প্রধানমন্ত্রীগী লোইশঙ
রিপব্লিক ওফ কোরিয়াগী রাস্ত্রপতিগী অখন্নবা এনভোইশিংগী মীহুৎশিংনা প্রধান মন্ত্রী মোদী উনখ্রে
প্রধান মন্ত্রীনা ভারত অমসুং রিপব্লিক ওফ কোরিয়াগী মরক্তা লৈরিবা স্পেসিএল স্ত্রেতেজিক পার্তনরশিপকী মরু ওইবা অদু খন্নখ্রে, অমসুং মরু ওইবা সেক্তরশিংদা তেংবাং পীনবা অমসুং ইনভেস্তমেন্ত হেনগৎহন্নবগী পোতেন্সিএল অদু থমখ্রে
প্রধান মন্ত্রীনা রাস্ত্রপতি লী জে মিয়ুংদা ভারত্তা লাক্নবা অমুক হন্না হায়খ্রে
प्रविष्टि तिथि:
17 JUL 2025 8:35PM by PIB Imphal
শ্রী কিম বো ক্যুমনা লুচিংবা, রিপব্লিক ওফ কোরিয়াগী রাস্ত্রপতি লী জে মিয়ুংগী অখন্নবা এনভোইশিংগী দেলিগেসন অমনা ঙসি প্রধান মন্ত্রী শ্রী নরেন্দ্র মোদীগা উনখ্রে।
প্রধান মন্ত্রীনা 2025গী জুন থাদা পাংথোকখিবা G7 সম্মিৎকী নাকলদা রাস্ত্রপতি লী জে মিয়ুংগা লোয়ননা মহাক্না য়াম্না নুংঙাইবা অমসুং কান্নরবা মীফম পাংথোকখিবা অদু নীংশিংখি। মহাক্না রাস্ত্রপতি লীগী হায়-পাৱর দেলিগেসন অমা ভারত্তা থাগৎপগী রাস্ত্রপতি লীগী থৌওং অদুবু থাগৎপা ফোংদোকখি।
শ্রী কিমনা রাস্ত্রপতি লী জে মিয়ুংগী য়াইফ পাউজেল অমসুং রিপব্লিক ওফ কোরিয়ানা ভারতকা লোয়ননা স্পেসিএল স্ত্রেতেজিক পার্তনরশিপকী মরুওইবা অদু অমুক হন্না ফোংদোকপা পাউজেল প্রধান মন্ত্রীদা পীখি।
প্রধান মন্ত্রীনা মরু ওইনা ইন্দো-পেসিফিক্তা, দেমোক্রেসী অনিগী মরক্তা লৈরিবা অচেৎপা অমসুং মল্তিফেসেতেদ ওইবা মরীশিংনা স্তেবিলাইজিং রোল লৌরি হায়না ফোংদোকখি।
প্রধান মন্ত্রীনা ভারতকী শেন্মিৎলোন অমসুং মেনুফেকচরিংগী খুমাং চাউশিল্লকপগী মতাংদা পনখি। মসিনা ইনভেস্তমেন্তগী খুদোংচাবশিং অমসুং মরুওইবা সেক্তরশিং হায়বদি হৌগৎলক্লিবা তেক্নোলোজীশিং, শিপ-বিল্দিং, দিফেন্স, ইলেক্ত্রোনিক্স, গ্রীন হায়দ্রোজেন অমসুং বেতরীশিংদা তেংবাং পীনবগী অচৌবা খুদোংচাবশিং ফংহল্লি। প্রধান মন্ত্রীনা ভারতকী দেমোগ্রাফিক দিভিদেন্দ অমসুং স্কিল লৈরবা হ্যুমেন রিসোর্সনা লৈবাক অনিগী শেন্মিৎলোনদা অহোংবা পুরকপা ঙমগনি হায়বগী থাজবা থমখি।
নাকল অনিমক্না নাকল অনিগী ওইবা মরীশিং অসি হেন্না চাউখৎহন্নবা হোৎনবদা মখোয়গী অচেৎপা ফিরেপ অদু অমুক হন্না ফোংদোক্নখি।
প্রধান মন্ত্রীনা দেলিগেসন অদুগী খোঙথাংশিংদা মাই পাকপা ওইরসনু হায়না য়াইফ-পাউজেল পীখি অমসুং ভারত্তা প্রসিদেন্ত লী জে মিয়ুংবু অথুবা মতমদা তরাম্না ওক্নবা অপাম্বা ফোংদোকখি।
******
(रिलीज़ आईडी: 2184293)
आगंतुक पटल : 10
इस विज्ञप्ति को इन भाषाओं में पढ़ें:
English
,
Urdu
,
हिन्दी
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam