Ha ka International Film Festival of India, ka jingiakren hapdeng ki kolshor bapher bapher, ki jait phlim bapher bapher ka la shim ia ka rynsan mynta ka sngi katba ki nongak bad ka kynhun jong lai tylli ki phlim kiba pynkhih mynsiem ki la iawan lang na ka bynta ka jingialang bad ki lad pathai khubor kaba dap da ka jingshemphang, ka jingsngew, bad ka jingsamrkhie. Ha ka jingïakren kaba sngewtynnad, ki nongshna ia ka phlim ‘Nilgiris: A Shared Wilderness,’ ‘Mukkam Post Bombilwadi,’ bad ka ‘Sikaar’ ki la pynpaw ïa ki phang kiba iar kiba don ha ki phlim jong ki.

‘Sikaar’: Ka Jingpyndon burom, Ka Jingiaid lynti, bad u mawmer ha ka kam shna phlim jong ka Assam

Ka jingïalang ka la sdang da ka sur kaba sngewsih ha kaba u director jong ka phlim ‘Sikaar’ u Debangkar Borgohain u la kynmaw ïa u aktor ba lamkhmat jong kane ka phlim, u nongtem Zubeen Garg uba la khlad noh dang shen. Hadien ba u la ïatreilang haduh arphew snem, u Debangkar u la pynkynmaw kumno u la ïakynduh nyngkong ïa ka Zubeen tang na ka bynta ka jingrwai. “U la sngap ia ka khana bad u la ong ba u kwah ban ak,” u la rkhie, shuwa ban bynrap, “Kane ka dei ka phlim kaba khatduh jong u ban pynmih katba u dang don bad ngi. La 64 sngi naduh ba u la khlad noh. Un jin da la kmen ban don hangne ​​mynta ka sngi.”

U Debangkar u la kren ruh shaphang ka jingïaid lynti ba phylla jong ka jingpynmih ïa ka ‘Sikaar,’ ka phlim Assamese kaba nyngkong kaba la ring shabar ri, ha kaba jan 70% la ring ha London. Da kaba bun na ka kynhun kim lah ban leit jingleit, u director u la trei na jngai na Guwahati, bunsien “u shong hapoh ki musari” katba u dang bthah ïa ka jingring dur lyngba ki livestream, ka jingkren kaba la pynsamrkhie ha kata ka kamra.

U la kren shaphang ka jingpdiang sngewbha kaba khraw kaba ka phlim ka la ioh ha ka IFFI. "Haba iohi ia ki jingdap briew na ki bynta bapher bapher jong ka ri ki iaroh ia ka, ka pynkmen ia nga. Nga kwah ban pyni ia ka Assam kaba shisha. Kawei, kaba dap da ka bor bad ka burom”, u la ong.

Halor ki jingsngewkhia ha kaba ïadei bad ka jingïohi ia ki phlim na ki thain ha ka OTT, u Debangkar u la ong ba watla kine ki rynsan ki la pynïar ïa ka jingïoh rung ha ka pyrthei, bunsien kim lah ban pynpawnam ia ki phlim na ki thaiñ kaba dei hok ban ïoh.

‘Nilgiris: A Shared Wilderness’ Ka jingpyni ia ka jinglong jingman jong ka jaka

Katba ka ‘Sikaar’ ka la ktah ia ka mynsiem, ka kynhun jong ka ‘Nilgiris – A Shared Wilderness’ ka la wanrah ïa ka jinglyngngoh. U Adarsh ​​N C, Associate Producer, u la kren shaphang ka jingiai shah kaba donkam ban shna ïa documentary shaphang ki mrad khlaw ba la ring ha ka 8K bad 12K, kaba ring dur ïa ki jait mrad ha ka thaiñ kaba la pynwandur ha ki billion snem. "Ki khlur jong ka phlim jong ngi ki dei ki mrad khlaw. Kim ju poi ha ka por. Ym don ki jingring dur biang," u la ong, da kaba ban jur kumno lai bnai ki lah ban leit ban ioh ia kawei ka dur.

U la bynrap ba kane ka documentary ka dei ruh ka jingwad bniah ia ka jingia-im lang. "Ka dei shaphang kumno ngi iasam ia ka khlaw ha la ki jong ki phyllaw iing. Ngi la leit sha ki iing jong ki briew ban lap ia ki jait jingthaw kiba im hajan eh."

U dkhot jong ka kynhun u Sri Harsha u la batai ïa ka jinglong bym lah ban tip lypa kum ka jingshna phlim: “Ngim shym la tip ïa kaei kaba ngin ring phlim. Ngim tip shano ki mrad ki don. Ka don ka kynhun wadbniah kaba heh bha ha lyndet jong ka camera kaba pyntip ïa ngi shaphang ka jingïaid lynti jong ki mrad khlaw. Khatduh phi ïoh ïa ka jingsngewthuh ïa ka jingïathuhkhana kaba phi shna.”

Haba la kylli hato ki riewkhraw jong ka pyrthei ki la ktah ïa kane ka phlim, u Adarsh ​​u la ong: “Ka ‘Nilgiris’ ka dei ka phlim ba la shna ha India. Man la u briew ba don ha lyndet jong ka udei u nong India.”  U Harsha u la bynrap, “Ngi ïoh jinghikai na ka teknoloji bad ka sap kylleng ka pyrthei, bad ngi wanrah ïa kata ha ka rukom treikam jong ka India. Ha kawei ka sngi, ngi kyrmen ban long ka nuksa ha kylleng ka pyrthei na ka bynta kane ka kam.”

U Adarsh ​​u la ïasam ruh ba watla ki la don ki jingkylli shaphang ka OTT, ka kynhun ka kwah ba ki nongpeitkai kin sngewthuh ïa ka ‘Nilgiris’ ha ka screen kaba heh. “Bun ki documentary kim ju poi sha ki jaka peit phlim, hynrei ka ‘Nilgiris’ ka iaid bha. Ka OTT ka long kaba kongsan, hynrei hadien,” u la ong.

‘Mukham Post Bombilwad’: Ka Komedi ka ïakynduh ïa ka jingkulmar ha ka por jong ki nongsynshar phareng

Da ka jingkylla kaba heh ha ka jinglong jingman, ka kynhun jong ka ‘Mukkam Post Bombilwadi’ ka la pynsamrkhie ia ki nongpeit da ka jingïathuhkhana jong ki kaba ïadei bad ka histori. U director Paresh Mokashi bad u producer Bharat Shitole ki la ïakren halor ka jingeh bad ka jingsngewtynnad ban pynkylla ïa ka stage play jong ki sha ka jaka ring phlim ha u snem 1942, ha kaba ka shnong ha Maharashtra kaba shong shngaiñ ha rud duriaw ka shem ïalade ha ka jingïaleh na ka bynta ka jinglaitluid bad ka jingkulmar jong ka thma bah ba ar.

Halor ka jingpyniasoh lang ia ka comedy bad kum kane ka jinglong jingman kaba khia, u Paresh u la ong, “La shna ia ki comedy kiba khraw halor ki phang kum ka jingduk.” U la iathuh shuh shuh kumno ba ka jingbiria kam ktah ia ka jingshisha, hynrei bunsien ka pynpaw kham bha ia ka.”

Haba jubab ia ka jingkylli kumno ka OTT ka ktah ia ka phlim na ki thain, u Paresh u la ong ba ka jingiaid lynti ka sdang na iing. “Ki phlim na ki thaiñ ki dei ban wad jingkyrshan na ki nongpeitkai ha ka thain shwa ban poi sha kylleng ka pyrthei.” U Producer Bharat Shitole u la pynpaw biang ïa kane ka jingsngew, da kaba ong ba watla ka OTT ka la pynïar ïa ki lad ki lynti, ki phlim ka thaiñ ki dang donkam ïa ka jingïohi kaba kham ïaryngkat ha kine ki rynsan.

Ka jingïalang bad ki nongthoh khubor ka la ai ïa ka jingïohi kaba iar ïa ka jingiar jong ki phlim jong ka India, naduh ki jinglong jingman ba khuid jong ki lum Nilgiri, haduh ka jingsamrkhie ka Bombilwadi, haduh ka jingktah ia ki nong Assam kiba don ha ki jaka bapher bapher. Da kaba kawei pa kawei ka kynhun ka wanrah ïa ka jinglong hok, ka jingsngewtynnat, bad ka jingshai ba thymmai ha ka jingïakren, ka jingïalang ka long kum ka jingpynkynmaw ïa kaei kaba ka IFFI ka dang ïai bteng ban rakhe: ka jinglong jingman ka kam shna phlim ha kaba man la ka khana ka long kaba kongsan, man la ka thaiñ ka shem ïa ka sur, bad man la u nongshna phlim u pyni ïa la ka jong ka pyrthei.

PC Link:

Shaphang ka IFFI

La sdang ha u snem 1952, ka International Film Festival of India (IFFI) ka ieng skhem kum ka jingrakhe kaba la rim bad kaba heh tam ha South Asia ha ka kam ba iadei bad ki phlim. La pynlong lang da ka National Film Development Corporation (NFDC), ka Tnad Information and Broadcasting, Sorkar india bad ka Entertainment Society of Goa (ESG), ka Sorkar Jylla Goa,kane ka tamasa ka la nangroi sha ka jaka ba don bor ha ka pyrthei ha ka kam pynmih phlim—ha kaba ki phlim hyndai ba la pynthymmai ki ïakynduh ïa ki jingpyrshang ba shlur bad ki briew kiba la pynskhem ialade ha kane ka kam ki iakynduh ia kito kiba dang sdang ha kane ka kam. Kaba pynlong ïa ka IFFI ban tyngshaiñ shisha ka dei ka jingbun ki bynta—ki jingïakob ha kylleng ka pyrthei, ki jingpyni ïa ka kolshor, ki masterclass, ki jingai burom, bad ka WAVES Film Bazaar ba shitrhem bha, ha kaba ki jingmut, ki jingïateh bad ki jingïatreilang ki kiew shaphrang. Ha ka jingpynlong ha rud duriaw jong ka Goa naduh ka 20–28 tarik u Naiwieng, ka bynta kaba 56 kan don ki bynta jong ki ktien bapher bapher , ki jait phlim bapher bapher, ki jingsaindur thymmai, bad ki sur—ka jingrakhe ïa ka jingtbit ka India ha ka kam saindur jong ka pyrthei.

Ban ioh jingtip shuh shuh, shon ha ka:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56new/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *