প্রধানমন্ত্রীগী লোইশঙ
প্রধান মন্ত্রীনা নামিবিয়া পার্লিয়ামেন্ততা ৱা ঙাংখ্রে
Posted On:
09 JUL 2025 10:43PM by PIB Imphal
নেস্নেল এসেমব্লীগী স্পিকর, ঐচ.ই. সারা কুগোংগেলৱানা কৌরকপদগী প্রধান মন্ত্রী শ্রী নরেন্দ্র মোদীনা ঙসি নামিবিয়াগী পার্লিয়ামেন্ততা ৱা ঙাংখ্রে। নামিবিয়াগী মায়কৈদগী পীখিবা অখন্নবা খুদোংচাবা অসিনা নামিবিয়াদা প্রধান মন্ত্রীগী স্তেৎ ভিজিৎ অসি হেন্না মশক থোকহনখি।
পার্লিয়ামেন্তদা ৱা ঙাংলদুনা, প্রধান মন্ত্রীনা "দিমোক্রেসীগী মমা" অমসুং মালেমগী খ্বাইদগী চাউবা দেমোক্রেসীদগী অৱাংবা থাক্কী হাউস অসিগী মেম্বরশিং অমসুং নামিবিয়াগী নুংশিরবা মীয়ামদা খুরুমখি। লৈবাক অনিগী মরক্তা লৈরিবা পুৱারী ওইরবা মরীশিং অমসুং মখোয়গী পুন্না নীংখা তম্বগীদমক লান্থেংনখিবা অদু নীংশিংলদুনা, প্রধান মন্ত্রীনা নামিবিয়াগী ফাউন্দিং ফাদর, দোক্তর সেম নুজোমাগী লিগেসীবু ইকায় খুম্নবা উৎখি। লৈবাক অনি অসিগী ফাউন্দিং ফাদরশিংনা শৌগৎখিবা দেমোক্রেতিক ভেল্যুশিং অমসুং প্রিন্সিপলশিং অসিনা লৈবাক অনি অসিগী চাউখৎপগী লম্বীদা মঙাল পীরি হায়না মহাক্না ফোংদোকখি। মহাক্না লৈবাক অসিদা দেমোক্রেসী হেন্না চেৎশিলহনবদা নামিবিয়াগী লৈঙাক অমসুং মীয়ামগী থৌদাং অদু থাগৎখি।
প্রধান মন্ত্রীনা মহাকপু খ্বাইদগী ৱাংবা জাতিগী ইকায় খুম্নবা পীখিবগীদমক নামিবিয়াগী মীয়ামদা থাগৎপা ফোংদোকখি। মহাক্না হায়খি মদুদি অখন্নবা থৌওং অসিনা ভারত অমসুং নামিবিয়াগী গনতন্ত্রগী মাইপাকপশিংবু ইকায় খুম্নবা উৎলি। ফ্রীদম, ইক্বেলিতী অমসুং জস্তিসকী সেন্তিনেলশিং ওইনা, মহাক্না লৈবাক অনিমকপু গ্লোবেল সাউথকী চাউখৎহন্নবগীদমক থবক তৌনবা হায়খি। মসিনা মরম ওইদুনা মাগী মীয়ামগী ভোইসশিং অদু খক ফোংদোকপদা নত্তনা মখোয়গী আশা অমসুং এস্পিরেসনশিং অদু মপুং ফানা মংফাওনহনগনি। মহাক্না ফোংদোকখি মদুদি G-20গী প্রসিদেন্সীগী মতমদা অফ্রিকান য়ুনিয়নবু গ্রুপ অসিগী পর্মিনেন্ত মেম্বর অমা ওইখিবা অদুগুম্না ভারতনা মতম পুম্নমক্তা অফ্রিকাগী প্রোগ্রেসকীদমক থবক তৌগনি। মহাক্না হায়খি মদুদি ভারতনা নামিবিয়া অমসুং মহাদেশ অসিগী অতোপ্পা লৈবাকশিংগা লোয়ননা মাগী চাউখৎ-থৌরাংগী এক্সপিরিয়েন্সশিং শরুক য়ামিন্নবগী খুদোংচাবা ফংলি। ভারতনা কেপাসিতী শেমগৎপা, স্কিল দিবেলপ তৌবা, লোকেল ইন্নোবেসন প্রমোৎ তৌবা অমসুং অফ্রিকাগী এজেন্দা 2063 সপোর্ত তৌবদা লেপ্পা লৈতনা থাজবা থম্লি।
প্রধান মন্ত্রীনা মহাকপু ইকায় খুম্নবা উৎখিবগীদমক স্পিকরদা থাগৎপা ফোংদোকখি। লৈবাক অনিগী দেমোক্রেসীশিং অসি মতম চুপ্পদা চাউখৎহন্নবা লৈবাক অনিগী মরক্তা পিপল-তু-পিপল ইন্তরেক্সন অসি হেন্না নকশিন্নবা মহাক্না হায়খি। "ঐখোয়গী অঙাংশিংনা ঐখোয়না লান্থেংনখিবা নীংতম্বা অদুগী মপু ওইবতা নত্তনা ঐখোয়না পুন্না শেমগৎকদবা তুংলমচৎ অদুসু ফংহল্লসি" – হায়না ফোংদোক্লদুনা মহাক্না মহাক্কী ৱারোল লোইশিনখি।
***
(Release ID: 2183686)
Visitor Counter : 7
Read this release in:
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam