ইকায়খুম্নরবা ভারতকী প্রধান মন্ত্রী শ্রী নরেন্দ্র মোদীগা ইতালিয়ন রিপব্লিক্কী প্রাইম মিনিস্তর ঐচ.ই. মিস জোর্জিয়া মেলনীগা ঙসি জোহানেসবর্গ, সাউথ অফ্রিকাদা পাঙথোকপা G20 সম্মিততা উনখ্রে। লুচিংবা অনিমক্না চহি অসিগী জুন্দা কনাদাগী কনানাস্কিসতা পাথোকখিবা G7 সম্মিততা শম্লপ্না ৱারী শানখি।

প্রাইম মিনিস্তর মেলনীনা দিল্লীগী তেরর থৌদোক্কী মতাঙদা ভারতকা লোয়ননা লেপ্লি হায়না ফোঙদোকখি অমদি তেরোরিজমগী তমথিবা মচৎ থেংনবদা পুন্না থবক পায়খৎমিন্ননবা ইতলীনা চেৎনা লেপ্লি হায়বা ফোঙদোকখি। মতাঙসিদা, লুচিংবা অনিমক্না ‘ইন্দিয়া ইতলী জোইন্ত ইনিসিএতিব তু কাউন্তর ফাইনান্সিং ওফ তেরোরিজম’ চৎননবা লেপ্নখি। থৌশিল অসিনা তেরোরিজম থেংনবদা নাকল অনিমক্কী মতেঙ পাংনবা হেনগৎহন্নবা, অমদি ফাইনান্সিএল এক্সন তাক্স ফোর্স (FATF) অমদি গ্লোবেল কাউন্তর তেরোরিজম ফোরম (GCTF) য়াাওনা মালেমগী অমদি মল্তিলেতরেল প্লেতফোর্মগী লমদা খুৎশম্ননা চৎমিন্ননবা পান্দম থম্লি।

লুচিংবশিংনা ত্রেদ অমদি ইনভেস্তমেন্ত, দিফেন্স, সিক্যুরিতী, স্পেস, সাইন্স অমদি তেক্নোলোজী, মহৈ মশিং, অমদি মীগা মীগগী মরক্তা লৈনবা মরীনচিংবা সেক্তরশিংদা নাকল অনিগী স্ত্রেতেজিক পার্ত্নরসিপ য়েংশিনখি অমদি ফীভম ফগৎলক্লি হায়বা য়ানখি। লুচিংবা অনিমক্না জোইন্ত স্ত্রেতেজিক এক্সন প্লান ২০২৫-২৯গী খোঙজেলদা অপেনবা ফোঙদোক্নখি।

লুচিংবশিংনা নাকল অনিগী ইন্দস্ত্রীশিংনা চাউনা শরুক য়াদুনা চহি অসিদা নই দিল্লী অমদি ব্রেসিয়াদা পাঙথোকখিবা বিজিনেস ফোরমশিংবু তরাম্না ওকখি। শেন্মিৎলোন অনিগী হিদান্নবা হেনগৎহন্নবা অমদি তুং কোইবা সপ্লাই চেন শেমগৎনবা পান্দম থমদুনা বিজিনেস, তেক্নোলজী, ইনোভেসন অমদি ইনভেস্তমেন্ত পার্ত্নরসিপ হেনগৎহন্নবা হোৎনরিবশিংবু লুচিংবশিংনা শকখঙখি।

লুচিংবশিংনা লৈঙাক লোয়নন লনাই সেক্তরগী থাক অনিমক্তা স্পেসকী লমদা খুৎশম্ননা চৎমিন্নবা হেনগৎহনগদবা মওংদা ইতালিয়ন স্পেস দেলিগেসন্না ভারত্তা হন্দক্তা লাকখিববু তরাম্না ওকখি।

প্রধান মন্ত্রী মেলনীনা নাকল অনিমক্তা কান্নগদবা ইন্দিয়া-EU ফ্রী ত্রেদ এগ্রীমেন্ত মপুং ফাহন্নবা অমদি ২০২৬ তা ভারত্তা পাঙথোক্কদবা AI ইম্পেক্ত সম্মিত মায় পাকহন্নবা ইতলীনা অকনবা মওংদা শৌজৎকনি হায়বা ৱাফম ফোঙদোকখি।

খোঙচৎ অদুনা লৈবাক অনিগী মরক্তা চাং নাইনা হায়-লেবেল এক্সচেঞ্জ পাঙথোকপগী চৎনবী মখা তানা লৈহন্নবা ৱাফম য়ানখি। লুচিংবা অনিনা মখোয়গী ৱারী ৱাতায় মখা চত্থনবা অমদি মখোয়গী মান্নবা দিমোক্রেসী, রুল ওফ লো অমদি সস্তেনেবল দিভেলপমেন্ত ফগৎহন্নবা মল্তিলেতরেল অমদি মালেমগী ওইবা ফম্পাকশিংদা পুন্না থবক তৌমিন্ননবা মীৎয়েঙ থম্মিন্নখি।

***