بین الاقوامی سنیما میں شاندار نئے ٹیلنٹ کو فروغ دینے کے مقصد کے ساتھ 56 ویں انٹرنیشنل فلم فیسٹول آف انڈیا(آئی ایف ایف آئی) 2025 میں پانچ بین الاقوامی اور دو ہندوستانی فلموں کی نمائش کی جائے گی جنہیں خاص طور پر ایک ڈائریکٹر کے لیے بہترین ڈیبیو فیچر فلم ایوارڈ کے لیے منتخب کیا گیا ہے۔

فاتح کو باوقار سلور میور،10 لاکھ  روپے کا نقد انعام اور ایک توصیفی سند   دی جائے  گی۔

سینما کی معروف جیوری فاتح کا فیصلہ کرے گی۔ جیوری کی سربراہی معروف  ہندوستانی فلمساز راکیش اوم پرکاش مہرا کریں گے۔ ان کے ساتھ گریم کلفورڈ (ایڈیٹر اور ڈائریکٹر، آسٹریلیا)، کیتھرینا شٹلر (اداکار، جرمنی)، چندرن رتنم (فلم ساز، سری لنکا)، اور ریمی اڈیفراسن (سینماٹوگرافر، انگلینڈ) شامل ہوں گے۔

ہر سال کی طرح اس سال بھی فلم فیسٹول پہلی بار فلم بنانے والوں کے بہترین کام کی نمائش کرے گا اور دنیا بھر سے اگلی نسل کے کہانی سنانے والوں کے سنیما نظارے پیش کرے گا۔

فرینک

اسٹونین فلمساز ٹونس پائیلو اپنی فیچر فلم کا آغاز اس پُرجوش ڈرامے کے ساتھ کر رہے ہیں۔ اس فلم کا پریمیئر انٹرنیشنل فلم فیسٹول برائے چلڈرن اینڈ ینگ آڈینس – شلنگل 2025 میں ہوا، جہاں اسے کئی ایوارڈز کے لیے نامزد کیا گیا،  جس میں ایف آئی پی آر ای ایس سی آئی جیوری پرائز کے ساتھ  کئی ایوارڈ کے لئے نامزدگ کیا گیاتھا۔

گھریلو تشدد کے ایک وحشیانہ واقعے کے بعد 13 سالہ پال اکھڑ جاتا ہے اور خود کو ایک نئے شہر میں پاتا ہے۔ تعلق کے احساس کی اس کی تلاش اسے گمراہ کن فیصلوں کی طرف لے جاتی ہے۔ جیسے ہی اس کا مستقبل کھلنا شروع ہوتا ہے، ایک سنکی، معذور اجنبی کے ساتھ ایک غیر متوقع تعلق اس کی زندگی کا رخ بدل دیتا ہے۔

یہ فلم ٹوٹے ہوئے خاندانوں، بچپن کے زخموں کے خاموش درد اور غیر متوقع دوستی کی تبدیلی کی طاقت کو تلاش کرتی ہے۔

 فیوری (اصل  ٹائٹل:لا فیوریا)

ہسپانوی فلمساز گیما بلاسکو کی طاقتور پہلی فیچر فلم- فیوری  ایک سفاک ڈرامہ ہے جو ایک جرأت مندانہ نئی آواز کی آمد کا اشارہ دیتا ہے۔ فلم کا پریمیئر ایس ایکس ایس ڈبلیو فلم فیسٹول- 2025 اور سین سیبسٹین انٹرنیشنل فلم فیسٹول- 2025 میں ہوا۔

اداکارہ الیگزینڈرا فلم میں میڈیا  نمائندہ کا کردار ادا کر رہی ہیں۔ نئے سال کے موقع پر عصمت دری کے بعد وہ اپنے کردار کے ذریعے اپنے درد کا اظہار کرتی ہے، جب کہ اس کا بھائی، ایڈرین اسے بچانے میں ناکامی پر شرمندگی اور غصے سے  دوچار رہتاہے۔

یہ فلم ایک نسائی نقطہ نظر پیش کرتی ہے اور اس خوف، شرم، بیزاری، اور جرم کی کھوج کرتی ہے جس کا سامنا جنسی استحصال سے بچ جانے والوں کو پُرتشدد، پدرانہ معاشرے میں روبرو ہوتا ہے۔

کارلا

جرمن فلمساز کرسٹینا ٹورنیٹیز کا پہلا ڈرامہ-  کارلا، میونخ فلم فیسٹول میں پریمیئر ہوا، جہاں اس نے دو ایوارڈز جیتے: بہترین ہدایت کار اور بہترین اسکرین رائٹر کا۔

1962 میں میونخ میں سیٹ کی گئی یہ فلم 12 سالہ کارلا کی سچی کہانی بیان کرتی ہے جو اپنے والد کے خلاف برسوں سے ہونے والی زیادتیوں سے تحفظ حاصل کرنے کے لیے مقدمہ دائر کرتی ہے۔

گہری حساسیت اور ماحول کی سینماٹوگرافی کے ساتھ بنائی گئی یہ فلم ایک بچے کی کہانی کا ایک طاقتور بیان ہے، جسے اس نے اپنے الفاظ میں بیان کیا ہے۔ کارلا کے ساتھ ٹورنیٹیز  ایک ایسی سنیمیٹک زبان تخلیق کرتا ہے جو غیر کہی ہوئی بات کرنے کے قابل ہوتا ہے — جو نرمی، وضاحت اور شدید تحفظ پر مبنی ہے۔

 مائی ڈاٹر زہیئر (اصل  ٹائٹل  - راہا)

ایرانی ہدایت کار حسام فرہمند اپنی مشہور مختصر فلموں اور دستاویزی فلموں کے بعد ایک طاقتور سماجی ڈرامہ کے ساتھ واپس لوٹے ہیں۔

فلم توحید پر مرکوز ہے، جو اپنے خاندان کے لیے ایک چھوٹی سی خوشی لانے کے لیے ایک سیکنڈ ہینڈ لیپ ٹاپ خریدنے کے لیے اپنی  چھوٹی بیٹی کے بال بیچتا ہے۔ لیکن جب ایک امیر خاندان لیپ ٹاپ کی ملکیت پر سوال اٹھاتا ہے تو تنازعات کا ایک سلسلہ گہری طبقاتی تقسیم کو بے نقاب کرتا ہے۔

حقیقی زندگی کے حقائق سے متاثر ہو کر فرہمند ایک ایسی دنیا تخلیق کرتا ہے جہاں اخلاقیات دھندلی اور انصاف کمزور ہے۔ غیر متزلزل مشاہدے کے ساتھ‘راہا ’وقار، جدوجہد اور بقا کی خاموش قیمت کے بارے میں ایک عالمگیر کہانی بن جاتی ہے۔

دی ڈیول اسماکس (اینڈسیو دی  برنٹ میچس  ان دی سیم باکس)(اصل  ٹائٹل  - ایل ڈیابلو فوما وائی گارڈز لاس کیبز ڈے لاس سیریلو س کیوماڈوز  این لا مسما کازا)

میکسیکن فلمساز ارنسٹو مارٹنیز بوکیو کی غیر معمولی پہلی فیچر فلم نے برلن انٹرنیشنل فلم فیسٹول- 2025 میں پہلا پرسپیکٹیو مقابلہ جیتا۔

اس  فلم میں پانچ بہن بھائیوں کی کہانی بیان کی گئی ہے جنہیں ان کے والدین نے ترک کر دیا تھا اور خود کو سنبھالنے پر مجبور کیا گیا تھا۔ جیسے جیسے  وہ تنہائی اور اکیلے پن سے  گزرتے ہیں ، تو وہ اپنی پریشانیوں کو اپنی شیزوفرینک دادی کے غیر مستحکم ذہن کے ذریعے نیویگیٹ کرتے ہیں اور  ایک دوسرے کے تعلق کو برقرار رکھنے کی اپنی جدوجہد میں فنتاسی اور حقیقت کے درمیان لکیروں کو دھندلا دیتے ہیں۔

 الیپٹیکل   نیریٹیو  کے ذریعے بنائی گئی یہ فلم بچپن کے خوف اور جبلت کا ایک پُرجوش، پریشان کن باتیں واقعات  پیش  کرتی ہے۔ یہ  جانی پہچانی ‘ہوم الون’ کہانی کو خوف، تخیل اور بقا کی پرتوں والی نفسیاتی تلاش میں بدل دیتا ہے۔

شیپ آف مومو

 ہندوستانی  فلمساز تریبینی رائے کی پہلی فیچر فلم ‘شیپ آف مومو’ نے تہوار کے شاندار سفر کے بعد ڈیبیو مقابلے میں شاندار کارکردگی کا مظاہرہ کیا۔ اس فلم کو  کانز- 2025 میں‘ ہف گوز ٹو کینز‘کے شوکیس کے لیے جاری پانچ ایشیائی کاموں میں سے ایک کے طور پر منتخب کیا گیا تھا۔ فلم کا پریمیئر بوسان انٹرنیشنل فلم فیسٹول میں ہوا اور اس کی نمائش سین سیبسٹین میں بھی ہوئی، جہاں اسے نئے ڈائریکٹرز ایوارڈ کے لیے نامزد کیا گیا۔

سکم میں سیٹ اور نیپالی میں فلمائی  گئی کہانی بشنو کے بارے میں ہے۔ وہ کئی نسلوں کی خواتین کے اپنے گھر لوٹتی ہے، جو اب سستی کا شکار ہے۔ اپنے اور ان کے لیے دوبارہ آزادی حاصل کرنے کے لیے پرعزم، وہ پدرانہ نظام کے بنائے ہوئے معمولات کو توڑ دیتی ہے۔ ہر عورت کو ایسی ہی صورتحال کا سامنا کرنا پڑتا ہے: ان حدود کو قبول کرنا یا مزاحمت کرنا جو اسے وراثت میں ملی ہیں۔

شیپ آف مومو روایت، آزادی، اور خاندانوں میں رونما ہونے والے پرسکون انقلابات کی ایک متحرک عکس بندی  ہے۔

آتا تھامبائچا نائے! (انگریزی  انگلش تائٹل -  ناؤ دیئر از نو شیپنگ!)

یہ اداکار شیوراج ویچل کی پہلی فیچر فلم ہے۔ مراٹھی زبان کا یہ ڈرامہ ممبئی میونسپل کارپوریشن میں درجہ چہارم کے صفائی کے کارکنوں کے ایک گروپ کی سچی کہانی پر مبنی ہے۔ ایک سرشار افسر سے متاثر ہو کر وہ اپنے 10ویں جماعت کے امتحانات مکمل کرنے کے لیے اسکول واپس آنے کا فیصلہ کرتے ہیں۔

مزاح اور جذبات کا امتزاج  پیش کرتے ہوئے یہ فلم ہمت، کام کے وقار، اور تعلیم کی تبدیلی کی طاقت کا اعزاز دیتی ہے — یہ ثابت کرتی ہے کہ سیکھنے، خواب دیکھنے یا دوبارہ شروع کرنے میں کبھی دیر نہیں ہوتی۔

*******

ش ح-  ظ ا -  م ش

UR  No. 1005