাক অসিবু ইকায় খুম্নবা উৎনবা অখন্নবা থৌরম অমা পাংথোকপগীদমক IFFIগী ওর্গানাইজরশিংদা থাগৎপা ফোংদোকখি।
শক্নাইরবা মীওই, নুংশিজরবা আর্তিস্ত অমসুং লম্বা লৈতনা ইং তপচবা মীশক অমা ওইরিবা লৈখিদ্রবা শ্রী ধর্মেন্দ্রগী ৱারী অসি ভারতকী সিনেমাগী থম্মোয়দা মতম পুম্নমক্তা লৈহৌরগনি।
অহেনবা ঈপাউগীদমক মফম অসিদা নম্বীয়ুঃ
IFFI ৱেবসাইত: https://www.iffigoa.org/
PIB গী IFFI মাইক্রোসাইত: https://www.pib.gov.in/iffi/56/
PIB IFFIWood ব্রোদকাস্ত চেন্নেল: https://whatsapp.com/channel/0029VaEiBaML2AU6gnzWOm3F
X হেন্দলশিং: @IFFIGoa, @PIB_India, @PIB_Panaji
***
Release ID:
2194249
| Visitor Counter:
12
Read this release in:
English
,
Konkani
,
Gujarati
,
Khasi
,
Urdu
,
हिन्दी
,
Marathi
,
Assamese
,
Odia
,
Tamil
,
Telugu
,
Kannada
,
Malayalam