निर्मातो बॉबी बेदीन ह्या सिनेमाच्या सार्वत्रिक गाभ्याचेर भर दिलो: “मनीस पयलीं येता, लिंग उपरांत.” पोरुंच्या इफ्फीत हो प्रकल्प कसो जल्मलो तें तांणी सांगलें, जंय भारताच्या विकसीत जावपी समाजीक परिदृश्याचें प्रतिबिंब दिसता, जंय कायदेशीर मान्यताय अस्तित्वांत आसा पूण समाजीक स्वीकृती अजूनूय ना.

दिग्दर्शक कैजाद गुस्ताद हाणें ह्या सिनेमाचें वर्णन करताना सांगले की ती एक जागतीक, प्रामाणीक मोगाची कथा-जी फकत दोन ट्रांसजेंडर नायकां मदीं घडटा. वर्सां वर्सां संशोधन आनी समलैंगिक समुदायांकडेन आशिल्ल्या संलग्नतायेन पटकथेक आकार दिलो, तातूंत प्रामाणीकता, बारीकसाण आनी भावनीक सत्याचेर भर आशिल्लो.

पीसी2: 'इन पर्सुइट ऑफ स्प्रिंग' + 'फ्लड'

फ्लड

प्रोड्यूसर कैटरीना क्रनाकोवा हांणी सांगले की फ्लड चित्रपटाची काणी स्लोव्हाक गांवांत उदकाचो सांठो बांदल्या उपरांत थंयच्यान लोकांक स्थलांतरीत करपाची काणी आसा. माजोवा वाठारांत शूट केल्ल्या ह्या चित्रपटांत सुमार 80% रुथेनियन अल्पसंख्यांक कलाकार आपल्या मूळ भाशेंत सादरीकरण करतात- ही संद पडद्याचेर क्वचितच दिसता.
ह्या सिनेमाचो दुसरो संवसारीक प्रीमियर इफ्फीत गोंयांत जालो. काणयेक प्रेरणा दिवपी वास्तव जिणेंतल्या प्रकल्पाक लागून प्रभावित जाल्ल्या समाजां खातीर एक खाशेले प्रदर्शन घडोवन हाडपाची आस्त ह्या पंगडाक आसा.

इन पर्सुइट ऑफ स्प्रिंग

दिग्दर्शक अयुब शाखोबिद्दीनोव आनी मुखेल अभिनेत्री फ़रीना जुमाविया हांणी उझबेक चित्रपटाचे प्रतिनिधित्व केलें, जांतूत राहत शुकुरोवा बऱ्याच काळासावन पुरून दवरिल्ल्या गुपीतांक आनी भावनीक जखमांक तोंड दिता हाचे चित्रण आसा. सोव्हिएत युगाच्या निमाण्या काळाचेर आदारीत ह्या चित्रपटाचे उपचार, समेट आनी आत्म-शोध हे विशय आयज लेगीत प्रासंगीक आसात.
जागतीक सिनेमा आनी संस्कृताय एकठांय हाडपी म्हत्वाचो आंतरराष्ट्रीय मंच म्हूण इफ्फीची तोखणाय दिग्दर्शकान केली.

पीसी3: रुधिरवन

इफ्फी 2025त रुधिरवनाची तिसरी पत्रकार परिशद

रिसॉर्ट बांदकाम प्रकल्प आनी देशी दादासी जमाती हांचे मदल्या हिंसक संघर्शा मदीं रानांत आडखून पडिल्ल्या वेंचणूक अधिकाऱ्यांच्या पंगडाचेर रुधिरवन चित्रपट आसा. कुसपी ट्रीहाउसात आलाशिरो सोदतना तांकां रोखडोच भायल्या संघर्शा परस खूब व्हडल्या सुपरनैचुरल संकष्टा विशीं कळटा.

हो चित्रपट जंगलतोडी विशीं मनशाच्या चिंतेक एका भयानक काणी सयत एकठांय हाडटा जंय सैम पुर्विल्ल्या राक्षसा वरवीं जाप दिता.

पीसी4: माँ, उमा, पद्मा (घटक) - पुस्तक विमोचन

ह्या खाशेल्या पुस्तक विमोचनांत नामनेचे फिल्म निर्माते ऋत्विक घटक हांचो भोवमान केलो. भारतीय सिनेमाचेर तांचो टिकपी प्रभाव आनी तांच्या पुराय कारकिर्दींत तांणी जे संघर्श सोंसले हाचेर वक्त्यांनी उलोवप केलें.

लेखक कामरान हाणें घटकाच्या प्रशिक्षणाविशींच्या चुकीच्या समजुतींक पयस केले आनी सांगले की ताचें शिकप खर आनी सुरवेच्या लेखन, ताच्या काळांतल्या व्हडल्या लोकांच्या सहकार्यांत आनी आइज़ेंस्टीन आनी स्टैनिस्लावस्की ह्या जागतीक सिनेमा मास्टरांकडेन खोलायेन संबंदीत आशिल्ल्याचें नोंद केलें. घटक हांच्या एफटीआयआयंतल्या अध्यापनाच्या कारकिर्दीन फिल्म विचार आनी शिक्षणशास्त्रांतल्या तांच्या योगदानाचेर आनीक रेखांकन केलें.

पीसी5: हमसफर + पिप्लांत्री: एक टेल ऑफ इको-फेमिनिज्म + बॅटलफील्ड

हमसफर

हमसफर एका आजोबाचो भावनीक प्रवास दाखयता, जाचो मोलादीक पोरनो रेडिओ-ताचो आजीवन “साथी”-बेपत्ता जाता. ह्या चित्रपटांत भारतीय संस्कृतीक मुल्यांचेर भर दिला, जंय सादीं वस्तू लेगीत अस्मिताय, स्मृती आनी भावनिक खोलाय हांचे पात्र थारता . लुकसाण, नॉस्टॅल्जिया आनी अखंड संबंद हांची ही कोमल काणी.

पिप्लांत्री: एक टेल ऑफ इको-फेमिनिज्म

ह्या माहितीपटात राजस्थानांतल्या पिप्लांत्री गांवांतल्या उल्लेखनीय पर्यावरणीय आनी समाजीक परिवर्तनाचा अभ्यास केला. दिग्दर्शक-निर्मातो सूरज कुमार हांणी दूरदर्शी सरपंच श्याम सुंदर पालीवालान पर्यावरणीय दुख्खाक एक इको-फेमिनिस्ट चळवळीत कशें रुपांतरीत केलें हाचो आढावो आसा-जाचें प्रतीक म्हळ्यार जल्मल्ल्या दरेक चलयेच्या भुरग्या खातीर 111 झाडां रोवप..
संवसारीक मान्यताय आनी संयुक्त राष्ट्रांच्या स्वारस्यासयत, हो चित्रपट समुदायाची हिम्मत, पर्यावरणीय पुनरुज्जीवन आनी बायलां केंद्रीत उदरगतीची शक्त मनयता.

बैटलफील्ड

1944 वर्साच्या इम्फाल झुजाच्या जखमांचेर आदारीत हो चित्रपट मणिपूरांतल्या दुसऱ्या म्हाझुजाच्या एका रगतभरीत प्रकरणांतल्यान भौतिक पुरावे आनी वैयक्तीक गवाय उक्ती करपाच्या राजेश्वराच्या यत्नाचेर आदारीत आसा. उत्खनन आनी जिवंत उरिल्ल्या कथांच्या माध्यमांतल्यान ह्या डॉक्युमेंटरींत झुजाचो दिसपट्ट्या जिणेचेर टिकून उरिल्ल्या मानसीक परिणामाचे परीक्षण करता आनी हिंसाचार सांस्कृतीक स्मृतींक कसो आकार दिता हाचेर प्रस्नचिन्न उबें करता.

पीसी6: सॉन्ग्स ऑफ़ एडम + स्किन ऑफ़ यूथ

सॉन्ग्स ऑफ़ एडम

1946 वर्सा मेसोपोटेमियात घडपी ह्या चित्रपटात 12 वर्सां पिरायेच्या एडमची काणी आसा, जो आपूण केन्नाच व्हड जावचो ना अशें थारायता-आपल्या भोंवतणच्या लोकांक काळाच्या अटळ प्रवाहाचो सामनो करपाक भाग पाडटा. निरपराधीपण, अपरिहार्यताय आनी भावनीक सत्य हांचेविशीं एक काव्यात्मक कथा.

स्किन ऑफ़ यूथ

1990 च्या दशकांत साइगॉनात घडपी हो सिनेमां लिंग पुष्टी सोदपी ट्रांसजेंडर सेक्स वर्कर आनी आपल्या सपनाक आदार दिवपाचो यत्न करपी केज फाइटर हांच्या मदल्या प्रेमकाणयेक मुखार हाडटा. तांच्या मोगाची परिक्षा वैयक्तीक राक्षस, हिंसक अंडरवर्ल्ड वास्तव आनी खऱ्या अर्थान ते जे आसात, ते जावपाची नाजूक आस्त घेता.

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

* * *

PIB IFFI CAST AND CREW | सुभाष जाण/उत्कर्षा भुस्कुटे/दर्शना राणे | IFFI 56 - 063