এম.এস.এম.ইশিং, অহানবা এক্সপোর্তর ওইরকপশিং অমসুং শিন্মী য়াম্না চঙবা থবকশিংগা লোয়ননা ভারতকী এক্সপোর্ত চাংদম্নবা শরুক য়াবা হেনগৎহন্নবা কেন্দ্রগী বজেত ২০২৫-২৬ দা লাউথোকখিবা মরুওইবা থবক- এক্সপোর্ত প্রোমোসন মিসন (ই পি এম) প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীখ্রে।

শেনবা চহি ২০২৫-২৬ দগী শেনবা চহি ২০৩০-৩১ ফাওবদা অপুনবা লুপা করোর ২৫,০৬০ গী শেনফম অমা কাইথোক্তুনা এক্সপোর্ত য়োকখৎনবা মিসন অসিনা অপুনবা, হোংদোক-হোংজিন য়াবা অমসুং দিজিতেলনা লমজিংবা ঙাক্লৌ অমা পীগনি। এক্সপোর্ত প্রোমোসন মিসন্না তোঙান তোঙানবা স্কিমশিংদগী অমতা ওইবা থবক অমদা পুনশিন্দুনা মালেমগী ললোন-ইতিক্কী খুদোংচাবশিং থেংনবা ঙমগনি অমসুং এক্সপোর্তরশিংগী দরকার ওইবশিং ফংহনগনি।

এক্সপোর্ত প্রোমোসন মিসন্দা কম্মর্স দিপার্তমেন্ত, এম.এস.এম.ই মিনিষ্ট্রি, ফাইনান্স মিনিষ্ট্রি, ফাইনান্সিএল ইন্সতিতুসনশিং, এক্সপোর্ত প্রোমোসন কাউন্সিল, কম্মোদিতি বোর্দশিং, ইন্দষ্ট্রি এসোসিএসনশিং অমসুং রাজ্য সরকারশিং য়াওরি।

 সব-স্কিম অনিগী খুৎথাংদা মিসন অসি থবক তৌগনি:

•        নিরয়াত প্রোতসাহন- ইন্তরেষ্ট সবভেন্সন, এক্সপোর্ত ফেক্তোরিং, কোলেতরেল গরেন্তিশিং, ই-কম্মর্স এক্সপোর্তরশিংগী ক্রেদিৎ কার্দশিং অমসুং অনৌবা কৈথেলশিংদা চঙনবা ক্রেদিৎ হেনগৎহনবগুম্বা থবকশিংগী খুৎথাংদা এম.এস.এম.ইশিংদা মমল হোংবা শেন্থং ফংহনবা হেনগৎনবা মীৎয়েং চঙলে।

•        নিরয়াত দিসা- এক্সপোর্ত ক্বালিতি অমসুং কমপ্লাইন্স সপোর্ত, ইন্তরনেসনেল ব্রান্দিংগী মতেং, পেকেজিং, ত্রেদ ফিয়ারশিং শরুক য়াবা, এক্সপোর্ত ৱায়ারহাওসিং অমসুং লোজিষ্ট্রিক্স, ইনলেন্দ ত্রান্সপোর্ত রিইমবর্সমেন্ত, ত্রেদ ইন্তিলিজেন্স অমসুং কেপাসিতি বিল্দিংগী থবকশিং য়াওনা কৈথেলগী শেম-শাবা অমসুং চাংদম্নবা হেনগৎহন্নবা মীৎয়েং চঙবা।

এক্সপোর্ত প্রোমোসন মিসনদা ইন্তরেষ্ট ইক্বেলাইজেসন স্কিম অমসুং মার্কেত এসেস ইনিসিয়েতিপগুম্বা মরুওইবা এক্সপোর্ত সপোর্ত স্কিমশিং য়াওরি অমসুং মতম মতমগী ললোন-ইতিক্কী দরকার ওইবশিং ফংহল্লি।

ভারতকী এক্সপোর্তনা মায়োক্নরিবা খুদোংচাদবশিং কোকহন্নবা মিসন অসি দিজাইন তৌবনি:

•          অকক্নবা অমসুং মমল তাংবা ত্রেদ ফাইনান্স ফংবা,

•          মালেম থাক্কী এক্সপোর্তকী থাকশিংগা লোয়ননা কমপ্লাইন্সতা শেন য়াম্না চঙবা,

•          এক্সপোর্ত ব্রান্দিং মতিক চাদবা অমসুং মচোই মচোই ওইনা কৈথেল ফংবা অমসুং

•         মনুং হুঞ্জিবা অমসুং এক্সপোর্ত য়াম্না লৈতবা মফমশিংদা এক্সপোর্তরশিংনা পোৎ-চৈ পুথোকপা পুশিনগী খুদোংচাদবশিং।

এক্সপোর্ত প্রোমোসন মিসনগী মখাদা, হন্দক মালেমগী ওইনা তারিফ হেনগৎলকপদা চৈথেং ফংলবা সেক্তরশিং হায়বদি তেক্সতাইল, শাউন, জেমস অমসুং জেৱেলারি, ইঞ্জিনিয়ারিংগী পোৎথোকশিং অমসুং সমুদ্রগী পোৎথোকশিংদা মতেং পাংগনি। মসিনা এক্সপোর্ত ওর্দরশিং ফগৎহনবা, থবক ফংহনবা অমসুং অনৌবা লমশিংদা য়োনবদা মতেং পাংগনি।

দাইরেক্তোরেত জেনেরেল ওফ ফোরেন ত্রেদ( দি জি এফ তি)না ইমপ্লেমেন্তিং এজেন্সি ওইনা থবক তৌগনি অমসুং হৌজিক চৎনরিবা ললোন-ইতিক্কী থবকশিং অসিগা লোয়ননা অখন্নবা দিজিতেল প্লেতফোর্ম অমগী খুৎথাংদা থবক খুদিংমক পাংথোক্কনি।

 মিসন অসিনা পাংথোক্কনি:

•          এম.এস.এম.ইশিংদা মমল হোংবা শেন্থং ফংহনবা,

•          কমপ্লাইন্স অমসুং সর্তিফিকেসনগী খুৎথাংদা এক্সপোর্তকী শেম শাবা হেনগৎহনবা,

•          য়োনফম কৈথেল অমসুং ভারতকী পোৎথোকশিং উহনবা হেনগৎহনবা

•          অনৌবা জিলাশিং অমসুং সেক্তরশিংদগী এক্সপোর্ত হেনগৎহনবা,

•          মেনুফেকচরিং, লোজিষ্ট্রিক্স অমসুং মরী লৈনবা থবকশিংদা থবক ফংহনবা।

Viksit Bharat @2047 গী পান্দমগা লোয়ননা ভারতকী এক্সপোর্তকী থবকশিংনা হিরম খুদিংমক কোনশিন্নবা, তেক্নোলোজি শীজিন্নবা ঙম্নবা অমসুং মালেমগী চাংদম্নবা শরুক য়াবা ঙম্নবা থবকশিং পায়খৎনবা এক্সপোর্ত প্রোমোসন মিসন্না পান্দম থম্লি।

***