#IFFIWood, 22 नोव्‍हेंबर 2025

'द लेजेंड्स ऑफ इंडियन सिल्व्हर स्क्रीन' - प्रकाशन संचालनालय (डीपीडी) न प्रकाशित केल्ल्या नवीनतम प्रकाशनाचे अनावरण आयज सांजवेळार डीपीडीचे प्रधान महासंचालक श्री. भूपेंद्र कैंथोला आनी नामनेचे  कोकणी चित्रपट निर्माते राजेंद्र तलक हाणी गोयांत ५६ व्या इफ्फीत  पीआयबी पत्रकार परिशदेच्या सभाघरात केले.

आपल्या उक्तावणाच्या उलोवपांत, श्री. कैंथोला हाणी पुस्तकाचे महत्त्व अधोरेखित केले. "भारतीय चित्रपटसृष्टीतलो सर्वोच्च सम्मान ‘दादासाहेब फाळके पुरस्कार’ फावो जाल्ल्या दिग्गजांचो प्रवास सगळ्यांक खबर आसूंक जाय. ह्या पुस्तकात 1969 ते 1991 पुरस्कार मेळिल्ल्या २३ दिग्गजांची माहिती आसा, हातूंत देविका राणी, सत्यजीत रे, व्ही. शांताराम, लता मंगेशकर ह्या सारख्या दिग्गजांचो आस्पाव आसा.

"हें पुस्तक १७ वेगवेगळ्या लेखकांनी बरयल्ल्या २३ लेखांचें संकलन आनी हाचो संकलन संपादक संजीत नार्वेकर" ह्या प्रकाशनाचे एक आकर्शक आंग म्हणल्यार दोन दादासाहेब फाल्के जैतिवंत मिथुन चक्रवर्ती आनी आशा पारेख हांणी पुस्तकाखातीर एक-एक प्रस्तावना बरयल्या."अशे तांणी मुखार सांगले. श्री. कैंथोला हाणी पुस्तकाच्या आशयाची झलक प्रेक्षकांक दिवपाखातीर प्रस्तावनांतले काय उतारे वाचून दाखयले.

श्री. कैंथोला हाणी डीपीडीच्या कार्या विशीं सविस्तरपणान सांगले. "माहिती आनी प्रसारण मंत्रालयाच्या खाला आशिल्ल्या संचालनालयाक अशे म्हत्वाचे विशय परवडपी दरात छापून हाडपाची जापसालदारकी सोंपयल्या. हें पुस्तक खास करून संशोधकां खातीर तशेंच फिल्माक ताच्या ग्लॅमर पलीकडेन समजून घेवपाक सोदपी कोणाकूय म्हत्वाचें."

राजेंद्र तालक हांणी श्री. कैंथोला हांच्या मतांक सहमती दाखयत हे उपक्रमाचे कौतुक केले.  ह्या उपक्रमाखातीर तांणी डीपीडीक परबीं दिली. “हे दिग्गज जायत्या अडचणीं खाला चित्रपट तयार करताले, ज्याची आयची पिळगी कल्पना लेगीत करपाक शकना फिल्म निर्मितीची कला समजून घेवंक सोदपी कोणाकूय हें पुस्तक मुळावें एबीसी म्हूण काम करतलें" अशें, तांणी म्हळें.

येस वा अपेसापेक्षा कश्टाचेर लक्ष केंद्रीत करपाचें म्हत्व तांणी अधोरेखित केले.

एका प्रस्नाक जाप दितना श्री. कैंथोला हाणी म्हळें, “निःसंशय, चित्रपट हो एक ‘सॉफ्ट पॉवर,पूण तें भारताचेंय दायज. त्या दायजा कडल्यान आमी शिकपाक जाय आनी ग्लॅमरच्या भायल्या थराच्या पलीकडे पळोवपाक जाय". तशेंच बरोवपाच्या मळार प्रामाणीकपणाचे म्हत्व तांणी अधोरेखित केले आनी पुस्तकाची भास सादी दवरूंक जाय जाका लागून ते चडांत चड  प्रेक्षकां मेरेन पावतले अशें तांणी नमूद केले. हें पुस्तक वेगवेगळ्या ऑनलायन प्लॅटफॉर्मांचेर तशेंच इफ्फीत आशिल्ल्या डीपीडी स्टॉलाचेर खरेदी करपाक मेळटा अशें, श्री कैंथोला हाणी सांगले.

सत्राच्या अखेरेक, 1991 उपरांत दादासाहेब फाल्के पुरस्कार मेळिल्ल्या मानेस्तांच्या कथांचेर संशोधन करून पुस्तकाची दुसरी आवृत्ती उजवाडावची अशी विनंती तालकान  केली. हाका कैंथोला हाणी उमेदीन प्रतिसाद दिलो.

पत्रकार परिशद पळोवपा खातीर लिंक:

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56new/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Post Link: https://x.com/PIB_Panaji/status/1991438887512850647?s=20

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/मोनाली प्रभू/दर्शना राणे | IFFI 56