மத்திய உள்துறை மற்றும் கூட்டுறவுத்துறை அமைச்சர் திரு அமித் ஷா இன்று மும்பையின் மசஹான் கப்பல்துறையில் பிரதமரின் மத்ஸ்ய சம்பதா திட்டத்தின் கீழ் ஆழ்கடல் மீன்பிடி கப்பல்களைத் தொடங்கி வைத்தார். இந்த நிகழ்வில், மகாராஷ்டிர முதல்வர் திரு தேவேந்திர ஃபட்னாவிஸ், துணை முதல்வர்கள் திரு ஏக்நாத் ஷிண்டே மற்றும் திரு அஜித் பவார், மத்திய கூட்டுறவுத் துறை இணையமைச்சர் திரு முரளிதர் மொஹோல் ஆகியோர் கலந்து கொண்டனர்.

நிகழ்ச்சியில் பேசிய திரு அமித் ஷா, பிரதமர் திரு நரேந்திர மோடியின் தலைமையில், இந்தியாவின் கடல் மீன்பிடித் துறையை நவீனமயமாக்குவதற்கும், கடலோரப் பகுதிகளில் கூட்டுறவு சார்ந்த வளர்ச்சியை ஊக்குவிப்பதற்கும் இது ஒரு குறிப்பிடத்தக்க முயற்சியாகும் என்று கூறினார். 'தற்சார்பு இந்தியா’ என்ற தொலைநோக்குப் பார்வையை நனவாக்குவதற்கும், கூட்டுறவுத் துறையின் ஆற்றலைப் பயன்படுத்தி நீலப் பொருளாதாரத்தை வலுப்படுத்துவதற்கும் திரு மோடி அரசு உறுதிபூண்டுள்ளது என்று அவர் கூறினார்.

மீன்வளத் துறையில், ஒத்துழைப்பு நமது சகோதர சகோதரிகள் அனைவரின் வாழ்க்கையின் அடித்தளமாக மாறி வருவதாகவும், இந்த திசையில் நாம் முன்னேறி வருவதாகவும் திரு அமித் ஷா கூறினார். எதிர்காலத்தில் பதப்படுத்துதல், ஏற்றுமதி மற்றும் பெரிய தொகுப்பு கப்பல்களை நிறுத்துவதற்கான திட்டங்கள் உள்ளன என்றும் அவர் குறிப்பிட்டார்.

ஒவ்வொரு குடும்பமும் தங்கள் குழந்தைகளுக்கு நல்ல கல்வியை வழங்குதல், சீரான உணவை வழங்குதல், முதியவர்கள் மற்றும் குழந்தைகளின் ஆரோக்கியத்தைப் பராமரித்தல் மற்றும் தன்னிறைவு பெறுதல் போன்றவற்றால் மட்டுமே ஒரு நாடு உண்மையிலேயே வளமானதாக கருதப்படும். மனிதநேய அணுகுமுறையுடன் மொத்த உள்நாட்டு உற்பத்தியை அடைய கூட்டுறவுகளை விட சிறந்த கருவி எதுவும் இல்லை என்றார்.

மேலும் விவரங்களுக்கு இந்த செய்திக் குறிப்பை ஆங்கிலத்தில் இங்கே காணவும்:https://www.pib.gov.in/PressReleasePage.aspx?PRID=2183060

(Release ID: 2183060)

***

SS/BR/SH