U Myntri Rangbahduh Narendra Modi un plié paidbah ia ka jingrakhe kaba shi snem lynter ia ka jingrwai “Vande Mataram” ha ka 7 tarik u Naiwieng 2025 ha ka por kumba 9:30 mynstep ha ka Indira Gandhi Indoor Stadium, New Delhi.

U Myntri Rangbahduh un pyllait paidbah ruh ia ka Stamp ba Kyrpang bad ka Pisa Nar ha kane ka sngi. Kane ka prokram ka dei ka dak jong ka jingsdang ia ka jingrakhe kaba shi snem ha baroh kawei ka ri naduh ka 7 tarik u Naiwieng 2025 haduh ka 7 tarik u Naiwieng 2026, kum ka jingrakhe ia ka jingdap 150 snem kane ka jingrwai kaba la ai mynsiem ia ka jingiakhih na ka bynta ka jinglaitluid ka India bad kaba bteng ban wanrah ia ka jingsngew sarong na ka bynta ka ri bad ruh ka jingiatylli.

Ka jingrakhe kan kynthup ia ka jingiarwai lang ia baroh kawei ka jingrwai “Vande Mataram” ha ka por 9:50 baje mynstep ha ki jaka paidbah ha kaba ki nongshong shnong kin iashim bynta ryngkat bad ka prokram ba la buh kyrpang.

Ka jingrwai Vande Mataram ka dap 150 snem ha u snem 2025. Ka jingrwai jong ka ri jong ngi “Vande Mataram”, da u Bankimchandra Chatterji ka dei kaba la thoh ha ka por jong ka Akshaya Navami kaba long ha ka 7 tarik u Naiwieng 1875. Ka Vande Mataram ka la mih nyngkong ha ka kot Bangadarshan kum shi bynta jong ka kot Anandamath jong u. Kane ka jingrwai, kaba peit ia ka ri kum ka dak jong ka jingkhlain, ka jingriewspah bad ka jinglong kyntang, ka la long kum ka dak jong ka jingkhie ka India ha ka mynsiem jong ka jingiatylli bad ka jingburom ialade. Hadien kane, ka la kylla kum ka dak jong ka jingieid ia ka ri.

***