U aktor-nongsaindur ba tbit bha u Aamir Khan u khring ia ka jingieid namar ki jingai jingmut jong u ba shemphang jong u halor ka ‘Ka Art of Acting’ ba la ai na ka rynsan jong ka Creatosphere ha ka WAVES 2025 mynta ka sngi. Ka jingai jingmut ka wan na ka jingshemphang jong u la bun bun snem ha ka kam shna phlim kumba ong une u aktor ba la rim bha, “Ngam dei u aktor ba la shah hikai. Nga la kwah ban leit sha ka National School of Drama, hynrei ngam lah. Nga la shim ïa ki jingai jingmut ba don ha ka lynti, kiba la treikam na ka bynta jong nga.”

Haba kren shaphang ka lawei jong ka jingshna phlim, u Aamir Khan u la ong, ba ka teknoloji AI ka la pynlah ban ring phlim khlem ka jingdon u aktor! Ka AI bad ka teknoloji ka lah ban pynrung ia u Actor hadien ha ka jingring phlim.

Ka kam kaba nyngkong eh bad kaba kongsan tam na ka bynta u aktor ka long ban rung ha ka jingmut jingpyrkhat jong u nongak, la ong une u aktor uba tbit bha uba ha kine ki snem u la ai sngewbha ia kiba bun ki jinga ak kiba sah jingkynmaw sha ka kam shna phlim jong ka India. Bad kumno u sngewthuh bha ia ka jinglong jong ki briew ba u pyni? U aktor ba aiti lut u ong, "Nga pynlut por shibun bad ki script. Nga pule ia ka script bunsien. Lada ka script ka long kaba bha, phin sngewthuh ia ki briew ba phi iohi, ia ka jinglong jong u, ka jinglong bad kiwei ka ban kin mih na kane”. Nalor kata, ki jingiakren shaphang u nongthoh bad ka khana bad u director ruh ki ai jingmut.

Da kaba pynshai ia ka jingtrei shitom jong u, u Khan u la pynpaw, “Nga don ka jingkynmaw kaba tlot. Kumta, nga thoh ia ki dialogue. Nga shim shwa ia ki jingak kiba eh. Dei ban kynmaw lyndet ia ki jingiakren. Ha ka sngi kaba nyngkong, nga peit ia ka. Nga leh ia ka man la ka sngi haduh 3-4 bnai, bad nangta na sngew iajan bad ka. Ki jingiakren kidei ban long ki jong phi. Phi hap ban sngewthuh ia ka. Ha ka por ba thoh ia ka kadei jong u nongthoh script hadien ka kylla long ka jong phi.  Haba phi ban ia kajuh ka lain, phi sngewthuh, phi lah ban leh ia ka ha kiba bun ki rukom.

Kaei ka kam kaba eh ia ki aktor? U aktor u hap ban iai ban ia kajuh bad leit ak biang da kajuh ka jingshit rhem man ka sngi, la ong u Aamir Khan.

Sa kawei ka jingai jingmut kaba kongsan na ka bynta ki aktor kiba dang thymmai kaba wan na u Aamir Khan ka long – “Katba phi nang pyni ia kaba dei hok, katta phin nang leh bha”.

Kumta, kumno u Aamir Khan u pynkhreh ia ki scene jong u?

Ka jubab ka long “Nga ju pyrkhat ia ki jingjia shwa ban ak. Ngam ju peit ha ka iitkhmih haba nga dang pynkhreh ia ki scene.”

Kaei ka jingsngewtynnat shimet jong u Aamir Khan na baroh ki phlim-projek jong u? Kumba bun ki la antad, ka dei ka ‘Taare Zameen Par’ namar ka la hikai ia kiba bun ki kmie ki kpa ban long kiba iaishah ia ki khun, ban kyrshan ia ki bad ban long kiba don jingsngewlem ia ki khun rit jong ki!

Kiei kiwei pat ki jingai jingmut kiba une u aktor ba la rim bha u la ai na ka bynta kito kiba dang sdang?

"Haba nga pyndonkam ia ka jingsngew, ka hap ban wan na ka script. Phi hap ban ngeit ia ka script. Teng teng ki don ki scene ha ki phlim ki bym lah ban ngeit. Hynrei u aktor u lah ban pynlong ia phi ban ngeit. U aktor u hap ban pynngeit ia ki nongpeitkai shaphang kaei kaba la pyni".

Kaei ka script kaba bha? U Aamir Khan u la ong, "Ka script kaba bha kan don ia ka nongrim kaba shai. Ka jingbuh thong ka dei ban wan ha ka shiphew na ka shispah kaba nyngkong jong ka jingiathuhkhana. Lym kumta ka jingsngewtynnad jong ki nongpeitkai kan jah noh”.

Hynrei ka jingai jingmut kaba kongsan tam na ka bynta baroh kiba don bynta ha ka projek ba iadei bad ki phlim – “To leh ia kaei kaba ka scene ka dawa, bad wat pyrkhat tang ia la ka jong ka kam ha ka”.

La pynkup burom ia u Aamir Khan da u Union Information and Broadcasting Secretary, u Sanjay Jaju

Na ka bynta ki jingpynbna, sngewbha bud ia ngi:

Ha ka X :

https://x.com/WAVESummitIndia

https://x.com/MIB_India

https://x.com/PIB_India

https://x.com/PIBmumbai

Ha ka Instagram:

https://www.instagram.com/wavesummitindia

https://www.instagram.com/mib_india

https://www.instagram.com/pibindia

* * *