#IFFIWood, 21 नोव्‍हेंबर 2025

“500 सबमिशनांतल्यान 20 फिल्मां वेंचून काडप खरेंच कठीण आशिल्लें!” 56 व्या आंतरराष्ट्रीय चित्रपट महोत्सवात (IFFI) इंडियन पॅनोरमा (IP) नॉन-फीचर ज्युरीचे अध्यक्ष श्री धरम गुलाटी हांणी सांगलें. सगळ्या जूरी वांगड्यांनीय तेच मत प्रतिध्वनीत केलें! अध्यक्ष श्री धरम गुलाटी हांचेसयत  सहकारी जूरी वांगडी अंजली पंजाबी, अशोक कश्यप, बॉबी  शर्मा  बरुआ, रेखा गुप्ता, ए. कार्तिक राजा आनी ज्योत्सना गर्ग हांणी आयज गोंयात पत्रकार परिशदेक संबोधीत केले. सगले चित्रपट पळोवन आमका खोशी जाली अशे तांणी हे वेळार सांगले.

नॉन-फीचर्स जूरीच्या अध्यक्षान सांगलें की सगळे जूरी-वांगडी “आमी वेंचून काडिल्ल्या खंयच्याय सिनेमा खातीर एकाच मताचेर आसले ”. मुळांतूच आमी कंटेंट पळयताले, जी हेर सगळ्यां परस चड म्हत्वाचे आसा.  ज्या फिल्म निर्मात्यांचीं फिल्मां आयपी नॉन फिचर्स खातीर वेंचून काडलीं नात तांकां तांणी आपले फिल्म मुंबय आंतरराष्ट्रीय चित्रपट महोत्सव (एमआयएफएफ) आनी हेर महोत्सवांनी धाडचे असो उलो मारलो .

चित्रपट वेंचतना वेगवेगळ्या प्रदेशांतले आनी वेगवेगळ्या भाशांतले चित्रपट वेंचून काडचे अशेंय जूरीक दिसलें अशें तांणी सांगलें.

हेर जूरी वांगड्यांनीय आयपीच्या नॉन-फीचर्स वर्गांत प्रदर्शीत जावपी 20 चित्रपटांची निवड करपाच्या अणभवाविशी तशेंच तांकां चड आवडलेल्या प्रकल्पांविशी आपले विचार मांडले. 

धर्म गुलाटीन ‘बॅटलफील्ड’चो उल्लेख केलो – मणिपूरांत चित्रित केल्लो एक माहितीपट, जो दुसऱ्या म्हाझुजाच्या रगतभरीत झुजांतलो एक इम्फाल झुजाचेर आदारीत आसा, जाका लागून १९४४ वर्सा मणिपूर उद्ध्वस्त  जाले आनी ताच्या परिणाम थंयच्या लोकांचेर जालो .

जूरी वांगडी अंजली पंजाबीन सांगलें, आयपी नॉन फीचर विभाग हो लघुकथांचो  एक अद्भुत खजिनो.  “ह्या वर्सा आमचें नशीब खूब बरे की आमका फिल्मांची अद्भुत विविधताय पळोवपाक मेळ्ळी”, अशें तिणें सांगलें. लघुकथा तुमकां एका खाशेलपणाच्या आनी निधीच्या मर्यादेंतल्यान मुक्त करता अशें तिणें म्हळें . "आमचे कडेन दिग्गज अणभवी फिल्म निर्माते तशेंच फुडाराचे विद्यार्थी फिल्म निर्माते आशिल्ले, जांणी आपली  फिल्मां  सादर केल्यात. विशयय खूब विविधतायेचे आशिल्ले", अशें तिणें फुडें सांगलें. ओपनिंग नॉन फिचर ‘काकोरी’ सारकिल्या फिल्मांनी नॉन फिक्शन आनी फिक्शन हांची सोबीत भरसण आसा अशें अंजली पंजाबीन सांगलें.

बॉबी शर्मा बरुआन सांगलें की, जूरीन ईशान्येकडले कांय उत्तम प्रकल्प वेंचून काडल्यात, जशे की सिक्किमाचो चित्रपट ‘शांगरीला’ आनी आसामी चित्रपट ‘पत्रलेखा’.

रेखा गुप्तान सांगलें की, काकोरी घडणुकेच्या शतमान वर्साचेर, भारताच्या स्वातंत्र्य संघर्शाचेर आनी आमच्या अगाणी नायकांच्या इतिहासाचेर भर दिवपी, 505 सादरीकरणांतल्यान ‘काकोरी’ हो एकमेव चित्रपट आसा. तांणी 'आदि कैलाश' चित्रपटाचो उल्लेख केलो जो भारतापासून मानसरोवराक वचपी मार्ग आनी मानसरोवरच्या वतना मार्गार मेळपी  आदि कैलाशचेर आधारित आसा.

ज्योस्ताना गर्ग हांणी  सगळ्यांक पिप्लांट्री फिल्म पळोवपाची शिफारस केली, जी राजस्थानांतल्या राजसमुंद जिल्ह्यांतल्या एका दूरदर्शी सरपंचाची काणी उजवाडाक हाडटा,  जांणी बायल गर्भघात, उदकाची पातळी उणी जावप आनी रानां कापप ह्या समाजीक समस्यांचेर अद्वितीय रितीन उपाय काडले. ‘निलगिरी’ ह्या उत्तम छायाचित्रणाचीय तांणी तोखणाय केली.

सादर केल्ल्या चित्रपटांतल्यान जूरीन 20 बरी  फिल्मां वेंचून काडल्यात असो विस्वास ए. कार्तिक राजान उक्तायलों.

अशोक कश्यपान जूरीच्या वावराचो सारांश दिताना म्हळें की “आमका आशय, मांडणी, सादरीकरण, आनी भास हाचेकडेन लक्ष दिवचे पडले . निर्णय घेवप कठीण आशिल्लें. इफ्फीचो इंडियन पॅनोरमा भारताच्या संस्कृतायेचे प्रतीक आसा, देखून आमी भारताची निवड केल्या”!

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56new/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/उत्कर्षा भुस्कुटे/दर्शना राणे | IFFI 56