విత్తనాల ముసాయిదా బిల్లు - 2025ను వ్యవసాయ, రైతు సంక్షేమ విభాగం (డీఏ అండ్ ఎఫ్‌ డబ్ల్యూ) రూపొందించింది. ఈ విభాగం కేంద్ర ప్రభుత్వ వ్యవసాయ, రైతుల సంక్షేమ మంత్రిత్వ శాఖ అధీనంలో పనిచేస్తోంది. బిల్లును ప్రస్తుత వ్యవసాయ, నియంత్రణ సంబంధిత అవసరాలకు అనుగుణంగా తీర్చిదిద్దారు. ప్రతిపాదిత శాసనాన్ని ఇప్పుడున్న విత్తనాల చట్టం - 1966తో పాటు విత్తనాల (నియంత్రణ) ఉత్తర్వు - 1983 స్థానంలోకి తీసుకు రావాలన్న ఉద్దేశంతో సిద్ధం చేశారు.

విత్తనాల ముసాయిదా బిల్లు - 2025లో - 

మార్కెట్లో లభిస్తున్న విత్తనాల నాణ్యతను క్రమబద్ధీకరించడం, రైతులకు గిట్టుబాటు ధరల్లో మంచి విత్తనాలను అందుబాటులోకి తీసుకురావడం, నకిలీ విత్తనాలు, నాసిరకం విత్తనాల అమ్మకాన్ని అరికట్టడం, రైతులు నష్టపోకుండా చూడటం, నవకల్పనను ప్రోత్సహించడం, విత్తనాల పరంగా ప్రపంచ రకాలను రైతుల చెంతకు చేర్చే ఉద్దేశంతో విత్తనాల దిగుమతిని సరళతరం చేయడంతో పాటు విత్తనాల సరఫరా వ్యవస్థల్లో పారదర్శకతను, జవాబుదారీతనాన్ని ప్రవేశపెట్టడం ద్వారా రైతుల హక్కులను కాపాడాలనే అంశాలను బిల్లులో పొందుపరిచారు.

చిన్న చిన్న నేరాలను నేర పరిధి నుంచి తప్పించాలనే ప్రస్తావనను ముసాయిదా బిల్లులో చేర్చారు. దీని ద్వారా వాణిజ్య నిర్వహణలో సౌలభ్యాన్ని పెంచాలనీ, నియమాలను అనుసరించాల్సిన బాధ్యతలను చాలావరకూ తగ్గించాలనీ పేర్కొన్నారు. కొన్ని ఉల్లంఘనలను మాత్రం తీవ్రంగా పరిగణించి, జరిమానాలను విధించాలని స్పష్టం చేశారు.

శాసనపరమైన పూర్వ సంప్రదింపుల ప్రక్రియలో భాగంగా, విత్తనాల ముసాయిదా బిల్లు - 2025తో పాటు నిర్దేశిత ప్రతిస్పందన నమూనాను మంత్రిత్వ శాఖ అధికారిక వెబ్‌సైట్లో https://agriwelfare.gov.in లో అందుబాటులోకి తీసుకువచ్చారు.

ముసాయిదా బిల్లు పైనా, బిల్లులోని అంశాలపైనా  సూచనలను, సలహాలను ఇవ్వాల్సిందిగా ప్రజలతో పాటు ఈ విషయంలో ఆసక్తి ఉన్న వారిని కోరారు. అభిప్రాయాలను jsseeds-agri[at]gov[dot]inకు ఈమెయిల్లో పంపవచ్చు.

అభిప్రాయాలను ఎమ్ఎస్ వర్డ్ లో లేదా పీడీఎఫ్ విధానంలో వీలయినంత త్వరగా, 2025 డిసెంబరు 11వ తేదీ లోపు పంపవచ్చు. (ఫార్మేట్ ‌ను ఈ కింది విధంగా పొందుపరిచారు).

 Click on the Link to see the draft copy of the Seeds Bill

అభిప్రాయాలు, సూచనలను ఇలా పేర్కొనండి..

 పార్ట్-బీ 

అభిప్రాయాలు లేదా సూచనలు

***