قومی اسمبلی کی اسپیکر عزت مآب  سارا کونگو گلوا  کی دعوت پر ، وزیر اعظم جناب نریندر مودی نے آج نامیبیا کی پارلیمنٹ سے خطاب کیا۔ نامیبیا کی طرف سے اس خصوصی اقدام  نے وزیر اعظم کے نامیبیا کے سرکاری دورے کو مزید بامعنی بنا دیا۔

پارلیمنٹ سے خطاب کرتے ہوئے وزیر اعظم نے "مدر آف ڈیموکریسی" اور دنیا کی سب سے بڑی جمہوریت کی طرف سے مہمان ایوان کے اراکین اور نامیبیا کے دوست لوگوں کو مبارکباد دی۔ دونوں ممالک کے درمیان تاریخی تعلقات اور آزادی کے لیے ان کی مشترکہ جدوجہد کو یاد کرتے ہوئے، وزیراعظم نے نامیبیا کے بانی ڈاکٹر سیم نجوما کی میراث کو خراج تحسین پیش کیا۔ انہوں نے کہا کہ دونوں ممالک کے بانیوں کی طرف سے چلائے گئے جمہوری اقدار اور اصول دونوں ممالک میں ترقی کی راہیں روشن کرتے رہتے ہیں۔ انہوں نے ملک میں جمہوریت کومستحکم کرنے میں نامیبیا کی حکومت اور عوام کے کردار کی تعریف کی۔

وزیر اعظم نے نامیبیا کے عوام کا شکریہ ادا کیا کہ انہوں نے انہیں اپنا اعلیٰ ترین قومی اعزاز عطا کیا۔ انہوں نے کہا کہ یہ خصوصی اقدام ہندوستانی اور نامیبیا کی جمہوریتوں کی کامیابیوں کو خراج تحسین ہے۔ آزادی، مساوات اور انصاف کے محافظوں کے طور پر، انہوں نے دونوں ممالک پر زور دیا کہ وہ گلوبل ساؤتھ کی بہتری کے لیے کام کریں، تاکہ یہاں کے لوگوں کی آوازیں نہ صرف سنی جائیں، بلکہ ان کی امیدوں اور امنگوں کو پورا کیا جائے۔ انہوں نے اس بات پر زور دیا کہ ہندوستان افریقہ کی ترقی کے لیے ہمیشہ کام کرے گا، جیسا کہ اس نے جی -20 کی صدارت کے دوران کیا تھا جب افریقی یونین کو گروپ کا مستقل رکن بنایا گیا تھا۔ انہوں نے کہا کہ ہندوستان کو نامیبیا اور براعظم کے دیگر ممالک کے ساتھ اپنے ترقیاتی تجربے کا اشتراک کرنے کا اعزاز حاصل ہے۔ ہندوستان صلاحیت کی تعمیر، مہارتوں کو فروغ دینے، مقامی اختراعات کو فروغ دینے اور افریقہ کے ایجنڈا 2063 کی حمایت کے لیے پرعزم ہے۔

وزیراعظم نے اسپیکر کی جانب سے دیے گئے اعزاز پر شکریہ ادا کیا۔ انہوں نے دونوں ممالک کے درمیان عوام کے درمیان زیادہ سے زیادہ روابط بڑھانے پر زور دیا تاکہ دونوں جمہوریتیں ہمیشہ خوشحال رہیں۔ اپنے اختتامی کلمات میں وزیر اعظم نے کہا کہ "ہمارے بچوں کو نہ صرف اس آزادی کے وارث ہونے دیں جس کے لیے ہم لڑے تھے، بلکہ مستقبل کو بھی ہم مل کر بنائیں گے۔"

*******

ش ح۔ ع و ۔ رض

U. No.2615