#IFFIWood, 24 नोव्‍हेंबर 2025

56व्या भारतीय आंतरराष्ट्रीय चित्रपट महोत्सवात, संपादक श्रीकर प्रसाद हाणें  “माइंड टू स्क्रीन: व्हिजन टू एक्झिक्यूशन – अँ एडीटिंग वर्कशॉप” ह्या कार्यशाळेत मार्गदर्शन केले, जें प्रेक्षकांक सिनेमाच्या जंय दृश्यांक समतोल मेळटा आनी कथा आकार घेतात. 650 सिनेमा आनी 18 भासांची तांची फिल्मोग्राफी. सैकत एस. रे हाणी सूत्रसंचालन केल्ल्या ह्या सत्रात कथेच्या पयल्या असेंबली सावन ते  निमाण्या कट मेरेनच्या निवडीं विशीं सखोल समज दिली.

सत्र सुरू जावचे पयलीं रवी कोट्टरकारा हाणें मास्टर एडिटराचो सत्कार केलो. ताच्या अफाट कामगिरीची तोखणाय करतना ताणें सांगलें,संपादकाचो खरो अंतर्ज्ञान म्हणल्यार “कितें करचें न्हय तें जाणून घेवप”.

सत्र सुरू जावचे पयलीं रवी कोट्टरकारा हाणें मास्टर एडिटराचो सत्कार केलो. ताच्या अफाट कामगिरीची ताणें तोखणाय केली. "कितें करचें न्हय" हें जाणून घेवपाच्या ताच्या अद्वितीय क्षमतेचे ताणें खासा कौतुक केले. रवी कोट्टराकारान ह्या गुणाचें वर्णन संपादकाची अंतर स्फूर्ती म्हळ्यार इंट्यूशनाचें खरे सार अशें केलां.
चार दशकांच्या आपल्या प्रवासाचेर उलयतना श्रीकर प्रसादान संपादन हि फकत एक तांत्रिक प्रक्रिया अश्या सामान्य समजुतीक आव्हान दिवन उलोवपाक  सुरवात केले. एडिटिंग इमोशनांचेर आदारीत आसता,आनी दर एका कटान प्रेक्षकांक कितें दिसता तें गाइड करपाक जाय अशे म्हळें. सुरवेक संपादकाक मेळपी व्हड प्रमाणांत फुटेजाचेर भासाभास करतना ताणें भर दिलो कि खरी परिक्षा ताका अश्या तरेन आकार दिवप की कथा हेतून आनी स्पश्टतायेन  मुखार वता, कारण कथाच फिल्माक एकठांय दवरता.

श्रीकर प्रसादान भर दिलो की संपादकाक सुरवात करपाची सगळ्यांत बरी सुवात पटकथा पातळेचेर आसता, हो सहभाग ह्या पुराय चित्रपट निर्मिती प्रक्रियेक आकार दिता. सुरवातीच्या वर्सांनी संपादन ताका मैकेनिकल दिसतालें, पूण वेगवेगळ्या दिग्दर्शकां वांगडा काम केल्ल्यान नवे दृष्टिकोन मुखार आयले अशें ताणें स्पश्ट केलें. ताणें म्हणलें, "खंयचेच दोन दीस केन्नाच सारके आसनात."  आशय आनी सृजनशीलतेंतलें हें सेगीत बदल ल्हवू ल्हवू संपादकाक चित्रपटकारात रूपांतरित करता - एक असो मनीस जाका खबर आसता की माहिती केन्ना लिपोवपाची, केन्ना उघड करची आनी नैरेटिव टेंशन कसो तिगोवन दवरचो.

प्रेक्षकांक आकर्शीत केल्ल्या ह्या भागात, श्रीकर प्रसाद "चित्रपट संपादन मेजाचेर  तयार जाता" ह्या समजुतीचेर उलयलो. ताणें चित्रपट असेंबल करपाच्या बदलत्या पांवड्याचें वर्णन केलें-वैयक्तीक सीक्वेंस ते ट्रांज़िशन सांबाळप  आनी निमाणें एकंदर कथनाक आकार दिवप ह्या प्रक्रियांचो आस्पाव आसा. 1998 वर्साच्या "द टेररिस्ट" ह्या सिनेमांतल्या क्लिपां वरवीं ताणें मौन स्वता एक कथा सांगपाचें साधन कशें जालें तें दाखयलें- एक सोद ज्याने उपरांत "वनप्रस्थम" सारकिल्या चित्रपटांक आकार दिलो. प्रत्येक दृश्य सहज प्रवाहित जावपाक जाय की प्रेक्षकांक केन्नाच कट लक्षात येवंक जायना अशें तांणी स्पश्ट केलें.

पैरेलल कथा आनी बहुपात्रांच्या आर्क्स विशीं उलयतना श्रीकर प्रसाद हांणी भावनिक समतोलाचे म्हत्वाचेर भर दिलो.संपादकाक चडशे फावट परफॉर्मेंस तिगोवन दवरचें पडटा अशें तांणी स्पश्ट केलें. तांकां बऱ्या उजवाडांत सादर करूनच न्हय, तर केन्ना केन्नाय वायट कामगिरी काळजीपूर्वक काडून उडोवन हें कव्हर साध्य जाता. जेन्ना पात्र प्रामाणीक वर्तनासावन पयस वता वा स्टार सारको दिसूंक लागता तेन्ना संपादकान ती हळूच दुरुस्त करपाक जाय,दृश्याची रचणूक अशे तरेन करची की पात्राची इंटेग्रिटी तिगून उरतली.

विकसीत जावपी साधनां विशीं चर्चा करतना, मॉडरेटर सैकाट एस रे हाणें संवाद एआय कडेन वळयलो आनी अशी वेवस्था कदाचित पयलीं श्रीकर प्रसादाची "शैली"ची नक्कल करपाचो यत्न करतली अशी टिप्पणी केली. सगळे प्रेक्षक हांसले, आनी श्रीकर प्रसादान आपोआप हांसून जाप दिली, पूण रोखडोच तो खीण स्पश्टततेंत  बदललो. एआय यांत्रिक भाग निश्चीतपणान हाताळूंक शकता, पूण ताका भावना समजूंक कळना, बीट जाणूंक शकना वा स्वताच्या हातान कट थारावंक शकना अशें ताणें सांगलें. ताचे खातीर संपादन हें इंट्यूशनचेर आधारित काम, जें खंयचेंय मशीन करूंक शकना.

निमाणें, कार्यशाळेन हे दाखोवन दिले की संपादन म्हणजे चित्रपटाचे सत्य सोदपाचें  ठिकाण आनी  हे सत्य जोडिल्ल्या गजालींक लागून न्हय तर वेंचिल्ल्या, परिष्कृत केल्ल्या आनी शांततेत सोडिल्ल्या गजालींक लागून आकार घेता.

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/मोनाली प्रभू/दर्शना राणे | IFFI 56