पणजेंत 56व्या इफ्फीचे इतिहासीक, कार्निव्हल शैलीवरवीं भव्य परेडीन उक्तावण
#IFFIWood, 20 नोव्हेंबर 2025
56व्या भारतीय आंतरराष्ट्रीय चित्रपट महोत्सवाची सुरवात पणजेंत अदभूत भव्य परेडीन जाली जो ह्या महोत्सवाचो नवो पयलॊ इतिहासीक कार्यक्रम थारलो. 20 नोव्हेंबराक जाल्ले हे परेडांत शाराच्या डी. बी. रस्त्याचें रुपांतर एक जिवंत सांस्कृतीक मार्गांत जालें, जांतूत फिल्म निर्मिती संस्था, सहभागी राज्यां, आनी सांस्कृतीक मंडळांचे फ्लोट पोरन्या गोंय वैजकी म्हाविद्यालयाच्या इमारतींतल्यान कला अकादेमीं मेरेन गेले. दोन डझना वयर फ्लोटांनी- गोंय सरकारान सादर केल्ल्या 12 फ्लोटां सयत-भारताच्या सिनेमाचो दायज, एनिमेशन आनी प्रादेशिक अस्मिताय मनोवपी विशय दाखयले. मुखेल खाशेलपण म्हळ्यार मिनिस्ट्री ऑफ ब्रॉडकास्टिंग अँड कम्युनिकेशनाच्या खाला सेंट्रल ब्युरो ऑफ कम्युनिकेशनान सादर केल्ली भव्य लोककला 'भारत एक सूर', जांतूत 100 वयर कलाकारांनी पारंपारीक नाच सादर केलें. तेच बरोबर छोटा भीम, मोटू पतलू आणि बिट्टू बहानेबाज ह्या सारख्या प्रिय अॅनिमेटेड पात्रांच्या उपस्थितीन उमेदीन भर पडली, जांच्या सजीव संवादांक लागून प्रेक्षकांची उमेद वाडली.
परेडीक लागून पणजेभर कार्निवाला सारकें वातावरण तयार जालें आनी महोत्सवाचें उक्तावण बंद दारांतल्या सुवाळ्या परस समावेशक भौशीक उत्सवांत रुपांतरीत जालें. हजारांनी थळावे, पर्यटक आनी प्रतिनिधी रस्त्यार लायन घालून फ्लोट, सांस्कृतीक सादरीकरण आनी लायव्ह संगीत पळयताले. आयज मेरेनच्या इफ्फी उक्तावणांतलें हें एक याद उरपा सारकें खिण थारलें. ह्या कार्यावळीन गोंयच्या कार्निवालाची भावना आनी महोत्सवाच्या सिनेमा भव्यतेचो यशस्वीपणान मेळ घालून उपरांतच्या णव दिसांच्या उत्सवाक एक उर्बेभरीत स्वर तयार केला.
गोंयचे मुख्यमंत्री श्री प्रमोद सावंत गोंयचे राज्यपाल श्री पुसापती अशोक गजपती राजू हांचे वांगडा पणजेंत भव्य परेड करून इफ्फी 2025 चें उक्तावण करताना
इफ्फी 2025 च्या भव्य परेडांत अनुपम खेर, शेखर कपूर आनी नंदमुरी बालकृष्ण हांची हाजीरी
प्रिय एनिमेटेड पात्र छोटा भीम आनी चुटकी इफ्फी 2025 फ्रॅंड परेडांत आपल्या जिवंत देखाव्यान गर्देक खोशी करताना
हरियाणाच्या जिवंत सांस्कृतीक सादरीकरणांत राज्याची गिरेस्त लोकपरंपरा
राष्ट्रीय चित्रपट विकास म्हामंडळ विशयात्मक फ्लोटा वरवीं आपली उपस्थिती दाखयताना
श्री शांतादुर्गा बाबरेश्वर युवा संघ परेडांची सांस्कृतीक उपस्थिती
काश्मीरांतले कलाकार इफ्फी 2025 भव्य परेडांत रंग आनी आकर्शण घालताना
वेव्स ओटीटी उक्तावण परेडांत आपली हाजीरी दाखयताना
संस्कृताय आनी सिनेमा हांचो मेळ परेडांत झळकताना
उत्तराखंडांतले कलाकार इफ्फी 2025 परेडांत वांटेकार
* * *
PIB IFFI CAST AND CREW | सुभाष जाण/उत्कर्षा भुस्कुटे/दर्शना राणे | IFFI 56
Release ID:
2192388
| Visitor Counter:
10