প্রধানমন্ত্রীগী লোইশঙ
প্রধান মন্ত্রীনা জাতিগী ঈশৈ “ভন্দে মাতরম”গী চহি ১৫০ মপুং ফারকপগী চহি অমা চুপ্না পাংথোক্কদবা নিংশিং কুমহৈ হৌদোকপগী মীৎকুপ খরা মীয়ামদা শেয়র তৌখ্রে
प्रविष्टि तिथि:
07 NOV 2025 1:00PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি নই দিল্লীদা জাতিগী ঈশৈ “ভন্দে মাতরম”গী চহি ১৫০ মপুং ফারকপগী চহি অমা চুপ্না পাংথোক্কদবা নিংশিং থৌরম হৌদোকখ্রে। শ্রী মোদীনা হায়খি মদুদি ভন্দে মাতরম অসি ৱাহৈ খক্তা নত্তে, মসি মন্ত্র, ইনর্জী, মঙলান অমসুং অচেৎপা ৱারেপ অমনি। ময়াম পুন্না ভন্দে মাতরম শকমিন্নবা অসি তশেংনা থোইদোক-হেন্দোক্না ফজরবা, ফোংদোকপা ঙম্বগী ৱাংমদা লৈবা অদুগুম্বা শিংথানিংঙাই ওইরবা এক্সপরিয়েন্স অমনি হায়না শন্দোক্না তাক্লদুনা শ্রী মোদীনা হায়খি মদুদি খোঞ্জেল কয়াগী মরক্তা অখন্নবা তান অমা, অপুনবা খোন্থোক, ময়ামগী অপুনবগী নুংঙাইবা অমসুং অথিংবা-অপনবা লৈতবা ফ্লো অমা থোক্লকই হায়না পনখি। প্রধান মন্ত্রীনা হায়খি মদুদি নবেম্বর ৭ অসি পুৱারী ওইরবা নুমিৎ অমনি মরমদি লৈবাক অসিনা ভন্দে মাতরমগী চহি ১৫০ মপুং ফারকপগী নুংঙাইবা ফোংদোক্লি।
থৌরম হৌদোকপগী মীৎকুপ খরা Xতা শেবর তৌরদুনা শ্রী মোদীনা হায়খি:
“দিল্লীদা থৌরম অমদা ৱা ঙাংলদুনা শ্রী মোদীনা হায়খি মদুদি ঐখোয়না ভন্দে মাতরমগী চহি ১৫০ মপুং ফারকপগী থৌরম পাংথোক্লি। ঈশৈ অসিনা লৈবাক অসিগীদমক মীরোল কয়া কয়াগী পুক্নিং থৌগৎতুনা লাক্লি।”
“দিল্লীদা জাতিগী ঈশৈ ভন্দে মাতরমগী চহি ১৫০গী পুৱারী ওইরবা থৌরমদা শরুক য়াদুনা অনৌবা ইনর্জী অমা ফংলে।”
“ভন্দে মাতরমগী চহি ১৫০গী নীংশিং থৌরমদা অখন্নবা পোস্তেল স্তাম্প অমসুং নিংশিং শেলয়েক থাদোকপদা চাউথোকচরি।
“থৌরম অসিদা ঐহাক্না ভন্দে মাতরমগী পুৱারী ওইরবা খোঙচৎ অমসুং মসিগী চৎনবীগী মরুওইবা অদু য়াম্না কান্নবা মওংদা উৎলিবা একজিবিসন অদু য়েংখি।”
“ঙসি ভন্দে মাতরমগী চহি ১৫০ মপুং ফাবগা মরী লৈনবা ৱেবসাইত অমা হৌদোকপা অসিদা য়াম্না নুংঙাইবা ফাওই। হৌজিক্তি লৈবাক অসিগী মীপুম খুদিংমক্না অমর ওইরবা ঈশৈ অসি শক্তুনা পুক্নিংগী ওইবা মরি অদুবু ফাওবা ঙম্লগনি।
ps://vandemataram150.in”
“ভন্দে মাতরমগী অপুনবা শৈশক্কী ময়েক খুদিংমক্তা লৈবাক নীংবগী ৱাখল্লোন, অমত্তা ওইবগী থৌনা অমসুং অচেৎপা ইথিলগী অঙকপা খোন্থাং অমা ওইনা তাখি। মসিগী থৌরম অসিনা মীওই খুদিংমক্তা অমুক্কা হন্না ভন্দে মাতরম অসি ঈশৈ অমা খক্তা নত্তে, মসি ভারতকী পুক্নিংগী ইথিল অদুবু অদুবু ফোংদোক্লি।”
“মীখা পোল্লিঙৈ মতমগী মনুংদা ভন্দে মাতরমনা ভারত নিংখা তম্লগনি হায়বা ফিরেপ অসিগী প্রোক্লেমেসন ওইখি,
মা ভারতীগী মখুৎশিংনা মীখা পোনবগী য়োৎহ্লিং অদু থদৎকনি অমসুং মহাক্কী মচা-মশুশিংনা মখোয় মশাগী মরাইবক লেপচগনি!”
“ভন্দে মাতরমগী মপুং ওইবা রচনা অসিদা বঙ্কিম বাবুগী ৱাহৈ খুদিংমক অমসুং ৱাহৈশিং অদুদা পুক্নিংগী ওইবা ইথিলগী অরুবা ৱাহন্থোক অমা য়াওরি। মসিনা মরম ওইদুনা মসি মতম খুদিংদা মরু ওই।”
“ঙসি ঐখোয়না লৈবাক অসিগী মীওই কোতি ১৪০না লৈবাক অসিগীদমক ভন্দে মাতরম শোন্দুনা থৱায় কৎখ্রবা শকখঙদ্রবা অথৌবশিং খুদিংমক্তা শ্রদ্ধাঞ্জলি কৎচরি।”
“ভন্দে মাতরমনা ইথিল পীবদগী ঙসিদি ঐখোয়না অমুক্কা হন্না ভারতকী মঙলান অসি মঙফাওনহল্লে, মসিদা ঐখোয়গী নারি শক্তি অসিনা লৈবাক শেমগৎপদা খ্বাইদগী মাংজিল থারি।”
“অনৌবা ভারতনা মীওইবা জাতিগী সেবাগীদমক করিগুম্বা কমলা অমসুং বিমলাগী শক্লোন লৌরবদি, ফত্তবশিংবু মুত্থৎনবগীদমক্তা মহাক অসি খুৎলাই তরা পাইবা দুর্গাগী শক্লোন লৌবশু ঙম্মি।
“ঙসিগী মীরোলগীদমক্তা মসিমশু খঙজিনবদা য়াম্না মথৌ তাই মদুদি জাতি শেমগৎপগী মহামন্ত্র, ভন্দে মাতরমগী মরুওইবা পরিংশিং অদুবু করিগীদমক লৌথোকখিবনো, মসি অচুম্বা ৱায়েল নত্তে।”
“চাউখৎপা অমসুং মীপাল তাংদনা মরোমদোম লেপচবা ঙম্বা ভারত অমগী মাইকৈ তম্না খোং থাজিল্লিবা ঐখোয়গী লৈবাক অসিনা ঙসিশু অনৌবা মাইপাকপা কয়া অমা পুরকপা মতমদা, ভারতমাচা খুদিংমক্না চাউথোক্না লাওরি- ভন্দে মাতরম!”
***
(रिलीज़ आईडी: 2187887)
आगंतुक पटल : 7
इस विज्ञप्ति को इन भाषाओं में पढ़ें:
Telugu
,
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Kannada
,
Malayalam