'দিল কী বাৎ' প্রোগ্রামগী শরুক অমা ওইনা, প্রধান মন্ত্রী শ্রী নরেন্দ্র মোদীনা ঙসি ছত্তিসগরগী নবা রাইপুরদা লৈবা শ্রী সত্য সাই সঞ্জীবানী হোস্পিতালদা পাংথোকপা 'গিফৎ ওফ লাইফ' থৌরমদা কঞ্জিনিতেল হার্ত লাইনাশিং মায় পাক্না লায়েংখ্রবা অঙাং 2500গা ৱারী শানখ্রে।

নহা ওইরিবা হোকী চেম্পিয়ন অমনা মহাক্না মেদল মঙা লৌখ্রে অমসুং স্কুলগী চেক-অপ অমদা হার্তকী লাইনা অমা লৈ হায়না খঙখি। মহাক্না থা তরুক্কী মমাংদা সর্জরী তৌখি অমসুং হৌজিক্তি হোকী মখা তানা শান্নরি। প্রধান মন্ত্রীনা মহাক্কী এস্পিরেসনশিংগী মরমদা হংখি, মদুগী পাউখুম ওইনা মহাক্না দোক্তর অমা ওইদুনা অঙাং পুম্নমক লায়েংবা পাম্মি হায়খি। মহাক্না অহলশিংবুসু লায়েংবিগদ্রা হায়না হংবদা মহাক্না থাজবগা লোয়ননা পাংথোক্কনি হায়খি। মহাক্না অহানবা ওইনা প্রধান মন্ত্রীগা উনবদা নুংঙাইবা ফোংদোকখি।

অতোপ্পা অঙাং অমনা মহাক্কী ওপরেসন অদু চহি অমগী মমাংদা পাংথোকখ্রে অমসুং মহাকসু মীপুম খুদিংমক্কী সেবা তৌনবা দোক্তর অমা ওইনবা হোৎনরি হায়না হায়খি। শ্রী মোদীনা মহাকপু লাইয়েংলিঙৈদা মহাক কপখিব্রা হায়না হংখি অমসুং মহাক্না কপখিদে হায়না খুমখি। মহাক্না ইথিল পীবা শৈরেং অমা থিখি, মদু প্রধান মন্ত্রীনা থাগৎখি।

নুপামচা অমনা হায়খি মদুদি মহাক্না থা 14 শুরকপদা 2014দা সর্জরী তৌখি অমসুং হৌজিক্না হকচাং ফনা লৈরি অমসুং ক্রিকেৎতা এক্তিব ওইরি। প্রধান মন্ত্রীনা মহাক চাং নাইনা চেক-অপ তৌবীরব্রা হায়না হংখি অমসুং মহাক্কী হকশেলদা করিসু খুদোংচাদবা লৈতে হায়বা খঙবদা নুংঙাইবা ফোংদোকখি। অঙাং অদুনা মহাক্না ক্রিকেৎ চাং নাইনা শান্নৈ হায়না কনফর্ম তৌখি। মহাক্না প্রধান মন্ত্রীগা নক্ননা উনবা পাম্মে হায়খি অমসুং মদু প্রধান মন্ত্রীনা তরাম্না ওকখি।

অতোপ্পা নহা ওইরিবা নুপামচা অমগা ৱারী শানবদা, শ্রী মোদীনা হোস্পিতালদা চৎপা অমসুং ইঞ্জেক্সন পীবা মতমদা মহাক্না করি ফাওবগে হায়না হংখি অমসুং মহাক্না হায়খি মদুদি মহাক্না অকিবা পোকখিদে, মসিনা মহাকপু ফজনা ফগৎহনবদা মতেং পাংখি। মহাক্কী ওজাশিংগী ফিদবেকশিংগী মতাংদা হংবদা, মহাক্না হায়খি মদুদি মখোয়না মহাক্কী একাদেমিক্সপু থাগৎলি। প্রধান মন্ত্রীনা মহাক্কী পুকচেল শেংবা অদুবু পুক্নিং থৌগৎখি।

অতোপ্পা নুপীমচা অমনা মহাক্না ক্লাস 7দা তম্লি অমসুং মহৈ-মশিং তম্বনা লৈবাক অসিবু খুমাং চাউশিলহল্লি হায়না থাজবদগী লায়রবশিংগী অঙাংশিংদা লেম্না মহৈ-মশিং তম্বগীদমক্তা ওজা অমা ওইবা পাম্মি হায়খি।

প্রধান মন্ত্রীনা অঙাংশিংদুদা কনাগী চহি 100 শুরকপগী থৌরম হৌখ্রগে খঙব্রা হায়না হংখি অমসুং মদু শ্রী সত্য সাই বাবাগীনি হায়না পাউদমখি। মহাক্না বাবানা মতৌ করম্না পুত্তাপর্তী অমসুং অকোয়বদা লৈরিবা মফমশিংদা ঈশিং ফংদবগী অৱাবা মায়োক্নবা অদু কোকহনবা ঙমখিবগে অমসুং খুঙ্গং 400 রোমদা থক্নবা ঈশিং ফংহনখিবগে হায়বদু শন্দোক্না তাকখি। শ্রী মোদীনা ঈশিং কঞ্জার্বেসন অমসুং উ পাম্বী থাবগী পাউজেলদা অকনবা ৱাফম থমখি। মহাক্না মহাক্কী কেম্পেন 'এক পের মা কে নাম' অদু শেয়র তৌদুনা মহাক্না মীপুম খুদিংমকপু পৃথিবী ইমা অমসুং মশাগী মমাগী মমিংদা উ পাম্বী থাবদা পুক্নিং থৌগৎখি।

নোংচুপ বেঙ্গলগী অভিক কৌবা অঙাং অমনা মহাক্কী আর্মিদা চংদুনা লৈবাক অসিগী সেবা তৌবগী মঙলান অদু শন্দোক্না তাকখি। প্রধান মন্ত্রীনা করিগীনো হায়না হংখি, অমসুং অভিকনা লান্মীশিংনা তৌবগুম্না মহাক্না লৈবাক অসিবু ঙাক শেনবা পাম্মি হায়না পাউখুম পীখি। প্রধান মন্ত্রীনা মহাক্কী ৱাখল্লোনবু থাগৎপা ফোংদোকখি।

নহা ওইরিবা নুপীমচা অমনা প্রধান মন্ত্রীগা উননবা মহাক্না মতম কুইনদগী ঙাইদুনা লাক্লিবা মঙলান অদু ফোংদোকখি অমসুং মহাক্না প্রধান মন্ত্রীবু পাউদা উখিবা অদু মহাক্না পনখি।

প্রধান মন্ত্রী শ্রী মোদীনা অঙাংশিংগা ৱারী শানবদা নুংঙাইবা ফোংদোকখি অমসুং মহাক্না হায়খি মদুদি অফবা থবক অমা হেক্তা পাংথোক্নবগীদমক, হকচাং ফনা লৈবা হায়বসি তঙাইফদে। মহাক্না মখোয়দা য়োগ অমসুং দিসিপ্লিন লৈনা নুংথিগী তুম্বগী মতম থম্বগী খুত্থাংদা মখোয়গী হকশেল ফনা থম্নবা খঙহনখি। মহাক্না মখোয়বু মখোয়গী য়াইফ-থৌরাংগী মতাংদা পুক্নিং চিংশিন্নবা হায়খি অমসুং মখোয়না মসিগী চৎনবী অসি ঙাক্না চৎনবগীদমক মখোয়গী অচেৎপা ফিরেপ লৌনবা হায়খি। ৱারী শানবগী লোইশিল্লকপদা, মহাক্না অঙাং পুম্নমক্তা মহাক্কী থম্মোয়দগী য়াইফ-পাউজেল পীখি।

During my Chhattisgarh visit, I met my young friends who have been successfully treated for congenital heart ailments. Their spirit is truly inspiring. pic.twitter.com/FKLdVMFdGU

— Narendra Modi (@narendramodi) November 1, 2025

***