Ka WAVES Film Bazaar, ka ïew shna phlim jong ka South Asia na ka bynta ka pyrthei, ka la sdang mynta ka sngi ha Marriott Resort ha Panjim, Goa ryngkat ka jingïalang plie kaba ai mynsiem ha kaba la ïashim bynta da ka jingïalang ba pawkhmat jong ki nongïalam, ki nongthaw polisi, ki nongshna phlim, bad ki nongmihkhmat na kylleng ka pyrthei. La ju pynlong man la u snem ryngkat bad ka International Film Festival of India, ka bynta kaba 19 jong ka Bazaar, kaba la pynkylla kyrteng thymmai mynta kum ka Waves Phlim Bazaar, ka long kum ka jaka ïakynduh na kylleng ka pyrthei na ka bynta ki nongshna phlim, ki nongpynmih phlim, ki nongpyniaid iew, ki nongpyniaid ïa ka tamasa, bad ki nongsam kiba wad ïa ki jingïatreilang kiba thymmai bad ki kam pisa tyngka. Kane ka ïew ka la sdang naduh ka 20 haduh ka 24 tarik u Naiwieng.

Ha ka jingai jingkren plie paidbah, u Sanjay Jaju, Secretary ka Tnad Information and Broadcasting, u la batai ia ka WAVES Film Bazaar kum ka jingsdang kaba biang bha ia ki jingrakhe jong ka IFFI. U la khot ia ka “ka jinglong jingman kaba pura jong ki jingpyni, ki masterclass, bad ki jingpyni ia ka teknoloji,” bad u la ban jur kumno ka jinglong ba thymmai jong ka WAVES ka iadei bad ka jingthmu jong u Myntri Rangbahduh ban “pynkylla ia ka kam saindur sha ka kam khaii.”

U la kren shaphang ka e-marketplace ba nyngkong ha ka pyrthei na ka bynta ki nongshna phlim bad u la ban jur ba ka WAVES ka “pyniasoh ïa ki nongsaindur bad ki ri, kaba pynlong ïa ka India kum ka jaka ïakynduh na ka bynta ka jingïatreilang bad kiwei kiwei ki ri.” U la ong ïa ka jingbun ki projek ba la pynkhreh, ki jingai jingiarap pisa bad ki rukom ai jingmut ba la buh ryntih, katba u la pynpaw ruh ïa ka AI Film Festival ba nyngkong eh jong ka India bad ka Hackathon kum ki sienjam ba kongsan ban pdiang ïa ka lawei jong ka teknoloji ha ka kam shna phlim.

Ka Symbud Kongsan ka Jaewon Kim, Dkhot jong ka National Assembly of the Republic of Korea, ka la ïaroh ïa ki nongpynïaid namar ka jingaiti jong ki bad ka jingïaid beit ïaid ryntih naduh ka bynta kaba nyngkong jong kane ka tamasa. Da kaba pynpaw ïa ka jingkyrmen na ka bynta ka jingïatreilang hapdeng ka India bad Korea, ka la rwai ia ka Vande Mataram, kaba la ïoh ïa ka jingiaroh na ki nongpeitkai.

U Dr. L. Murugan, Myntri Khynnah ka Tnad Information and Broadcasting, haba plie paidbah ïa kane ka Bazaar, u la kren shaphang ka jingthmu jong u Myntri Rangbah duh ka Ri ba ka India kan paw kum ka jaka pdeng jong ka jingpynmih phlim ha ka pyrthei. Da kaba khot ia ka kum ka “jingkieng hapdeng ki nongsaindur bad ki nongpynmih,” u la iaroh ia ka rynsan na ka bynta ban pynkupbor ia ki sur jong ki samla bad ki nongiathuh khana ba thymmai, da kaba kdew ia ka jingiashim bynta jong 124 ngut ki nongsaindur thymmai ha ka bazaar mynta u snem bad pynskhem biang ia ka bynta jong ka ban rah ia ka kolshor bad ki prokram jong ka India sha ka pyrthei.

U Additional Secretary Prabhat u la ai ka jingkren ai khublei ha kane ka jingialang. Ha kane ka sngi plie paidbah la iadon lang ruh u IFFI Festival Director bad u nongshna phlim ba pawnam u Shekhar Kapur; ki actor u Nandamuri Balakrishna bad u Anupam Kher; u Jerome Paillard, Nongai jingmut jong ka Waves Bazaar; u Garth Davis, u Film Director na Australia; bad u Prakash Magdum, Managing Director, NFDC, ryngkat ki pyni ïa ka jingïatylli kaba thymmai jong ka jingsaindur bad ka jinglong nongïalam ha ka kam ha kane ka jingïalang kaba mynta u snem.

Ka WAVES Film Bazaar: Ka jingpyni ia ka sap, ka teknoloji, bad ka jingiatreilang bad kiwei kiwei ki ri

Mynshuwa la tip kum ka Film Bazaar, ïa kane ka sienjam la sdang da ka National Film Development Corporation (NFDC) ha u snem 2007 bad ka la nang kiew sha ka iew phlim kaba donbor tam ha South Asia.

Ka Bazaar ka wanrah lang ïa ka jingjied kaba iar jong palat 300 tylli ki projek phlim ha kylleng ki bynta ba la buh ryntih jong ka, kynthup ïa ka Screenwriters’ Lab, ki Market Screening, ka Viewing Room library bad ka Co-Production Market. Ka Iew pynmih phlim lang ka pyni 22 tylli ki feature film bad 5 tylli ki phlim documentary, katba ka bynta WAVES Film Bazaar Recommends ka pyni 22 tylli ki phlim kiba phylla ha ki rukom ba bun. Ki delegate na palat hynniew tylli ki ri bad ki jingai jingmyntoi ia ka jingpyni ia ki phlim na palat shiphew tylli ki jylla jong ka ri India ki kyntiew ia kane ka rynsan.

Ka Tech Pavilion ba la aiti kyrpang ka ai ka jaka kaba thymmai ban wad bniah ia ki lad VFX, CGI, animation bad digital ba thymmai. Da kaba bynrap ïa ka mynsiem kaba peit shakhmat jong kane ka jingïalang, mynta u snem ka dei ruh ka jingwanrah ïa ka CinemAI Hackathon, ba la pynlong ha ka jingïatreilang bad ka LTIMindtree, kaba khot sngewbha ïa ki nongsaindur ban pyrshang ïa ki jingïathuh khana ba la pynïaid da ka AI, ki rukom ai jingbit bad ki sienjam ban iada na ka jingtuh.

Da ka jingïatylli lang jong ka jingsaindur, ka teknoloji, bad ka jingïakynduh jong ka pyrthei, ka WAVES Film Bazaar ka pynkhreh ïa ka rynsan na ka bynta ka jingïatreilang bad jinglap kaba thymmai, kaba pynskhem biang ïa ka bynta jong ka India kum ka jaka pdeng na ka bynta ki jingmut jingpyrkhat kiba iadei bad ki phlim bad ki jingïatreilang hapdeng ki ri.

Shaphang ka IFFI

La sdang ha u snem 1952, ka International Film Festival of India (IFFI) ka ieng skhem kum ka jingrakhe kaba la rim bad kaba heh tam ha South Asia ha ka kam ba iadei bad ki phlim. La pynlong lang da ka National Film Development Corporation (NFDC), ka Tnad Information and Broadcasting, Sorkar india bad ka Entertainment Society of Goa (ESG), ka Sorkar Jylla Goa, kane ka tamasa ka la nangroi sha ka jaka ba don bor ha ka pyrthei ha ka kam pynmih phlim—ha kaba ki phlim hyndai ba la pynthymmai ki ïakynduh ïa ki jingpyrshang ba shlur bad ki briew kiba la pynskhem ialade ha kane ka kam ki iakynduh ia kito kiba dang sdang ha kane ka kam. Kaba pynlong ïa ka IFFI ban tyngshaiñ shisha ka dei ka jingbun ki bynta—ki jingïakob ha kylleng ka pyrthei, ki jingpyni ïa ka kolshor, ki masterclass, ki jingai burom, bad ka WAVES Film Bazaar ba shitrhem bha, ha kaba ki jingmut, ki jingïateh bad ki jingïatreilang ki kiew shaphrang. Ha ka jingpynlong ha rud duriaw jong ka Goa naduh ka 20–28 tarik u Naiwieng, ka bynta kaba 56 kan don ki bynta jong ki ktien bapher bapher , ki jait phlim bapher bapher, ki jingsaindur thymmai, bad ki sur—ka jingrakhe ïa ka jingtbit ka India ha ka kam saindur jong ka pyrthei.

Na ka bynta ki jingtip ba kham bniah, nion ha ka:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56new/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *