Ki resol ki la mih! Ka President ba donburom jong ka Ri India, ka Droupadi Murmu ka la sam ïa ki khusnam Swachh Survekshan 2024-25 ha Vigyan Bhagwan, New Delhi kaba la pynlong da ka Tnad Housing and Urban Affairs (MoHUA). 23 tylli ki nongbah Super Swachh League ki la ioh ia ka jingpynkup burom ha ka jingiadonlang u Myntri Sorkar Pdeng u Manohar Lal bad u Myntri Khynnah, MoHUA u Tokhan Sahu. Ka pateng kaba thymmai jong ki nongbah kiba khuid jong ka Ri India ki la poi ha kaba ka Ahmedabad, Bhopal bad Lucknow ki la paw kum ki Swachh Shehar kiba hakhmat eh. La pynbna 43 tylli ki khusnam jong ka ri, ryngkat bad ka jingithuh kyrpang ia u Mahakumbh.

Ha ka jingïalang ban sam ia ki khusnam Swachh Survekshan 2024-25, u Myntri Sorkar Pdeng u Manohar Lal u la sam ïa ka khusnam kum ka Best Ganga Town sha ka Prayagraj, katba ïa ka Secunderabad Cantonment la pynkup burom kum ka Best Cantonment Board namar ka jingtrei shitom jong ka ban lehkhuid kaba long ka nuksa. Ia ka GVMC Visakhapatnam, Jabalpur, bad Gorakhpur la pynbna kum ki Best SaifaiMitra Surakshit Shehar namar ka jingshimkhia kaba khraw jong ki na ka bynta ka jingshngain bad ka burom jong ki nongtrei kiba pynkhuid. La ai ka jingithuh ba kyrpang ia ka sorkar jyllam jong ka UP, ka Prayagraj Mela Adhikari bad ka Prayagraj Municipal Corporation, na ka bynta ka jingpynkhuid ïa ki jaboh jabaiñ ha sor ha ka por jong ka Mahakumbh, ka jingïalang kaba heh tam ha ka pyrthei, kaba la sakhi ïa ka jingwan jong ki briew haduh kumba 66 klur ngut.

Ka Swachh Survekshan mynta u snem kam shym la pynbha bad pynbeit ryntih tang ïa ka rukom treikam na ka bynta ki nongbah kiba heh, hynrei ka la pynsuk ruh ïa ki nongbah kiba rit, da kaba pynshlur ïa ki ban ïakhun bad ban kiew sha ka kyrdan jong ka swachhata. Ki nongbah kiba kham rit ki la shem ia ka jingiakhun kaba ryntih bad ki nongbah kiba heh ha ka jingwad bniah. Da kaba bud ia ka nongrim ‘Kawei ka Nongbah, Kawei ka Khusnam’, la ithuh ia ki nongbah kiba leh bha na kawei pa kawei ka Jylla kum ki Promising Swachh Shehar. Baroh 34 tylli ki nongbah ha kylleng ki Jylla bad ki Union Territory bapher bapher ki la ioh ia kane ka nam, kaba pyni ia ka jingkiew ba kongsan jong ki ha ka jingkhuid jingsuba ha ki jaka sor.

Haba kren ha kane ka jingïalang, ka President ba donburom jong ka ri India ka la ai khublei ïa ka Tnad kaba la kyntiew ïa ka Reduce, Reuse, Recycle (3R) bad ka la ai jingsngewnguh na ka bynta khusnam ‘Ka jingjaboh sha ka spah’ ba la ai ia. Ka “Waste is best” kadei ka mantra bad ka ai bor ia ka jinglong tylli ha ka ioh ka kot”, ka la bynrap. Ka la pynpaw ia ka bynta jong ka ha kaba pynkupbor ia ki samla, ban pynmih ia ki kam kiba khuid, bad ban thaw ia ki lad ban seng kam seng jam, ban pyniasoh bad ki SHG. “Nga sngewkmen ban iohi ba ki nongbah ki la pdiang ia ka jinglong tylli ha ka ioh ka kot bad ka swachhata kum shi bynta swabhav bad ka sanskaar jong ngi. Ka President ba donburom ka la ai khublei ia ki nongbah kiba don hapoh 1 lak ngut ki nongshong shnong kiba la buh ia ki kyndon kiba bha tam jong ka swachhata. Ka la ïaroh kumno ki jingïarap jong ki skul, ki sienjam na ka bynta ki startup kiba jied ia ki jait niut na ki jaka ba bynmih ia kine, ki jaka ba khlem pynmih jaboh ki pynlong ïa ka jingkut jingmut na ka bynta ka Swachh Bharat kaba kham khlaiñ. Ka la pynkut,” ka Viksit Bharat jong u snem 2047 kan long ka nuksa ïa ka pyrthei”.

Haba plie ia ka sienjam Swachh City Partnership , u Myntri Sorkar Pdeng u Manohar Lal u la ban jur ia ka jingdonkam jong ka jinghikai na kito kiba iadon bynta lang ha ka kam. U la ong ba baroh 78 tylli ki nongbah kiba treikam bha kin shim & ai jingmut ïa ka 1 tylli ki nongbah kiba duna ha ka jingtreikam na kawei pa kawei na ki Jylla bapher bapher. “Zaroorat hai Sub ko saath lekar chalne ki”, u la bynrap. Da kaba bud ia ka mantra jong Kawei pa kawei kan pynkhuid ia kawei, u la ong, “ki nongbah kiba jop kin ialam lynti, btin bad ialam ia ka lynti na ka bynta kiwei pat. Ka la dei ka por ban wanrah ia ki nongbah kiba duna ka jingtreikam ha khlieh duh.” Haba pynbna ïa ka prokram Accelerated Dumpsite Remediation, u Myntri Sorkar Pdeng u la ong, “kane ka prokram ba kyrpang kaba 1 snem kaba sdang naduh ka 15 tarik u Nailar, 2025, kan ym ïarap tang ban pynsted ïa ka jingpynkhuid ïa ki jaboh ba la rim bad plie lad ïa ka jaka sor kaba heh, hynrei kan wanrah ruh ïa ka bor ban pynkhuid ïa ki jaboh da ka jingstad saian.”

Haba pdiang burom ïa ki nongwan, u Srinivas Katikithala uba dei u Secretary jong ka Tnad Housing and Urban Affairs (MoHUA), u la pynleit jingmut halor ka jingïaid lynti jong ka Swachh Bharat Mission kaba pynkylla dur ha kine ki shiphew snem ba la leit noh. U la ong kumno ka jingkhuid jingsuba bad ka jinglehkhuid ka la shim ia ka jaka pdeng, ka la kylla long ka bynta ba kongsan jong ki jingngeit tynrai jong nongshong shnong bad ka jingim ba man ka sngi - kaba la rung jylliew ha ka swabhav bad sanskaar jong ki. U Katikithala u la pynpaw ruh ïa ka bynta jong ka Swachh Survekshan kum ka atiar kaba khlaiñ kaba la pynlong ïa ki nongbah ban leh kham bha. U la ban shuh shuh ba ka rukom treikam ba la pynthymmai - kaba don 10 tylli ki thup ba thymmai bad san tylli ki thup jingbun briew bapher bapher - ka la pynlah ïa ki nongbah kiba kham rit ban ïakhun ha ka kyrdan kaba ïaryngkat bad kiba kham heh, kaba kyntiew ïa ka jingkiew shaphrang kaba kynthup lang bad kaba iar. “Hadien ba ngi la pyndep hok ïa ki 10 snem jong ka Swachh Bharat Mission, ka dei ka por, ha kaba ngi donkam ban thmu, ym tang na ka bynta ki shiphew snem ban wan, hynrei ngi donkam ruh ban buh ïa ka rukom treikam na ka bynta ka Viksit Bharat shuwa u snem 2047”, u la pynkut.

Katba ka President ba donburom ka la plie ia kane ka jingialang, la ai sngewbha ia ka da ka sarangi kaba itynnad bha da u Myntri Sorkar Pdeng kum ka dak ka jingsngewnguh. Ka memento ka pyni nuksa jong ka ‘jingjaboh sha ka spah’ da kaba pynkylla ia ki tiar ba la bret sha ki jingshna kiba don jingmut, kiba itynnad - kaba pyniasoh lang ia ka jingpynneh pynsah bad ka jingtrei kti.

Ha kane ka sngi la pyllait paidbah ïa ka Swachh Survekshan 2024-25 Results Dashboard lyngba ki lad digital, kaba ai ïa ka jingïathuh lyngkot halor ki kyrdan bad ki jingjop. Ia ki mat ba kongsan jong ka Swachh Survekshan 2024-25 bad ki jingjop jong ki Nongbah jong ka Super Swachh League la pyni lyngba ki jingpyni ba itynnad bad ki jingpyni dur, kiba pyni ia ka kam bad ka jingiar jong ka kam ban wanrah ia ka jingkhuid ha ka ri baroh kawei.

Peit ia ka thup jong ki nongjop, ki resol GFC & ODF dashboard hangne.

Nion hangne na ka bynta ka jingkren ba pura jong ka President ba don burom ka Droupadi Murmu

Nion hangne na ka bynta ka thup ba pura jong ki Nongjop khusnam

****