প্রধান মন্ত্রী শ্রী নরেন্দ্র মোদীনা ঙসি নবা রাইপুরদা ছত্তিসগর রাজ্য শেমখিবগী চহি 25 মপুং ফারকপগী থৌরম, ছত্তিসগর রজত মহোৎসবতা ৱা ঙাংখ্রে। মহাক্না লম্বী-থোং, ইন্দস্ত্রী, হকশেল অমসুং ইনর্জীগুম্বা মরুওইবা সেক্তরশিংদা লুপা করোর 14,260 হেনবগী দিবেলপমেন্তেল অমসুং ত্রান্সফোর্মেতিব প্রোজেক্তশিং শঙ্গাখি অমসুং উরেপ-উয়ুং তমখি। থৌরম অদুদা ৱা ঙাংলদুনা, প্রধান মন্ত্রীনা ছত্তিসগরগী মীয়ামদা য়াইফ-পাউজেল পীখি। মহাক্না হায়খি মদুদি ঙসিদি ছত্তিসগর রাজ্য শেমখিবগী চহি 25 মপুং ফারে। থৌরম অসিদা মহাক্না ছত্তিসগরগী মীয়াম পুম্নমকপু থম্মোয় শেংনা নুংঙাইবা ফোংদোকখি।

শ্রী মোদীনা হায়খি মদুদি ছত্তিসগরগী সিলভর জুবিলীগী থৌরমদা রাজ্য অসিগী মীয়ামগা লোয়ননা শরুক য়াবা অসি মহাক্কীদমক চাউথোকচনীংঙাইনি। মহাক্না হায়খি মদুদি পার্তীগী ৱার্কর অমা ওইনা, মহাক্না রাজ্য অসি শেমদ্রিঙৈগী মতম অদু উখি অমসুং হৌখিবা চহি 25গী খোঙচৎ অদুসু উখি। মরম অদুনা, মসিগী চাউথোকচনীংঙাই ওইবা তাঞ্জা অসিদা শরুক য়াবা অসি মহাক্কীদমক্তা য়াম্না নুংঙাইবা মীকুপ অমনি।

শ্রী মোদীনা হায়খি, "চহি 25গী মমাংদা, অতল বিহারী বাজপেয়ীগী সরকারনা রাজ্য অসিনা চাউখৎ-থৌরাংগী অনৌবা অৱাংবা থাক্তা য়ৌহন্নবগী ৱারেপ অমগা লোয়ননা অদোমগী মঙলানগী ছত্তিসগর অসি অদোমদা পীখি।" মহাক্না হায়খি মদুদি হৌখিবা চহি 25গী খোঙচৎ অদুদা অমুক হন্না য়েংবদা মহাকপু চাউথোকচবা পোকহল্লি। মহাক্না হায়খি মদুদি ছত্তিসগরগী মীয়াম্না পুন্না থবক কয়া পায়খৎলি। “চহি 25গী মমাংদা হুলম্বা মরু অদু হৌজিত্তি চাউখৎপগী অচৌবা পাম্বী অমা ওইরে। ছত্তিসগরনা চাউখৎপগী লম্বীদা খোঙজেল য়াংনা চংশিল্লি।" মহাক্না মখা তাখি মদুদি ঙসিদি রাজ্য অসিনা অনৌবা দেমোক্রেসীগী লাইশঙ অমা, অনৌবা এসেমব্লী বিল্দিং অমা ফংলে। মফম অদুদা য়ৌদ্রিঙৈ মমাংদা মহাক্না ত্রাইবেল ম্যুজিয়ম শঙ্গাবগী খুদোংচাবা ফংখি। হায়রিবা প্লেৎফোর্ম অসিদগী চাউরাক্না লুপা করোর 14,000গী প্রোজেক্তশিং শঙ্গাখি অমসুং হৌদোকখি। চাউখৎ-থৌরাংগী থৌশিলশিং অসিগীদমক মহাক্না মীপুম খুদিংমকপু নুংঙাইবা ফোংদোকখি।

প্রধান মন্ত্রীনা ফোংদোকখি মদুদি চহি 2000দগী হৌরগা জেনরেসন অমা হোংখ্রে। ঙসিদি, খুঙ্গংশিং য়ৌবদা অৱাবা লৈখিবা অমসুং খুঙ্গং কয়াদা লম্বীগী মমি অমত্তা লৈতবা মমাংগী মতম অদু উদ্রবা নহারোলগী অনৌবা চারোন-শুরোন অমা লৈরে। ঙসিদি ছত্তিসগরগী খুঙ্গংশিংদা লম্বীগী নেৎৱার্ক অসি কিলোমীতর 40,000  ফাওবা হেনগৎলে হায়না মহাক্না ফোংদোকখি। হৌখিবা চহি 11 অসিদা, রাজ্য অসিনা নেস্নেল হায়ৱেজ অসি অমুক্তা ওইখিদ্রিবা মওংদা পাকথোক চাউথোকহনখ্রে, অমসুং অনৌবা এক্সপ্রেসৱেজশিং অসি ছত্তিসগরগী চাউখৎপগী খুদম অমা ওইরক্লি। শ্রী মোদীনা হায়খি মদুদি মমাংদা, রাইপুরদগী বিলাসপুর ফাওবা চৎপদা পুং কয়া চঙলম্মি, অদুবু হৌজিক্তি মতম অদু শরুক অনি হন্থরে। মহাক্না ছত্তিসগর অমসুং ঝারখন্দগী মরক্তা কনেক্তিবিতী হেনগৎহনগদবা অনৌবা লেন মরিগী হাইৱে অমগী উরেপ উয়ুংসু তমখি।

ছত্তিসগরদা রেল অমসুং এয়র কনেক্তিবিতী ফগৎহন্নবা থবক কয়া পায়খৎলে হায়না পল্লদুনা শ্রী মোদীনা হায়খি মদুদি হৌজিক রাজ্য অসিদা ভন্দে ভারতকুম্বা হাই-স্পিদ ত্রেনশিং চৎপা হৌরে অমসুং রাইপুর, বিলাসপুর অমসুং জগদলপুরগুম্বা শহরশিং অসি হৌজিক দাইরেক্ত ফ্লাইতশিংনা শম্নহল্লে। মহাক্না হায়খি মদুদি মতম অমদা রো মেতরিএলশিং এক্সপোর্তকীদমক্তা মরুওইনা খঙনরম্বা ছত্তিসগরনা হৌজিক্তি ইন্দস্ত্রীএল স্তেৎ অমা ওইনা অনৌবা থৌদাং অমা লৌবা হৌরে। হৌখিবা চহি 25দা ছত্তিসগরনা ফংখিবা মায় পাকপশিংগীদমক প্রধান মন্ত্রীনা মুখ্য মন্ত্রী অমসুং সরকার খুদিংমকপু থাগৎপা ফোংদোকখি। মহাক্না হায়খি মদুদি ক্রেদিৎকী অচৌবা শরুক অমা দোক্তর রমন সিংহনা ফংলি, মহাক্না খ্বাইদগী চাউনা শীংনবগী মতম মনুংদা রাজ্য অসি লুচিংখি। মহাক্না দা. রমন সিংহনা হৌজিক এসেমব্লীগী স্পিকর ওইনা লমজিংলি অমসুং শ্রী বিষ্ণু দেও সাইগী মখাদা সরকার অসিনা ছত্তিসগরগী চাউখৎ-থৌরাংবু খোঙজেল য়াংনা মাংলোমদা পুখৎলি।

শ্রী মোদীনা হায়খি মদুদি মহাক্না লায়রবশিংবু য়াম্না নক্না উখি অমসুং লায়রবশিংগী অৱাবা অমসুং করিসু ঙমজদবা অদু খঙখি। মহাক্না ফোংদোকখি মদুদি লৈবাক অসিনা মঙোন্দা সেবা তৌবগী খুদোংচাবা ফংলবা মতমদা, মহাক্না লায়রবশিংগী য়াইফনবা হোৎনবা অসি অহানবা মফমদা থমখি। মহাক্না হায়খি মদুদি মহাক্কী সরকারনা লায়রবশিংগীদমক্তা হকশেল, ইনকম, এজুকেসন অমসুং ইরিগেসনদা চাউনা মীৎয়েং থম্লি।

চহি 25গী মমাংদা ছত্তিসগরদা মেদিকেল কোলেজ অমা খক্তমক লৈরম্বা অদুগী খুদম অমা পীরদুনা শ্রী মোদীনা হায়খি মদুদি ঙসিদি রাজ্য অসিদা মেদিকেল কোলেজ 14 অমসুং রাইপুরদা AIIMS অমা লৈরে। মহাক্না নীংশিংখি মদুদি ছত্তিসগরদগী আয়ুশ্মান আরোগ্য মন্দিরশিং লিংখৎনবা লৈবাক শীনবা থুংনা কেম্পেন হৌরকখি। হৌজিক্কী ওইনা রাজ্য অসিদা আয়ুশ্মান আরোগ্য মন্দির 5,500 হেন্না লৈরে।

প্রধান মন্ত্রীনা হায়খি, "ঐখোয়গী সরকারনা হোৎনরিবসি লায়রবা নাগরিক খুদিংমকপু ইকাই খুম্নবা লৈহন্নবা হোৎনবনি।" মহাক্না হায়খি মদুদি স্লম অমসুং মতম খরগী ওইবা য়ুমশিংদা হিংবনা লায়রবা থেংননবা ফিরেপ অদু মপাঙ্গল হন্থহল্লি। মরম অদুনা, ঐখোয়গী সরকারনা লায়রবা ইমুং খুদিংদা পর্মিনেন্ত য়ুম ফংহন্নবা ৱারেপ লৌরে। হৌখিবা চহি 11দা, লায়রবা ইমুং করোর মরি পুক্কা য়ুম ফংখ্রে অমসুং হৌজিক সরকারনা অনৌবা য়ুম করোর অহুম শানবা ৱারেপ লৌদুনা থবক তৌরি হায়না মহাক্না ফোংদোকখি। ঙসিগী নুমিত্তা ছত্তিসগরদা ইমুং লাখ 3.5 হেন্না মখোয়গী অনৌবা য়ুমদা চঙলগনি অমসুং ইমুং লাখ অহুমরোমদা লুপা করোর 1,200গী শেনফম ফংলগনি। প্রধান মন্ত্রীনা হায়খি মদুদি মসিনা ছত্তিসগরগী সরকারনা লায়রবশিংদা য়ুম ফংহন্নবা হোৎনরিবা অসিগী মশক তাক্লি। মহাক্না মখা তাখি মদুদি হৌখিবা চহি অমখক্তদা, শোত্থরবা মীওইশিংগীদমক্তা পুক্কা হাউস লাখ তরেৎ শাখ্রে। মসি স্তেতিস্তিক্স খক্তা নত্তে হায়না মহাক্না অকনবা ৱাফম থমখি। য়ুম খুদিংমক অসি ইমুং অমগী মঙলান অমসুং চাউরবা নুংঙাইবা অদু উৎলি। মহাক্না কান্নবা ফংলবা ইমুং মনুং খুদিংমক্তা মহাক্কী থম্মোয়দগী নুংঙাইবা ফোংদোকখি।

মহাক্কী সরকারনা ছত্তিসগরগী মীয়ামগী পুন্সিদা নুংঙাইবা পোকহন্নবা অমসুং মখোয়গী অৱাবা হন্থহন্নবা লেপ্পা লৈতনা থবক তৌরি হায়না পল্লদুনা প্রধান মন্ত্রীনা হায়খি মদুদি হৌজিক্তি রাজ্য অসিগী খুঙ্গং খুদিংমক্তা মৈ ফংহল্লে, অমসুং করিগুম্বা মতমদা মৈ ফংলমদবা মফমশিংদসু হৌজিক্তি ইন্তর্নেৎ ফংহল্লে। শ্রী মোদীনা হায়খি মদুদি মতম অমদা LPG কন্নেক্সন অসি ইচম চম্বা ইমুংশিংগীদমক ফংলরোইদবা মঙলান অমা ওইরমখি। ঙসি, ছত্তিসগরগী খুঙ্গংশিং অমসুং লায়রবশিং, দলিতশিং, শোত্থরবা কাংলুপশিং অমসুং ত্রাইবেল কম্ম্যুনিতীশিংদা গ্যাস কন্নেক্সন ফংলে। মহাক্না মখা তাখি মদুদি সরকারনা হৌজিক সিলিন্দরগী মথক্তা পাইপলাইনগী খুত্থাংদা মমল হোংবা গ্যাস ফংহন্নবা থবক পায়খৎলি। মহাক্না নাগপুর-ঝারসুগুদা গ্যাস পাইপলাইন ঙসি লৈবাক মীয়ামদা কত্থোক্লে হায়না লাউথোকখি অমসুং প্রোজেক্ত অসিগীদমক ছত্তিসগরগী মীয়ামদা নুংঙাইবা ফোংদোকখি।

ছত্তিসগর অসি লৈবাক অসিগী খ্বাইদগী চাউবা ত্রাইবেল মীয়ামগী লমদম ওইরি হায়না পল্লদুনা শ্রী মোদীনা হায়খি মদুদি ত্রাইবেল কম্ম্যুনিতীশিংগী কন্ত্রিব্যুসনশিং অসি লৈবাক পুম্বনা অমসুং মালেম্না শকখঙবা অমসুং থাগৎনবা সরকারনা লেপ্পা লৈতনা থবক তৌরি। লৈবাক শীনবা থুংনা ত্রাইবেল ফ্রীদম ফাইতরশিংদা ম্যুজিয়মশিং লিংখৎপা নৎত্রগা ভগবান বিরসা মুন্দাগী মপোক কুমওনবু জনজাতি গৌরব দিবস হায়না লাউথোকপা, সরকারনা ত্রাইবেল খুন্নাইগী লিগেসিবু ইকায় খুম্নবা অমসুং থাগৎনবা লেপ্পা লৈতনা হোৎনরি।

ঙসি শহিদ বীর নরায়ন সিংহ ত্রাইবেল ফ্রিদম ফাইতরস ম্যুজিয়ম শঙ্গাদুনা মসিগী মায়কৈদা অতোপ্পা মরু ওইবা খোঙথাং অমা লৌখৎলে হায়না পল্লদুনা প্রধান মন্ত্রীনা হায়খি মদুদি ম্যুজিয়ম অসিনা নীংতম্বা ফংদ্রিঙৈগী মমাংগী চহি 150গী ত্রাইবেলগী পুৱারী উৎলি। মসিদা ত্রাইবেল ফ্রিদম ফাইতরশিংনা ভারতকী নীংতম লান্থেংদা মতৌ করম্না থৌদাং লৌখিবগে হায়বদু তাক্লি। ম্যুজিয়ম অসিনা তুংগী মীরোলশিংদা ইথিল পীদুনা লৈহৌরগনি হায়না মহাক্না থাজবা থমখি।

মহাক্কী সরকারনা ত্রাইবেল হেরিতেজ ঙাক-শেন্নবা অমসুং ত্রাইবেল দিবেলপমেন্ত অমসুং য়াইফ-থৌরাং প্রমোৎ তৌনবা থবক পায়খৎলি হায়না পল্লদুনা শ্রী মোদীনা লৈবাক শিনবা থুংনা ত্রাইবেল খুঙ্গং লিশিং কয়াদা চাউখৎপগী অনৌবা মঙাল অমা পুরক্লিবা ধর্তি আবা জনজাতিয়া গ্রাম উতকার্শ অভিয়ানগী মতাংদা পনখি। মহাক্না হায়খি মদুদি মসি ভারতকী ত্রাইবেল লমদমশিংগীদমক্তা অমুক্তা ওইখিদ্রিবা, লুপা করোর 80,000গী খোঙথাং অমনি। মহাক্না মখা তানা হায়খি মদুদি অহানবা ওইনা, খ্বাইদগী শোত্থরবা ত্রাইবেল কাংলুপশিংগী চাউখৎ-থৌরাংগীদমক নেস্নেল স্কিম অমা শেম্লে। পি.এম.-জনমান স্কিমগী মখাদা, হায়রিবা কম্ম্যুনিতীশিং অসিনা খুন্দারিবা মফম লিশিং কয়াদা চাউখৎ থৌরাংগী থবকশিং পায়খৎলি।

প্রধান মন্ত্রীনা হায়খি মদুদি ত্রাইবেল কম্ম্যুনিতীশিংনা চহি কয়াদগী উমংগী পোত্থোকশিং খোমজিল্লি। মহাক্না হায়খি মদুদি হৌজিক লৈরিবা সরকার অসিনা ভান ধন কেন্দ্রশিংগী খুত্থাংদা অহেনবা শেন্থোক ফংনবগী খুদোংচাবশিং শেমগৎলি। বেরি মনা প্রোক্যুর্মেন্তগী ফগৎহল্লবা থৌরাংশিং অসিনা ছত্তিসগরগী কাংলুপশিংগী শেল য়াম্না হেনগৎহল্লে হায়না মহাক্না ফোংদোকখি।

ছত্তিসগরনা হৌজিক্না নক্সালিজম অমসুং মাওইস্ত তেরোরিজমগী য়োৎলিংদগী নীংতম্লকপদা নুংঙাইবা ফোংদোক্লদুনা, শ্রী মোদীনা নক্সালিজম্না মরম ওইদুনা চহি 50-55 মীয়ামদা পীবা অৱাবা অদু খঙখি। মহাক্না কনস্তিত্যুসন ঙাকপা শারিবা মীওইশিং অমসুং সোসিএল জস্তিসকী মিংদা গুমভিরগী মপী তারিবা মীওইশিংবু মরাল শিখি। মখোয়না মখোয়গী পোলিতিকেলগী কান্নবা ফংনবগীদমক্তা মীয়ামগী মায়োক্তা চহি কয়াগী ওইনা অরানবা থবকশিং পাংথোকখি হায়না মহাক্না ফোংদোকখি । মাওইস্ত তেরোরিজম্না মরম ওইদুনা ছত্তিসগরগী ত্রাইবেল লমদমশিংদা মতম শাংনা লম্বী লৈখিদে হায়না মহাক্না ফোংদোকখি। অঙাংশিংনা স্কুল চৎপা ঙমদে, অনাবশিংনা হোস্পিতাল চৎপা য়াদে, অমসুং লৈবাক অসিবু চহি কয়া লৈঙাক্লম্বা মীওইশিংনা মখোয়গী পুন্সি নুংঙাইনা লৈরগা মীয়ামবু মখোয়গী মরাননাই ওইনা থাদোকখি।

মহাক্না হায়খি মদুদি মহাক্না মহাক্কী ত্রাইবেলগী ইচিল-ইনাওশিংবু হিংসাগী ইরোলনুংদা মাঙহন্নবগী অয়াবা পীবা ঙম্লোই, মচাশিংগীদমক মশিং লাকঙমদ্রবা মমাশিংনা অৱাবা ফোংদোক্লিবা অসি মহাক্না য়েংবা ঙম্লোই। শ্রী মোদীনা হায়খি মদুদি লৈবাক অসিনা মহাকপু 2014দা সেবা তৌনবগী খুদোংচাবা পীবদা মহাক্কী সরকারনা মাওইস্ত তেরোরিজমদগী ভারতপু লৌথোক্নবা ৱারেপ লৌখি। ৱারেপ অসিগী মহৈ হৌজিক লৈবাক পুম্বনা উবা ফংলে হায়না ফোংদোক্লদুনা প্রধান মন্ত্রীনা হায়খি মদুদি চহি তরামঙাগী মমাংদা জিলা 125 হেন্না মাওইস্ত তেররনা শোকহল্লম্মি। ঙসিদি জিলা অহুমখক্তদা মাওইস্তকী থবক থৌরমগী খুদম লৈরি। প্রধান মন্ত্রীনা হায়খি, “ছত্তিসগর অমসুং লৈবাক পুম্বনা মাওইস্ত তেরোরিজমদগী মপুং ফানা মুত্থৎলবা নুমিৎ অদু লাক্কদবা কুইদ্রে”।

প্রধান মন্ত্রীনা মখা তানা হায়খি মদুদি ছত্তিসগরদা মতম অমদা হিংসাগী লম্বীদা চৎখিবা মীওই কয়ানা হৌজিক য়াম্না থুনা সরেন্দর তৌরি। নুমিৎ খরনিগী মমাংদা কঙ্করদা নক্সালাইৎ 20 হেন্না মেনস্ত্রীমদা হল্লকখি অমসুং মসিগী মমাংদা ওক্তোবর 17দা বাস্তরদা নক্সালাইৎ 200 হেন্না সরেন্দর তৌখি হায়না মহাক্না পনখি। মহাক্না মখা তাখি মদুদি হৌখিবা থা খরদা লৈবাক শীনবা থুংনা মাওইস্ত তেররগা মরী লৈনবা মীওই কয়া অমা খুৎলায় থাদোকখ্রে। মখোয় কয়া অমনা লুপা লাখ কয়া অমসুং করোর কয়াগী মনা ফংখি। হায়রিবা মীওইশিং অসিনা হৌজিক্তি ভারতকী সংবিধানবু য়াখ্রে।

প্রধান মন্ত্রী শ্রী নরেন্দ্র মোদীনা হায়খি মদুদি মাওইস্ত তেরোরিজম মুত্থৎখিবনা ওইথোক্লোইদবা অদু ওইথোকহনখ্রে। মহাক্না হায়খি মদুদি বোম্ব অমসুং নোংমৈগী খুৎলায়না মরম ওইদুনা হান্ননা অৱাবা ওইরম্বা মফমশিং অদু হৌজিক্তি হোংখ্রে। বিজাপুরগী চিলকাপল্লী খুঙ্গংদা চহি তরেৎকী মতুংদা ইহান হানবা ওইনা মৈ ফংহনখ্রে। রেকৱায়া খুঙ্গং, অবুজহমদতা, নীংতম্বগী মতুংদগী অহানবা ওইনা স্কুল শাগৎপা হৌখ্রে। মহাক্না হায়খি মদুদি মতম অমদা তেররগী মপুং ওইবা মফম অমা ওইনা লৌনরম্বা পুভর্তী খুঙ্গং অসি হৌজিক চাউখৎপগী খোঙজং অমা চংশিল্লি। অঙাংবা ফিরাল অসি জাতিগী তিরঙ্গানা মহুৎ শিনখ্রে। মহাক্না হায়খি মদুদি বাস্তরগুম্বা লমদমশিং অসি হৌজিক কুমহৈশিংগা মরী লৈনৈ, মসিনা বাস্তর পান্দুম অমসুং বাস্তর ওলিম্পিক্সকুম্বা থৌরমশিং পাংথোক্লি।

হৌখিবা চহি 25 অসিদা নক্সালিজমগী শীংনবশিং মায়োক্নরবসু ছত্তিসগরনা কয়া য়াম্না খুমাং চাউশিল্লবগে অমসুং হায়রিবা শীংনবশিং অসি মপুং ফানা মায়োক্নরবা মতুংদা খুমাং চাউশিল্লকপগী খোঙজেল অসি কয়া য়াম্না য়াঙখৎলক্কদগে হায়বসি মীপুম খুদিংমক্না খল্লু হায়না পল্লদুনা শ্রী মোদীনা হায়খি মদুদি লাক্কদৌরিবা চহিশিং অসি ছত্তিসগরগীদমক য়াম্না মরু ওই। চাউখৎলবা ভারত অমা শেম্নবগীদমক, ছত্তিসগর চাউখৎপা হায়বসি তঙাইফদে। রাজ্য অসিগী নহারোলশিংদা ৱা ঙাংলদুনা প্রধান মন্ত্রীনা হায়খি মদুদি মসি মখোয়গী মতমনি, অমসুং মখোয়না ফংলরোইদবা পান্দম অমত্তা লৈতে। মহাক্না মখোয়গী সরকারনা খোঙথাং খুদিংমক্তা অমসুং ৱারেপ খুদিংমক্তা মখোয়গা লোয়ননা লেপ্পী হায়না থাজবা পীখি। প্রধান মন্ত্রীনা লোইশিনবদা হায় মদুদি ঐখোয় পুন্না ছত্তিসগরবু মাংলোমদা পুখৎলগনি অমসুং লৈবাক অসিবু মাংলোমদা পুখৎলগনি। মহাক্না ছত্তিসগরগী ইচিল-ইনাও খুদিংমক্তা নুংঙাইবা ফোংদোকখি।

থৌরম অদুদা ছত্তিসগরগী রাজ্যপাল, শ্রী রামেন দেকা, ছত্তিসগরগী মুখ্য মন্ত্রী, শ্রী বিষ্ণু দেও সাই, কেন্দ্রগী মন্ত্রীশিং, শ্রী জুয়েল ওরাম, শ্রী দুর্গা দাস উইকে, শ্রী তোকান সাহু য়াওনা অতোপ্পা শক্নাইরবশিংসু শরুক য়াখি।

বেকগ্রাউন্দ

ছত্তিসগরনা রাজ্য ওইখিবা চহি 25 মপুং ফারকপা নীংশিংবা ওইনা পাংথোকপা ছত্তিসগর রজত মহোৎসবতা শরুক য়াখ্রে। প্রধান মন্ত্রীনা লুপা করোর 14,260 গী মখক্তা চংগদবা লম্বীশিং, ইন্দস্ত্রী, হেল্থকেয়র অমসুং ইনর্জীগুম্বা মরুওইবা সেক্তরশিংগী দিভেলপমেন্ত  অমসুং ত্রান্সফোর্মেতিব প্রোজেক্তশিং শঙ্গাখ্রে অমসুং উরেপ-উয়ুং তমখ্রে।

পুন্সি মহিং ফগৎহন্নবগীদমক্তা প্রধান মন্ত্রীনা ছত্তিসগরগী জিলা মাপলগী ব্লোকশিংদা অনৌবা স্তার্ত-অপ ভিলেজ ওন্তরপ্রিন্যুরশিপ প্রোগ্রাম (SVEP) 12 হৌদোকখ্রে। প্রধান মন্ত্রীনা লুপা লাখ 3.51 কী লোইরবা য়ুমশিংগী গৃহ প্রবেশ য়াওগনি অমসুং রাজ্য অসিদা মশক থোক্না লৈবা য়ুম অমসুং খুঙ্গংগী য়ুমশিং তেক্ত-কাইদনা লৈহন্নবা প্রধান মন্ত্রী অৱাস য়োজনা(গ্রামীন) গী মখাদা বেনিফিসিয়রী লাখ 3 দা লুপা করোর 1200 পীখ্রে।

কন্নেক্তিবিতী ফগৎহল্লদুনা প্রধান মন্ত্রীনা নেস্নেল হাইৱে ওথোরিতী ওফ ইন্দিয়া(NHAI) না ভারতমালা পরিয়োজনাগী মখাদা লুপা করোর 3,150 রোম চংনা শেমগৎপা পথলগাও-কুনকুরীদগীনা ছত্তিসগর-ঝারখন্দগী ঙমখৈফাওবগী ফোর-লেন গ্রীনফীল্দ হাইৱেশিং উরেপ-উয়ুং তমখ্রে। মসিগী স্ত্রেতিজিক কোরিদোর অসিনা মরুওইবা কোইবাগী খনিশিং, ইন্দস্ত্রিএল জোনশিং অমসুং কোরবা, রায়গর, জশপুর, রাঞ্চী অমসুং জমসেদপুরগী স্তীল প্লান্তশিং শম্নহন্দুনা চাউনা ইকোনোমিক আর্তরী মপাঙ্গল কনখৎহন্দুনা রিজনেল ত্রেদ লিঙ্কেজশিং মফগৎহল্লগনি অমসুং সেন্ত্রেল ইন্দিয়াগা ইস্তর্ন রিজনশিংগা পুনশিন্নহল্লগনি।

মসিদা নত্তনা প্রধান মন্ত্রীনা NH-130D (নরায়নপুর-কস্তুরমেতা-কুতুল-নিলঙ্গুর-মহারাস্ত্র বোর্দর), বাস্তর অমসুং নরায়নপুর জিলাগী পাকথোক-চাওথোকপগী মল্তিপল সেগমেন্তশিং শানবা অমসুং অপগ্রেদ তৌনবা উরেপ-উয়ুং তম্লগনি। প্রধান মন্ত্রীনা NH-130C (মদহ্গমুঙ্গা-দিওভোগ-ওরিশা বোর্দর) অসি নাকল-নাকলদা খোং লম্বি য়াওবা লেন অনীগী হাইৱেশিংদা অপগ্রেদ তৌনবা হৌদোকখ্রে। মসিনা ত্রাইবেল অমসুং মনুং হুজ্ঞিনবা মফমশিংদা রোদ কনেক্তিবিতী হেনগৎহন্দুনা হেল্থকেয়র, এজুকেসন অমসুং মার্কেৎশিং ফগৎহল্লগনি অমসুং রিমোত এরিয়াশিংগী সোসিও-ইকোনোমিক ফগৎহল্লগনি।

পাৱর সেক্তরদা প্রদানমন্ত্রীনা নোংপোক অমসুং নোংচুপথংবা গ্রীদশিংদা মেগাৱাত 1,600 গী মরক্তা ইন্তর-রিজনেল পাৱর ত্রান্সফর কেপাসিতী হেনগৎহল্লদুনা মফম অসিদা গ্রীল রিলাইএবিলিতী ফঘৎহন্দুনা অমসুং স্তেবল ওইবা পাৱর সপ্লাই লৈহনগদবা ই.আর.-দব্লয়ু.আর. ইন্তরকনেক্সন প্রোজেক্তশিং হৌদোকখ্রে।

মসিগা লোয়ননা সপ্লাই রিলাইএবিলিতী ফগৎহন্দুনা অমসুং ত্রান্সমিসন কেপাসিতী হেনগৎহন্দুনা ছত্তিসগরগী পাৱর ইনফ্রাস্ত্রকচর মপাঙ্গল কনখৎহন্নবা লুপা করোর 3,750 গী মথক্তা চংগদবা মল্তিপল সেক্তরগী প্রোজেক্তশিংগী কত্থোকখ্রে, শঙ্গাখ্রে অমদি উরেপ-উয়ুং তমখ্রে।

অনৌবা পাৱর লাইনশিং, ফীদর বাইফর্কেসন, ত্রান্সফোর্মরশিং ইন্সতোল তৌবা, কন্দক্তরশিং কনভর্জন তৌবা অমসুং খুঙ্গং অমসুং এগ্রীকলচর পাৱর ফগৎহন্নবা শাবগী য়াওনা রিভেম্প দিস্ত্রিব্যুসন সেক্তর(RDSS) কী মখাদা লুপা করোর 1,860 গী থবকশিং অসি প্রধান মন্ত্রীনা কত্থোকখ্রে। প্রধান মন্ত্রীনা রায়পুর, বিলাসপুর, দূর্গ, বেমেতরা, গারিয়াবন্দ অমসুং বাস্তরগুম্বা জিলাশিংদা লুপা করোর 480 চংনা শাবা অনৌবা পাৱর সবস্তেসন মাপল শঙ্গাখ্রে। মসিনা মীওই লাখ 15 মুক্তা স্তেবল ওইবা ভোলতেজ লৈহন্দুনা আওতেজশিং হন্থহল্লগনি অমসুং রিমোত অমসুং ত্রাইবেল এরিয়াশিংদফাওবা রিলাইএবল এলেক্ত্রিসিতী ফংহল্লগনি। মসিগী মথক্তা রাজ্য অসিদা মৈ ফংবা হেনগৎহন্নবা অমসুং ক্বালিতী হেনগৎহন্নবা কঙ্কের অমসুং বালোদাবাজার-ভত্তপরাদা অনৌবা RDSS কী থবকশিংগা কোন্ননা জিলা কয়াদা লুপা করোর 1415 কী মথক্তা চংগদবা অনৌবা সবস্তেসনশিং অমসুং ত্রান্সমিসনশিংগী প্রোজেক্তশিং উরেপ-উয়ুং তমখ্রে।

পেত্রোলিয়ম অমসুং নেচরেল গ্যাসকী সেক্তরদা প্রধান মন্ত্রীনা পেত্রোল, দিজল অমসুং ইথানোলগী স্তোরেজ কেপাসিতী কিলোলিতর 54,000 হাপ্পা চনবা লুপা করোর 460 চংনা রায়পুরদা শাবা ঐচ.পি.সি.এল.গী স্তেত-ওফ-আর্ত পেত্রোলিয়ম ওইল দিপো শঙ্গাখ্রে। ফেসিলিতী অসিনা ছত্তিসগর অমসুং য়ুম্লোন্নবা রাজ্যশিংদা অচৌবা ফ্যুএলগী হব অমা ওইদুনা লেপ্পা লৈতবা সপ্লাইশিং লৈহল্লগনি। কিলোলিতর 10,000 গী ইথানোল স্তোরেজ লৈহল্লদুনা দিপোৎ অসিনা ইথানোল ব্লেন্দিং প্রোগ্রামসু ফগৎহল্লগনি, ফোসিল ফ্যুএল দিপেন্দেন্সী হন্থহল্লদুনা অমসুং হেন্না শেংবা ইনর্জী গ্রোথ লৈহল্লগনি।

প্রধান মন্ত্রীনা লুপা করোর 1950 চংনা শাবা কি.মি. 489 শাংবা নাগপুর-ঝারসুগুদা নেচরেল গ্যাস পাইপলাইনসু মীয়ামদা কত্থোকখ্রে। প্রোজেক্ত অসিনা ভারতকী ইনর্জী মিক্স তৌবদা 15% অমসুং “ৱান নেসন ৱান গ্যাস গ্রীদ” কী ভিজন ফংবগী শরুক অসি হেনগৎহনবরোমদা অচৌবা খোংথাং অমনি। পাইপলাইন অসিনা ছত্তিসগরগী জিলা 11 অসি নেস্নেল গ্রীদকা শম্নহন্দুনা মফম অসিদা ইন্দস্ত্রিএল দিভেলপমেন্ত লৈহল্লগনি অমসুং হেন্না শেংবা অমসুং অহোংবা ফ্যুএল ফংহল্লগনি।

ইন্দস্ত্রী চাওখৎহন্নবা অমসুং থবক হেনগৎহন্নবা প্রধান মন্ত্রীনা স্মার্ত সিতী অনী-অমনা জঙ্গিরা-চম্পা জিলাগী সিলাদেহী-গতৱা-বির্রাদা অদুগা অমনা রাজনন্দগাও জিলাগী বিজলেতলাদা উরেপ-উয়ুং তমখ্রে। মসিগী মথক্তা প্রধান মন্ত্রীনা নব রাইপুর এতল নগরগী সেক্তর 22 দা ফার্মাসিয়ুতিকেল পার্ক অনি উরেপ-উয়ুং তমখ্রে। মসিগী পার্ক অসিনা দ্রগ অমসুং হেল্থকেয়র মেনুফেকচরিংগী ওইনা কত্থোক্লবা জোন ওইনা থবক তৌরগনি।

হেল্থকেয়র খংফ ফগৎহল্লদুনা প্রধান মন্ত্রীনা বিলাসপুরগী মনেন্দ্রগর, কবিরধাম, জজ্ঞগীর-চম্পা অমসুং গীদাম(দন্তেৱরা), গবর্নমেন্ত আয়ুর্বেদা কোলেজ অমসুং হোসপিতালদা অনৌবা মেদিকেল কোলেজ মঙা উরেপ-উয়ুং তমখ্রে। মসিগী প্রোজেক্তশিং অসিনা মেদিকেল এজুকেসনগী মপাঙ্গল কনখৎহন্দুনা হেল্থকেয়র ফংবা হেনগৎহল্লগনি অমসুং ছত্তিসগরপুম্বদা ত্রেদিস্নেল মেদিসিন চাউখৎগনি।

डबल इंजन सरकार में छत्तीसगढ़ विकास की नित-नई ऊंचाइयों को छू रहा है। नवा रायपुर अटल नगर में छत्तीसगढ़ रजत महोत्सव में शामिल होकर अत्यंत प्रसन्नता हो रही है। जय जोहार! https://t.co/qWkIhZ0joo

— Narendra Modi (@narendramodi) November 1, 2025

छत्तीसगढ़ आज विकास के पथ पर तेज़ गति से आगे बढ़ रहा है: PM @narendramodi pic.twitter.com/yIaUEkgWBs

— PMO India (@PMOIndia) November 1, 2025

हमारी कोशिश यही है कि आदिवासी समाज के योगदान का हमेशा गौरवगान होता रहे: PM @narendramodi pic.twitter.com/fheLrSoqEs

— PMO India (@PMOIndia) November 1, 2025

वो दिन दूर नहीं...जब हमारा छत्तीसगढ़...हमारा देश...माओवादी आतंक से पूरी तरह मुक्त हो जाएगा: PM @narendramodi pic.twitter.com/AyaAfyEFZL

— PMO India (@PMOIndia) November 1, 2025

***