iffi banner
✨

गोंयांत वेव्स फिल्म बाजाराची सुरवात एका सुवाळ्यान जाता


ह्या बाजारांत साता वयर देशांतले 300 चित्रपट प्रकल्प आनी प्रतिनिधी मंडळ एकठांय येतात

कोरिया आनी भारताची सुरेल गांठभेट.... जेवॉन किम हाणी गायले वंदे मातरम

#IFFIWood, 20 नोव्‍हेंबर 2025

 

दक्षिण आशियांतली जागतीक फिल्म बाजारपेठ वेव्स फिल्म बाजार आयज गोंयांतल्या पणजी हांगाच्या मॅरियोट रिसॉर्टांत एका अदभूत उक्तावण सुवाळ्यान सुरू जालो. ह्या सुवाळ्याक संवसारभरांतले फुडारी, धोरण निर्माते, चित्रपट निर्माते आनी नामनेचे प्रतिनिधी हाजीर आशिल्ले. भारताच्या नामनेच्या आंतरराष्ट्रीय चित्रपट महोत्सवा वांगडा वर्सुकी जावपी आनी आतां वेव्स फिल्म बाजार अशें रिब्रॅंड केल्ल्या ह्या बाजाराची ही 19 वी आवृत्ती, सृजनशील आनी अर्थीक भागीदारी सोदपी चित्रपट निर्माते, निर्माते, विक्री एजंट, महोत्सव प्रोग्रामर आनी वितरक हांचे खातीर एकठाय येवपाचो बिंदू म्हूण काम करता. 20 ते 24 नोव्हेंबर मेरेन ही बाजारपेठ चलतली.

म्हायती आनी प्रसारण मंत्रालयाचे सचीव श्री संजय जाजू हांणी आपल्या उक्तावण उलोवपांत वेव्स फिल्म बाजाराक इफ्फीच्या उत्सवाक सैमीक आनी योग्य सुरवात अशें वर्णन केलें. ताणें ताका “स्क्रीनिंग, मास्टरक्लास आनी तंत्रज्ञान शोकेस हांची पुराय पर्यावरण प्रणाली” अशें म्हणलें, WAVES ची नवी वळख “कलेचें वाणिज्यांत रुपांतर” करपाच्या प्रधानमंत्र्यांच्या दृश्टीकोना कडेन कशी जुळटा हाचेर भर दिलो.

ताणें फिल्म निर्मात्यां खातीर संवसारांतल्या पयल्या ई-मार्केटप्लेसाचेर भर दिलो आनी WAVES “निर्माता आनी देशांक जोडटा, भारताक जागतीक सहकार्या खातीर मेळपाचो बिंदू रचता” हाचेर भर दिलो. ताणें क्युरेट केल्ल्या प्रकल्पांची विस्तृत श्रेणी, रोख अनुदान, आनी संरचीत प्रतिसाद प्रक्रिया तशेंच भारतांतलो पयलो एआय फिल्म फेस्टिवल आनी हॅकथॉन हो सिनेमा तंत्रगिन्यानाच्या फुडाराक लागी येवपाचे म्हत्वाचे पावल म्हूण उल्लेख केलो.

कोरिया प्रजासत्ताकाच्या राष्ट्रीय सभा वांगडी सुश्री जेवॉन किम हांणी ह्या महोत्सवाच्या पयल्या आवृत्ती थावन आयोजकांच्या वचनबद्धतेची आनी सुसंगतीची तोखणाय केली. भारत आनी कोरिया हांचे मदीं सक्रीय सहकार्याची आस्त उक्तायतना तिणें वंदे मातरम हे गीत गायलें आनी ताका प्रेक्षकांनी उमेदीन ताळयो मारल्यो.


बाजाराचें उक्तावण करतना म्हायती आनी प्रसारण राज्यमंत्री डॉ. एल. मुरूगन ताका " निर्माता आनी सर्जनशील निर्माते मदलो पूल" अशें म्हणत ताणें तरणाटे आवाज आनी नव्या कथाकारांक सशक्त करपा खातीर ह्या मंचाची तोखणाय केली, ह्या वर्सा बाजारांत 124 नव्या निर्मात्यांनी वांटो घेतिल्ल्याची नोंद घेतली आनी भारतीय संस्कृताय आनी आशय संवसारांत व्हरपाक ताची भुमिका स्पष्ट केली.

अतिरिक्त सचीव श्री प्रभात हांणी उपकाराचें उलोवप केले. उक्तावण सुवाळ्याक इफ्फी फेस्टिवल संचालक आनी नामनेचो सिनेमा निर्मातो शेखर कपूर; अभिनेतो श्री नंदमुरी बालकृष्ण आनी श्री अनुपम खेर, आनी एनएफडीसीचे वेवस्थापकीय संचालक श्री प्रकाश मग्दुम ह्या वर्साच्या कार्यावळींत सृजनशीलताय आनी उद्देगीक फुडारपणाचे मिश्रण दाखयतात.


WAVES फिल्म बाजार: प्रतिभा, तंत्रज्ञान, आनी जागतीक सहकार्याचें प्रदर्शन

आदीं फिल्म बाजार म्हणून वळखताले तो हो उपक्रम नॅशनल फिल्म डेव्हलपमेंट कॉर्पोरेशनान (एनएफडीसी) 2007 वर्सा सुरू केल्लो आनी आतां दक्षिण आशियांतलो सगळ्यांत प्रभावी फिल्म बाजार जाला.

बाजारांत पटकथा लेखक लॅब, बाजार प्रदर्शनां, पळोवपाची कक्ष लायब्ररी, आनी सह-निर्माण बाजार सयत वेंचून काडिल्ल्या वाठारांनी 300 परस चड चित्रपट प्रकल्पांचो व्हड संग्रह एकठांय केला. सह-निर्माण बाजारांत 22 फिचर फिल्मां आनी पांच डॉक्युमेंटरी आसात, जाल्यार WAVES फिल्म बाजार शिफारस विभागांत जायत्या फॉर्मेटांतल्यान 22 उत्कृश्ट चित्रपट दाखयल्यात. सात वयर देशांतले प्रतिनिधी मंडळ आनी धा परस चड भारतीय राज्यांतले चित्रपट प्रोत्साहन शोकेस ह्या मंचाक आनीक वाडयतात.

समर्पीत तंत्रगिन्यान मंडप नवीनतम VFX, CGI, एनिमेशन, आनी डिजिटल उत्पादन साधनां सोदून काडपाक एक गतिशील सुवात दिता. ह्या काऱ्यक्रमाची फुडाराक विचार करपी पद्दत आनीक वाडोवन, ह्या वर्सा LTIMindtree च्या सहकार्यान आयोजीत केल्ल्या CinemAI हॅकथॉनाचीय सुरवात जाली, जी निर्मात्यांक एआय चलीत कथा सांगप, प्रमाणीकरण प्रक्रिया आनी पायरेसी विरोधी नवनिर्माणांचो प्रयोग करपाक मजत करता.

सृजनशीलताय , तंत्रगिन्यान आनी जागतीक दिवप-घेवप हांच्या मिश्रणान, WAVES फिल्म बाजारांत सहकार्याची आनी सोद घेवपाची माची तयार जाता, सिनेमाच्या विचारां खातीर आनी आंतरराष्ट्रीय भागीदारी खातीर एक गतीशील केंद्र म्हूण भारताची भुमिका निश्चित करता.

 

IFFI विशीं

१९५२ वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. २० ते २८ नोव्हेंबर मजगती गोयांत जावपी ह्या ५६ व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

अधिक माहितीसाठी कृपया येथे क्लिक करा: 

इफ्फीचे संकेतस्थळ: https://www.iffigoa.org/

पत्रसूचना कार्यालयाची इफ्फी मायक्रोसाईट: https://www.pib.gov.in/iffi/56new/

पत्रसूचना कार्यालय इफ्फीवुड प्रसारण वाहिनी: https://whatsapp.com/channel/0029VaEiBaML2AU6gnzWOm3F

एक्स हँडल्स: @IFFIGoa, @PIB_India, @PIB_Panaji 

 

* * *

PIB IFFI CAST AND CREW | सुभाष जाण/उत्कर्षा भुस्कुटे/दर्शना राणे | IFFI 56


Great films resonate through passionate voices. Share your love for cinema with #IFFI2025, #AnythingForFilms and #FilmsKeLiyeKuchBhi. Tag us @pib_goa on Instagram, and we'll help spread your passion! For journalists, bloggers, and vloggers wanting to connect with filmmakers for interviews/interactions, reach out to us at iffi.mediadesk@pib.gov.in with the subject line: Take One with PIB.

Release ID: 2192164   |   Visitor Counter: 16

Read this release in: Punjabi , Telugu , Khasi , English , Urdu , Marathi , हिन्दी , Gujarati , Tamil , Kannada , Malayalam